Живот

На денешен ден

25 октомври 2025 .

732.- Францускиот владетел Шарл кај Поатје и нанесол пораз на инвазиската војска на Сарацените под команда на валијата Абд-ар-Рахман, припадник на екстремно фанатистичката муслиманска секта, што му го донесе прекарот „Шарл Чеканот“ (Мартел).

1154.- Умрел англискиот крал Стивен, внук на Вилијам Освојувачот, кој во текот на владеењето искажал голема храброст предводејќи ја војската во многу битки во граѓанската војна, но и мала политичка вештина.

1400.- Во Лондон умрел Џефри Чосер, најголем англиски поет во средниот век, еден од основачите на англиската литература, современик на Петрарка и на Бокачо. Најзначајно му е делото „Кентерберски приказни“. Тоа е првото и поголемо позначајно остварување на англиски јазик. Други негови познати дела се „Парламент на птици“, „Троил и Кресида“ и други. Роден бил во Лондон, во 1340 година.

1647.- Умрелч италијанскиот физичар и математичар Еванџелиста Торичели, пронаоѓач на живиниот барометар, т.н. Торичелиева цевка.

1825.- Во Виена е роден Јохан Штраус - помладиот, австриски композитор, виолинист и диригент. Тој бил создавач на класичната виенска оперета во која доминирал валцерот. Најважни негови дела се оперетите: „Лилјакот“, „Циганскиот барон“, валцерите „На убавиот син Дунав“ и други. Умрел во Виена, на 3 јуни 1899 година.

1838.- Во Париз е роден Жорж Бизе, француски композитор, автор на многу познатата опера „Кармен“, најуспешното дело на францускиот реализам. Компонира околу 50 соло-песни, една симфонија, свита и една увертира. Неговите опери „Иван Грозни“ и „Ловци на бисери“ (како и „Кармен“) се изведуваат на сите големи сцени во светот. Умрел во Бугивал, во близината на Париз, на 3 јуни 1875 година.

1936.- Нацистичка Германија и фашистичка Италија ја формирале Оската Рим - Берлин, со што бил зацврстен сојузот на водечките фашистички држави во Европа. „Оската“ подоцна со вклучувањето на Јапонија за кусо време станала првокласна меѓународна воена и политичка групација и извор на империјалистички амбиции и на агресивни планови.

1936.- Предаден бил во употреба часовникот на Саат-кулата во Битола. Тој бил подарок од Народниот сојуз на Германија, а во знак на бладораност што битолчани им дале на Германците плац за изградба на Тврдината на загинатите германски војници во Првата светска војна на боиштето на Македонскиот фронт. Инаку, Саат-кулата се претпоставува дека е изградена во 17. век или во 1830 година кога е изградена црквата „Свети Димитрија“.

1944.- Јапонците првпат извршиле напад со „камикази“ (пилоти-самоубијци) против американската морнарица во заливот Лејт на островот Самар, во Филипинскиот архипелаг. Притоа, потопени биле три носачи на авиони и три десантни брода. Јапонија во текот на војната извршила вкупно 2.314 напади од кои целта ја погодиле 474 „камикази“.

1945.- Во Португалија на престолот застанал кралот Мануел I, кој современиците го нарекле „Мануел Велики“ или „Мануел Среќниот“. За време на неговото владеење до 1521 година земјата економски и политички процветала и станала светска поморско-колонијална сила од прв ред. Им дал голема материјална помош на истражувачките потфати на морепловците Васко де Гама, Дијас де Новаес Бартоломеј, Дијего Кам, Педро Алварез Кабрал, со што одлучувачки придонесол во откривањето на поморскиот пат за Индија и откривајќи го Бразил, по што и Индија и Бразил станале португалски колонијални имоти.

1971.- НР Кина била примена во членството на ООН.

1993.- Мелина Меркури, актерката во филмот „Никогаш во недела“, која ја добила функцијата министер за култура во Атина, ветила дека ќе се бори за враќање на мермерните украси од Британскиот музеј, антички орнаменти кои го краселе Партенон. „Никогаш не почнувам борба без да ја продолжам и без да ја завршам“, изјавила Меркури. Сите британски влади одбиле да ги вратат мермерите, бидејќи тоа ќе значело преседан, со кој музеите низ светот ќе ги загубат своите богатства.

1994.- Седум слики на шпанскиот сликар Пабло Пикасо биле украдени од една уметничка галерија во Цирих, соопштила полицијата. Вредноста на сликите била проценета на 250 милиони швајцарски франци, односно 208 милиони долари.

1995.- Амбасадата на Република Турција во Скопје го информирала Министерството за надворешни работи на Република Македонија дека Република Македонија била примена за полноправна членка на Црноморската конвенција за соработка во областа на културата, образованието, науката и информирањето.

2003.- Под обвинение за измама и огромни неплатени даноци бил уапсен најбогатиот руски државјанин Михаил Ходорковски, мнозински акционер на гигантската нафтена компанија „Јукос“.

2011. - Пред изгрејсонце бил погребан либискиот лидер Моамер Гадафи на тајно место во либиската пустина. Заедно со Гадафи биле погребани и неговиот син Мутасим и поранешниот либиски министер за одбрана Абу Бакр Јунис. На погребната церемонија на која исламски духовници прочитале молитви, присуствувале роднини на починатите и претставници на либиските власти. Телата на Гадафи, на неговиот син и на Јунис, кои биле убиени на 20 октомври, неколку дена стоеле во еден ладилник во Мисурата.

2011.- Островските држави Куракао и Сент Мартен биле примени за асоцијативни членки на Организацијата на ОН за образование, наука и култура (УНЕСКО). Одлуката бил донесена едногласно на првата седница на Триесет и шестата сесија на Генералната конференција на УНЕСКО. Со приемот на овие две држави, УНЕСКО имала 201 членка и таа станала најмногучлена организација во семејството на ОН.

2011.- Умрел првиот претседател на Меѓународниот кривичен суд за поранешна Југославија, судијата Антонио Касазе. Касазе бил првиот претседател на Хашкиот трибунал од 1993 до 1997 година, а потоа бил судија во Специјалниот суд за Либан и една од водечките личности заслужни за развојот на меѓународното хуманитарно право.

2017.- На возраст од 89 години почина Фетс Домино, еден од највлијателните рокенрол изведувачи во 50-те и 60-те години. Славата ја стекна како пијанист, пејач и текстописец, а ќе остане запомнет по хитовите „Ain't That a Shame“, „Blueberry Hill“, „Walkin' to New Orleans“ и многу други. Успешната кариера ја започна во 1949 година со песната „The Fat Man“, која беше продадена во повеќе милиони копии, што не беше случај со тогашната рокенрол музика. Овој музичар од Њу Орлеанс продал повеќе од 65 милиони плочи, тираж кој во 50-те години го надмина само Елвис Присли. Тој имал 40 песни на топ-листите за 10 најдобри ЕренБи нумери и 11 песни на топ-листите за 10 најдобри поп песни. На еден концерт, Присли го претстави како човекот кој извршил најголемо влијание на него на почетокот на кариерата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мега скандал: Приватна фирма плаќа лобисти во САД за Мицкоски!

Во Америка има закон. Ако некој однадвор плаќа лобист да работи кон американски функционери, тоа се пријавува. Се вика FARA.

Регистар бр. 6170.

Таму пишува: американската куќа Mercury Public Affairs ја плаќа фирма од Скопје - АТС Груп ДООЕЛ.

Приватна фирма.

Значи не ја плаќа Министерството за надворешни, владата.... Ја плаќа приватна компанија за муниција, шлемови, балистичка опрема.

Сопственик: е Шефшет Демировски.

Цена: 130.000 долари месечно. Квартално однапред 390.000. Годишно околу 1,56 милиони долари.

Договорот трае, низ 2026 и 2027 година.

На 2 април 2026 истата куќа, платена од АТС, предава материјал со наслов „Стратешко партнерство САД–Северна Македонија“.

Во текстот не стои „продајте ни куршуми“. Стои пакет влада со влада.

Име: Трамп и Мицкоски. Нула царини. Американски гас. Стотици милиони за американски ИТ.

Повластен пристап за американска одбрана.

Енергетски столб од ред 1,5 милијарди долари.

Превод за секој што не чита регистри: приватна фирма за оружје плаќа американски лоби да ги турка темите на Мицкоски како да се државни.

Ова е мега скандал.

Што бара таа фирма? Пазар за наоружување и опрема.

Што е антимон? Метал што влегува во воена индустрија - тврди легури, муниција, заштита.

Пет милиони долари грант за развој на антимон кај Крстов Дол, Луке, Крива Паланка, Мицкоски го продаде како успех од Америка.

За Гета фрлија 5,53 милиони евра народни. Земјата евтина. Концертот скап. Јаловината останува во почва и вода.

Затоа ова е многу едноставно. Кога немаш официјален термин, одиш каде што лобистот отвора врата: хотелски фоаје, ходник, 42 секунди, слика од страна.

Потоа дома тоа го викаш средба на ултра високо ниво.

Заштита на идентитетот. Стратешко партнерство.

Проверивме што може да се провери. На сајтовите на Белата куќа, Стејт департментот, агендите на секретарот Марко Рубио и на заменикот Кристофер Ландау, Пентагон, ДФЦ, Конгрес, FARA - за посетата од 15 до 22 септември 2026 нема официјална објава дека Мицкоски имал состанок со Рубио, со Ландау или со друг висок функционер на администрацијата.

Нема агенда. Нема заедничко соопштение. Нема потпис. Има Фејсбук.

Ако Вашингтон не го запишал, тоа не е државна средба туку неформален контакт.

Ако истиот човек дома го продава како самит, тоа е лага.

Ако истиот месец приватна каса, приватна фирма плаќа лоби за неговата агенда, тоа не е

случајност. Тоа е метод.

Педесет души на народен грб. Приватна фирма плаќа врата.

Премиерот се слика на ходник. Антимонот влегува како „почеток“. Народот не се прашува.

Провизијата се знае кај него. Ризикот останува кај нас: вода, почва, сметка.

СДСМ е за сојуз со Америка ама вистински сојуз. Како што ние успеавме. И со САД да ги издигнеме односите на највисоко ниво и НАТО да го затворивме токму ние.

Но ние сме против тоа државата да се води од фоаје и од каса на производител на муниција.

Ова мириса на корупција и мора да се истражи!

Бараме јавно да биде објавена целата документација.

Цел извод FARA 6170, материјалот од 2 април, список кого Mercury го барал во име на АТС, кој ја платил делегацијата, и писмен одговор зошто антимон се води како државен интерес додека го лобира приватна воена фирма.

Ходникот не е кабинет. Лобито не е дипломатија.

Антимонот не е леб. Тоа е руда за оружје.

Кој го плаќа лобито, тој ја пишува агендата. Во овој случај не ја пишува народот.

Прес конференција на СДСМ, Богданка Кузеска, портпаролка и членка на Извршниот одбор

Скопје, 24.09.2026

СДСМ

Култура

МНТ: Премиера на претставата „Три сестри“

Претпремиерата на претставата „Три сестри“, по мотиви на А.П. Чехов, во режија на Нела Витошевиќ, ќе се одржи вечерва на 24 септември, а премиерата е закажана за 25 септември.

Билетите за претпремиерната и премиерната изведба како и за првата изведба која е закажана за 5 октомври се достапни во продажба, а публиката може навреме да ги обезбеди своите места.

Новата сценска адаптација, по текст на Васил Христов и Нела Витошевиќ, а во драматургија на Викторија Рангелова-Петровска, е современо читање на еден од најзначајните драмски класици.

Претставата „Три сестри“ во режија на Нела Витошевиќ е работена врз новиот драмски текст под кој како автори се потпишуваат Васил Христов и Нела Витошевиќ. Во драмскиот текст се користат мотиви од истоименото дело на Чехов, поставени во постмодерна драмска структура - со динамичен и скоро документарно природен дијалог, суптилен хумор, разорна карактерна психологизација и поетичен драмски јазик.

Во претставата „Три сестри“ се преиспитува денешната стварност преку галерија ликови заробени помеѓу спомените, изгубените идеали и копнежот по поинаков живот. Драмското дејство е поместено на овие наши простори, во современи општествени околности. Карактерите се лица кои постепено се оддалечуваат од сопствените желби, од самите себе и од оние кои вистински ги сакаат. Семејството станува мала слика за едно општество во распаѓање, во кое старите вредности исчезнуваат, а новите сè уште не се родени.

„Три сестри“ не ја гледам само како приказна за едно семејство кое не успева да се придвижи. Ја гледам како приказна за луѓе и за едно општество заглавени во мртва точка. Сите знаат дека треба да се помрднат, сите зборуваат за промена, сите сонуваат за некаде и некогаш, но никој не успева навистина да тргне, вели режисерката на претставата Нела Витошевиќ.

Во претставата настапуваат: Дарја Ризова – Ирина, Наталија Теодосиева – Маша, Верица Недеска – Олга, Дамјан Цветановски – Андреј, Благој Веселинов – Александар, Емил Рубен – Иван, Ивица Димитријевиќ – Игор, Нина Деан – Наташа и Антонио Ташковски – Никола.

Креативниот тим го сочинуваат сценографот Игор Васиљев, костимографката Роза Трајческа, композиторот Огнен Анастасовски, а извршни продуценти се Симона Угриновска и Виктор Рубен.

Портретната фотографија од режисерката е од фотографот: Кристијан Теодоров

Фотограф на претставата е Кире Галевски

Тагови: МНТ

Свет

Откриени детали од разговорите меѓу Лавров и Рубио: Една тема во посебен фокус

Портпаролката на руското Министерство за надворешни работи, Марија Захарова, денеска ги откри деталите од разговорите меѓу рускиот министер за надворешни работи Сергеј Лавров и американскиот државен секретар Марко Рубио.

Портпаролката на руското Министерство за надворешни работи, Марија Захарова, денеска ги откри деталите од разговорите меѓу рускиот министер за надворешни работи Сергеј Лавров и американскиот државен секретар Марко Рубио, наведувајќи дека страните разговарале за широк спектар прашања.

Според неа, разговорот, кој се одржа во средата во Њујорк на маргините на неделата на состаноци на високо ниво во рамките на 81-та сесија на Генералното собрание на ОН, бил значаен, пренесува „РИА Новости“.

„Но, би сакала да го свртам вниманието на делот од преговорите во кој се разгледуваше еден многу интересен аспект што ја поврзува ситуацијата околу Украина и украинското прашање – не само со тесната координација на режимот во Киев со западноевропските партнери, туку и со фактот дека деструктивните дејства на тој режим (кои во суштина претставуваат терористички напади и екстремистички активности, вклучително и насочени напади врз цивили и прекугранични инфраструктурни објекти) доведуваат до дестабилизација на глобалните енергетски пазари“, изјави таа во интервју за каналот „Соловјов лајф“ (Soloviev Life).

Таа нагласи дека Американците гледаат директна поврзаност меѓу нападите на Киев врз инфраструктурните објекти и флуктуациите на цените на енергенсите.

Според неа, Москва постојано укажува на тоа дека „поради некоја чудна причина, режимот во Киев одамна е опсесивно привлечен кон прекугранични енергетски проекти“, кои ги вклучуваат не само Русија, туку и Казахстан, Турција и други земји.

„Ние обрнавме внимание на ова. На почетокот, сите се преправаа дека тоа изгледа неинтересно и не толку важно. А сега се испоставува дека сето тоа е директно поврзано. И ако режимот во Киев прогласи екстремистичка терористичка кампања против глобалниот енергетски сектор, тогаш не станува збор само за ситуацијата што се развива околу руските енергетски постројки. Станува збор за многу поширока слика – онаа што ја има Зеленски пред себе“, заклучи таа.

Тагови: русија САД