На денешен ден - Канал 5

Живот

На денешен ден

7 јануари 2026.

На денешен ден

- Денеска е Божик за христијаните кои се придржуваат на Јулијанскиот календар, а тоа се припадниците на МПЦ-ОА, Српската, Руската, Грузиската, Вселенската, Ерусалимската, Антиохиската и Александриската патријаршија. Божик е ден кога христијаните го одбележуваат раѓањето на Спасителот - синот Божји Исус Христос. Овој датум првпат се споменува како празник во 336 година, во еден римски календар. До 16. век сите христијани Божик го славеле истиот ден, а по 1582 година со прифаќањето на Грегоријанскиот календар од страна на Ватикан, се појавиле разлики. Првите векови во православните и протестантските земји се држеле според стариот календар, кој подоцна постапно се менувал. На Божик, православните Македонци се поздравуваат со зборовите „Христос се роди“, на што одговараат со „Вистина се роди“.

1536.- Умре англиската кралица од шпанско потекло Катарина Арагонска, прва од шесте жени на англискиот крал Хенри Осми. Нивниот развод без дозвола од папата предизвикал англиска црковна реформа и одвојување од католичката црква.

1584.- Католичките држави во рамките на светото Римско царство го усвоиле Грегоријанскиот календар.

1598.- На рускиот престол застана Борисл Годунов, по смртта на Фјодор Први, последниот цар од династијата Рјурикович.

1610.- Италијанскиот астроном и математичар Галилео Галилеј ги открил Јупитеровите месеци Ио, Европа, Ганимед и Калисто.

1789.- По донесувањето на американскиот Устав со кој се утврдиле начелата на државното уредување и надлежностите на претседателот, во САД се одржале првите претседателски избори на кои убедливо победил Џорџ Вашингтон, прочуениот водач на војната за независност.

1898.- По конституирањето на првата подморница која се движела на тркала по морското дно и со додавање на цевка низ која во подморницата влегувал свеж воздух, американскиот техничар Симон Лејк водел телефонски разговор од својата подморница со претседателот на општината на градот Балтимор. Тоа го значило почетокот на новиот начин на телефонско комуницирање.

1923.- Во Кавадарци е роден Иван Диме Мазов Климе, македонски револуционер, театарски критичар, раскажувач, публицист, општественик и долгогодишен новинар и уредник во весникот „Нова Македонија“. Познати се неговите прозни дела „Додека топовите пукаат“ и „По трагите на Евлија Челебија“. Во Рогашка Слатина, во Словенија, несреќно го загубил животот на 14 февруари 1977 година.

1927.- Воспоставена е редовна трансатлантска телефонска врска меѓу Лондон и Њујорк.

1942. – Во Жван, Демирхисарско, е роден Божин Павловски, македонски писател и редовен член на МАНУ. Живее и твори во Скопје и Мелбурн. Бил долгогодишен главен уредник на издавачката куќа „Мисла“ во Скопје, а исто така, е основач на издавачката куќа АЕА во 1992 година во Мелбурн, Австралија. Носител е на врвни македоски книжевни и дражвни награди за неговото прозно твпрештво. Дела: „Дува“ (роман, 1973), „Вест Ауст“ (роман, 1978), „Црвениот хипокрит“ (роман, 1984), „Уткини соседи“ (роман, 1987), „Враќање во сказните“ (роман, 1989) „Дува и болвата“ (роман, 1997), „Подвижни гробови“ (роман, 1998), „Патување со љубената“ (роман, 2000), „Египетска сонувалка“ (роман, 2001), „Изгубени во рајската градина (роман) и други.

1943.- Во Њујорк умрел Никола Тесла, еден од најголемите умови и пронаоѓачи на полето на електротехниката. Тој е пронаоѓач на трофазниот систем за пренос на електрична енергија, на индукциониот мотор, на генераторот и трансформаторот и на цела низа други откритија врз кои денес се заснова модерната електроника. Тој е пионер на радиотехниката и според него струјата со висок напон го доби името Теслина струја. Роден е во селото Смиљан, кај Госпиќ, на 10 јули 1856 година.

1953.- Американскиот претседател Хари Труман соопшти дека во САД е направена хидрогенска бомба.

1972.- Индија се спротивстави на притисокот од САД и воспостави дипломатски односи со Кина.

1979.- Камбоџиските бунтовници со помош на витенамските сили, го зазелеа Пном Пен и ја собориле владата на „Црвените Кмери“ предводена од Пол Пот. За време на неговото владеење од 1975 година во Камбоџа биле убиени меѓу еден и два милиона луѓе.

1984.- Умрел францускиот физичар Алфред Кастлер, член на Француската академија и добитник на Нобеловата награда за физика во 1966 година. Открил и развил оптички методи за изучување на Херцовите резонанци во атомите и неговиот труд е од клучно значење за развој на ласерот.

1987.- Во Софија умрел Венко Марковски, поет, драмски писател, еден од основоположниците на современата македонска литература, член на Македонската литературна група, основана во Софија во 1931 година, на Македонскиот литературен кружок (1938 - 1941), учесник во НОВ на Македонија, член на Главниот штаб на НОВ и ПОЈ, член на Иницијативниот одбор за свикување на Првото заседание на АСНОМ, делегат на Првото заседание на АСНОМ... Неговите стихозбирки „Народни бигори“ и „Огинот“, издадени во 1938 година се првите книги стихови на македонски јазик. Бил најомилен македонски поет се до неговото одење во Бугарија. Поради судир со актуелното раководство на Македонија и на Федерацијата осуден бил на принудна работа и интерниран на Голи Оток. Роден е во Скопје, на 5 март 1915 година.

1990.- Првпат по 800 години била забранета посетата на Кривата кула во Пиза, една од најголемите туристички атракции. Поради опасноста кулата да падне, неопходна била нејзина реконструкција.

1992.- Првпат, 7 јануари - првиот ден на Божик, беше прогласен за неработен ден во Република Македонија.

1997.- Во Битола умрел Доне Пановски, македонски литературен критичар, есеист, книжевен историчар и новинар. Автор е на повеќе книги, меѓу кои „Вреднувања“, „Литературни портрети“, „Писателите на Илинден“, „Литературни студии“ и други. Роден бил во селото Буф, Леринско, на 5 ноември 1935 година.

1999.- Во Американскиот сенат била отворена постапката за сменување (импичмент) на претседателот Бил Клинтон.

2001.- Во Скопје умрел Скендер Амет, прочуен македонски естраден виртуоз на хармоника, од ромска националност. Роден е во Скопје, на 31 октомври 1953 година.

2004.- Врховниот суд на Индонезија ја потврдил смртната казна на исламскиот терорист Аморзи, обвинет за подметнување експлозив во ноќен клуб на островот Бали, кога загинале најмалку 202 лица, речиси сите западни туристи.

2006.- Умрел австрискиот писател и истражувач Хајнрих Харер, чие биографско дело “Седум години на Тибет“ е преведено на 53 јазици. Како научник во рамките на истражувачката експедиција која ја испратила нацистичка Германија бил на Тибет и таму останал цели седум години.

2013.- Умрел Драгиша Димитријевски - Шипе, актер од Кумановскиот театар. Својата актерска кариера ја започнал со претставата „Мајката храброст и нејзините деца“ во 1974 година, а од 1980 година бил постојан член на Кумановскиот театар, каде што остварил над сто и педесет актерски улоги. Добитник бил на стручни и општествени награди, на МТФ „Војдан Чернодрински“ и на „Ноемвриска награда“ на градот Куманово. Во последните неколку години Димитријевски беше уметнички раководител на ликовната колонија „Карпино“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Три кујнски апарати кои никако не смеат да бидат приклучени на продолжен кабел

Продолжните кабли се практични, но нивната неправилна употреба со апарати со голема моќност е една од водечките причини за пожари во домовите.

Три кујнски апарати кои никако не смеат да бидат приклучени на продолжен кабел

Продолжните кабли се несомнено корисни, особено во постарите домови кај кои недостасуваат штекери, тие ни овозможуваат да напојуваме уреди далеку од ѕидот. И покрај нивната практичност, милиони домаќинства сè уште не се свесни за потенцијалните опасности. Стручните лица за енергетска ефикасност и електричарите во едно се согласни: продолжните кабли често се злоупотребуваат, а поврзувањето на одредени апарати со голема моќност може да претставува сериозен ризик од пожар. Проблемот е што секој продолжен кабел е дизајниран за одредена максимална струја. Кога во него е вклучен уред што троши премногу енергија, кабелот може да се прегрее. „Во најлош случај, може да доведе до пожар во домот или електричен удар бидејќи изолацијата на жицата се топи“, објаснува електричарот Ангел Гарсија за Yahoo. Прегревањето се случува постепено и незабележливо, создавајќи скриена опасност зад мебелот или кујнските елементи.

Првата и можеби најчесто погрешно поврзана група уреди се фрижидерите и замрзнувачите. Иако нивната потрошувачка не делува екстремно висока во споредба со, на пример, рерна, тие претставуваат единствена опасност бидејќи работат дваесет и четири часа на ден, седум дена во неделата. Нивниот компресор се вклучува и исклучува за да ја одржи температурата, и секој пат кога ќе се вклучи, троши значително повеќе струја отколку што троши за време на нормална работа. Повеќето стандардни продолжни кабли не се дизајнирани да се справат со овие повторувачки скокови на напон или континуирани оптоварувања.

Долготрајното оптоварување може да предизвика прегревање на кабелот и оштетување на неговата изолација, што драматично го зголемува ризикот од пожар. Покрај тоа, постои поголем ризик од случајно исклучување, што може да доведе до расипување на храната ако апаратот остане без струја дури и кратко време. Заради безбедност и сигурност, секогаш вклучувајте ги фрижидерите и замрзнувачите директно во ѕидниот штекер, по можност на посебно струјно коло.

Друг апарат што бара директно поврзување со штекер е микробрановата печка. Иако може да изгледа безопасна, микробрановата печка е еден од најголемите потрошувачи на електрична енергија во кујната. Потребно е стабилно, високо напојување за безбедно загревање на храната, а нејзиното вклучување во продолжен кабел лесно може да го преоптовари системот. Електричарите истакнуваат дека микробрановите печки трошат значителна количина струја, што може да предизвика прегорување на осигурувачите и, во некои случаи, прегревање што може да доведе до пожари.

Третата ризична група ја сочинуваат кујнските апарати што генерираат топлина, како што се фритези на топол воздух, тостери, апарати за кафе и чајници. Општото правило е дека сè што има греен елемент или моќен мотор не треба да се поврзува со продолжен кабел. Фритезите на топол воздух, иако се релативно мали, можат да потрошат до 2000 вати енергија, што е далеку над капацитетот на повеќето продолжени кабли. Тостерите и тостер-печките се исто така големи потрошувачи, со опсег од 1200 до 1400 вати. Дури и апаратите за кафе, кои трошат помеѓу 500 и 1200 вати, стануваат опасни ако се поврзани со други уреди на истиот продолжен кабел. Големата побарувачка за енергија ги оптоварува внатрешните компоненти на продолжниот кабел, предизвикувајќи нивно загревање до точка на дефект. Ако немате доволно приклучоци во вашата кујна, најбезбедното решение е да ангажирате квалификуван електричар да инсталира дополнителни, наместо да се потпирате на привремени и опасни решенија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Полицаец од Л.А. со 4 куршуми застрела куче, кое било облечено во дрес на „Њујорк Никс“ (ВИДЕО)

Полицијата го застрела и уби Џејмсон, 2-годишен мешан бернски планински пес и пудлица, откако биле повикани во станот на неговата сопственичка за да ја проверат нејзината состојба.

Полицаец од Л.А. со 4 куршуми застрела куче, кое било облечено во дрес на „Њујорк Никс“ (ВИДЕО)

Полициската станица на Лос Анџелес (LAPD) објави вознемирувачка снимка од камера на телото на која се гледа моментот кога полицаец смртно го застрелува кучето во станбен комплекс минатата недела, објавува „Хафингтон пост“.

Инцидентот, кој привлече широко внимание од јавноста, се случи на 13 јуни откако полицијата одговори на повик од сосетка која рекла дека слушнала жена како вреска и побарала да ја проверат безбедноста на станарката. Жената, Мари Марсел, подоцна рече дека врескала од радост кога Њујорк Никс ја освоиле титулата во НБА.

Новообјавената снимка содржи снимки од камерите на двајца полицајци. Снимката ја покажува Марсел како им ја отвора вратата на полицајците додека нејзиното куче лае во позадина. Полицајците ја замолуваат да го заклучи кучето во друга соба, а откако таа ја затвора вратата, еден полицаец му вели на својот колега:

„Боже мој, колку е големо ова куче?“

Додека разговараат за неговата големина, друг додава:

„Човече, нема шанси тоа да ме касне.“

Кога Марсел повторно ја отвори вратата, им кажа на полицајците дека нејзиното куче „не е агресивно“. Џејмсон, 2-годишен Бернедудл облечен во дрес на Никс, излезе низ вратата и истрча кон еден од полицајците, лаејќи. Во тој момент, полицаецот испука најмалку четири куршуми, убивајќи го кучето, додека Марсел врескаше.

Видео од сведок снимено кратко по инцидентот ја покажува Марсел како го покрива телото на своето куче со своето и плаче. Брет Гринфилд, адвокат на Марсел и нејзиното семејство, ги осуди постапките на полицајците во изјава за локалната телевизиска станица ABC 7.

„Џејмсон не беше предмет на никакви обвиненија“, напиша Гринфилд. „Тој не претставуваше закана за јавноста. Тој беше сакан член на семејството во својот дом. Сепак, проверката за благосостојба заврши со неговата смрт, трауматизирајќи ја неговата сопственичка и покренувајќи сериозни прашања за проценката и однесувањето на полицаецот кој го повлече чкрапалото.“

Адвокатот, исто така, рече дека Марсела „бил во непосредна близина на пукањето од страна на полицаецот“, додавајќи дека е „среќа што Мари Марсеила е жива денес“.

Шефот на полицијата во Лос Анџелес, Џим Мекдонел, го нарече инцидентот „исклучително трагичен“ во соопштение објавено во среда и вети „целосна и темелна истрага“ за инцидентот.

Убиството на кучето предизвика силна реакција на интернет, вклучително и критики од градоначалничката на Лос Анџелес, Карен Бас. Во меѓувреме, кампањата за собирање средства што ја започна синот на Марсеила, Џереџеј Гарсија, собра повеќе од 200.000 долари до вчера вечерта.

Тагови: куче полицаец

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Финска во шок: Момче се запали и скокна од карпа во вода, додека пријателите го снимаат (ВИДЕО)

Драматична ситуација што се појавува само во филмови се случила на плажата Пикукоски во предградието на Хелсинки, Оулункила, Финска.

Финска во шок: Момче се запали и скокна од карпа во вода, додека пријателите го снимаат (ВИДЕО)

Настанот бил снимен со камера од неколку очевидци, вклучувајќи го и Ету од Хелсинки, кој ја поминувал летната ноќ во близина на местото на настанот.

Според Ету, група млади пристигнале на плажата околу полноќ со шише течност за запалување. Тие им кажале на другите присутни што ќе прават и одбиле да послушаат какво било разубедување.

„Се обидовме да ги разубедиме, да се договориме со нив, но не можевме“, вели Ету.

Младите мажи се искачиле на карпа, каде што шишето било испразнето врз еден од нив. Потоа еден од младите мажи се самозапалил.

Снимката не покажува дали момчето се самозапалило. Сепак, камерата на Ету го снимила моментот кога млад човек облечен во темна облека, во пламен, трча неколку метри до карпата и скока.

- Потоа, со солзи во очите, излегол од водата -

Според Ету, младиот човек се пожалил дека му горат грбот и рацете, но и покрај болката, останал на плажата со своите пријатели. Атмосферата во групата, според Ету, била „весела“.

На крајот, била повикана брза помош, а според Ету, младиот човек влегол во брзата помош на свои нозе.

Центарот за итни случаи ги проследил информациите за интервенцијата на брзата помош до полицијата. Оперативниот центар на полициската управа во Хелсинки потврдил за Илталехти, кој објави и ВИДЕО од страшниот настан, дека информациите пристигнале доцна синоќа.

Тагови: момче Финска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер