На денешен ден - Канал 5

Живот

На денешен ден

30 април 2025

На денешен ден

311.- Римскиот цар Константин Први Велики со Миланскиот едикт го признал христијанството во Римското царство.

1563.- Кралот Шарл Деветти ги протерал Евреите од Франција.

1789.- Џорџ Вашингтон положил заклетва како прв претседател на САД.

1803.- САД од Наполеон Бонабарта, тогаш „доживотен конзул“ на Франција, кој бил во финансиска криза, ја купиле Луизијана. Истиот ден во 1812 година, Луизијана станала 18-та сојузна држава во САД. Луизијана опфаќала територија од повеќе сегашни сојузни држави во САД.

1870.- Роден е австрискиот композитор со унгарско потекло Франц Лехар, најзначаен претставник на виенската оперета во првата половина на 20 век. Негови најпознати оперети се „Веселата вдовица“, „Грофот од Луксембург“ и други.

1883.- Роден е чешкиот писател Јарослав Хашек кој светската слава ја стекна со недовршениот хумористичко-сатиричен роман „Доживувањата на добриот војник Швејк во светската војна“, во кој ги исмејува општите прилики во Австроунгарија како и бесмисленоста, бруталноста и лудилото на војната. Швејк е лик на човек од народот под чија маска се кријат бројни видови народни мудрости.

1883.- Умрел францускиот сликар Едуар Мане. Делата му се изработени во масло, а меѓу најпознатите се портретите на Емил Зора, Жорж Клеменсо, Стефан Маларме и Марсел Пруст. Останати дела: „Појадок на трева“, „Бал во Фоли-Бержер“, „Балкон“, „Олимпија“.

1893.- Роден е германскиот дипломат Јоаким фон Рибентроп, долгогодишен министер за надворешни работи на Хитлерова Германија. Меѓународниот суд во Нирнбег го осудил на смрт поради сторени злосторства во Втората светска војна. Бил обесен во 1946 година.

1900.- Хаваи станале составен дел на САД.

1903.- Во Солун се самоубил Орце Попјорданов, еден од организаторите на Солунските атентати. По минирањето на Отоманската банка, водел неколкучасовна борба против османлиската војска.

1945.- Водачот на Третиот рајх и на нацистичка Германија и еден од најголемите злосторници во историјата на човештвото, Адолф Хитлер, откако ја слушнал веста на Радио Москва дека единиците на Црвената армија истакнале црвено знаме на Рајхстагот, изврши самоубиство во својот бункер во Берлин.

1989.- Умрел италијанскиот филмски режисер Серџо Леоне. Негови најпознати филмови се „Колосот од Родос“, „За грст долари“, „Се викам Нико“, „Било еднаш на Дивиот запад“, „Се случи во Америка“ и други.

1991.- Циклон во Бангладеш усмртил најмалку 125.000 луѓе.

1993.- На тениските терени во Хамбург првата ѕвезда на светскиот тенис Моника Селеш, тогаш југословенска државјанка, со нож била ранета од наводно пореметен навивач на германската тенисерка Штефи Граф. Напаѓачот останал неказнет, благодарение на скандалозната пресуда на германскиот суд.

1995.- Американскиот претседател Бил Клинтон наредил прекин на трговијата со Иран и ги забранил инвестициите во таа земја, обвинувајќи го Техеран дека го поддржува меѓународниот тероризам.

2000.- Во Земскиот антенски центар Нова Брезница, Скопско, била пуштена сателитската програма МРТ-МКТВ САТ, пред се наменета за македонските граѓани што работат и живеат во странство.

2004.- Естонија, Летонија, Литванија, Кипар, Малта, Унгарија, Полска, Словачка, Словенија и Чешка станале полноправни членки на ЕУ, со што тогаш бројот на земјите-членки се зголемил на 25, а ЕУ со 450 милиони жители станала најголем заеднички пазар во светот.

2006.- Умрел Џон Галбрајт, либерален економист и писател, професор по економија на универзитетот „Харвард“. Џон Галбрајт бил амбасадор на САД во Индија во времето кога претседател на САД бил Џон Кенеди. Еден од синовите на Глабрајт, Питер, бил американски амбасадор во Хрватска од 1993 до 1998 година.

2007.- Во кинескиот град Чангѕоу, во провинцијата Џинјангцу, свечено бил отворен за верниците најголемиот будистички храм во светот Тјанинг, кој е симбол на сеопштиот просперитет на Кина, како и на повторното оживување на традиционалниот будизам во таа земја. На церемонијата на отворањето на храмот присуствувале 108 поглавари на различни будистички асоцијации и храмови од целиот свет.

2013.- Холандскиот престолонаследник Виљем Александер (46) и официјално бил прогласен за крал, откако положил заклетва. Претходно неговата мајка кралицата Беатрикс (75) абдицирала во негова корист. Со свечениот чин Виљем Алексадер не станал само монарх на Холандија, туку и на Холандските Кариби.

2015.-­ На 76-­годишна возраст умрел познатиот соул пејач Бен Е. Кинг. Пејачот, кој живеел во Њу Џерси, се прославил со песната Stand by me, која во 1961 година стана светски хит.

Тагови: на денешен ден

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Холивудски актер ослабе 90 килограми, многумина не го препознаваат на фотографијата

Додека многу познати личности се потпираат на лекови за слабеење, холивудскиот актер Џон Гудман ја постигна својата трансформација на телото на сосема поинаков начин.

Холивудски актер ослабе 90 килограми, многумина не го препознаваат на фотографијата

Неодамнешната фотографија на Инстаграм предизвика бројни реакции бидејќи 74-годишниот актер, најпознат по улогите во серијата „Roseanne“ и филмот „The Borrowers“, изгледа речиси непрепознатливо. Гудман не го припишува својот успех на популарните лекови како Оземпик, туку на низа одлуки за начинот на живот поврзани со исхраната и здравјето.

Изненадување на социјалните мрежи

Фотографијата со Гудман ја објави актерот Дејвид ДеЛуиз, кој го нарече легенда и важен дел од неговото детство. Повеќето коментари под објавата беа поврзани со променетиот изглед на Гудман. „Го сакам Џон Гудман! Да, изгледа многу поинаку, но се обложувам дека се чувствува одлично“, „Дали е тоа Џон Гудман? Тој е непрепознатлив“ и „Тој е многу послаб отколку што го паметам“, се само дел од реакциите на корисниците.

Одлуката што промени сè

Гудман не користел лекови „GLP-1“, но донел уште една голема животна одлука - престанал да пие. Закрепнувањето од алкохолизам, со кој се борел 30 години, започнало во 2007 година и било клучно за неговата трансформација. Со текот на годините, тој постепено ослабел и се проценува дека вкупно е полесен за 90 килограми.

Во интервју за „The Guardian“ во 2012 година, тој ја објаснил својата одлука да престане да пие. „Сè стана премногу. Тоа беше 30-годишна болест која ги исцрпуваше сите околу мене и ми стануваше сè потешко и потешко. Стана прашање на живот и смрт. Време беше да престанам“, рече тој во тоа време.

Медитеранска исхрана и дисциплина

Актерот претходно изјави дека со тежина од над 180 килограми, ја трошел својата креативна енергија размислувајќи што да јаде следно. Својата исхрана ја базира на медитеранскиот модел, кој вклучува многу овошје, зеленчук, интегрални житарки и здрави масти како што е маслиновото масло. Тој, исто така, воспоставил строга рутина за вежбање. Тој вежбал со личен тренер шест дена во неделата и одел помеѓу 10.000 и 12.000 чекори дневно. Својот пристап го објаснил во интервју од 2016 година со радио водителот Хауард Стерн. „Го правев тоа полека. Само сакав да го променам мојот начин на живот“, рече Гудман, додавајќи дека тоа бил процес што траел цел живот.

Извор: Индекс.хр

Тагови: актер СЛАБЕЕЊЕ Џон Гудман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Хаос кај Оман: Непознат проектил погоди брод

Центарот за поморски трговски операции на Велика Британија (UKMTO) денес објави дека непознат проектил погодил брод на околу 33 километри од брегот на Оман, во близина на градот Касаба.

Хаос кај Оман: Непознат проектил погоди брод

Според „UKMTO“, кој се повикува на доверлив извор, бродот бил погоден од непознат проектил, по што избувнал пожар.

Пожарот е изгаснат, а бродот и сите членови на екипажот се безбедни, се вели во соопштението на „UKMTO“.

Досега нема извештаи за какви било последици по животната средина.

Надлежните органи го истражуваат инцидентот, а на бродовите им е советувано да бидат внимателни додека пловат и да пријават каква било сомнителна активност до „UKMTO“.

Тагови: Оман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Голем шумски пожар избувна кај најголемото езеро во Италија, евакуирани повеќе од 200 луѓе

Голем шумски пожар избувна на западниот брег на езерото Гарда во Италија, а локалните власти евакуираа повеќе од 200 луѓе, вклучувајќи многу туристи, како мерка на претпазливост.

Голем шумски пожар избувна кај најголемото езеро во Италија, евакуирани повеќе од 200 луѓе

Езерото Гарда, најголемото езеро во Италија и една од најпознатите туристички дестинации во земјата, привлекува голем број посетители секоја година поради својата природна убавина, планинската околина и бројните летни одморалишта. Токму во оваа популарна област, која е особено популарна во ова време од годината, пожарот предизвика загриженост кај жителите и туристите.

Пожарот избувна вчера во општината Тињале и брзо се прошири низ ридестиот предел над езерото во текот на вечерта и ноќта.

Пожарникарите сè уште се борат со пожарот денес, но пожарот сè уште не е под контрола. Бројни противпожарни екипи, како и авиони и хеликоптери, учествуваат во гаснењето.

Пожарникарите ги штитат домовите

„Напорите во моментов се фокусирани на запирање на противпожарните фронтови и заштита на неколку станбени згради“, изјавија пожарникарите.

Досега нема извештаи за повредени.

Областа на езерото Гарда, најголемото езеро во Италија, е една од најпопуларните туристички дестинации во земјата.

Топлотниот бран продолжува да ја погодува Италија

Пожарот избувна во време кога Италија, како и поголемиот дел од Европа, се соочува со продолжен топлотен бран.

Температурите во делови од земјата надминуваат 40 степени Целзиусови во последните денови, а се очекува високите температури да продолжат до средината на месецот.

Извор: Индекс.хр

Тагови: Италија шумски пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер