На денешен ден - Канал 5

Живот

На денешен ден

24 мај

На денешен ден

- Ден на солунските браќа Кирил и Методиј. Православната црква во 11. век, во чест на солунските браќа Кирил и Методиј одлучила 24 Мај да се прославува, како Ден на солунските браќа Кирил и Методиј, сесловенски просветители. Македонија со посебен пиетет го празнува овој ден, во знак на признание за се она што го направиле солунските браќа за самобитниот развиток на македонската култура.

1543.- Во Фромборг, во Полска, умрел Никола Коперник, полски астроном. Тој докажал дека Земјата се врти околу Сонцето, а не Сонцето околу Земјата, како што се сметало дотогаш. Роден бил во Товин, на 19 февруари 1473 година.

1544.- Роден е Вилијам Гилберт, англиски лекар и физичар. Најмногу се занимавал со испитување на магнетизмот и електрицитетот. Вовел повеќе поими и изрази за електричните и за магнетните големини и со право се нарекува „татко на електрицитетот“. Умрел во 1603 година.

1868.- Роден е германскиот физичар Габриел Даниел Фаренхајт, кој во 1726 година го направил првиот термометар со жива. Тој ја создал и скалата (Фаренхајтова) за мерење температура од 180 степени, според која точката на замрзнување е 32 степени, а не нула како кај Целзиусовата скала. Фаренхајтовата скала се употребува во САД, а порано и во Велика Британија.

1743.- Роден е францускиот лекар и новинар Жан Пол Маро, еден од водачите на Француската револуција. Во весникот „Пријател на народот“, кој тој го покренал, ги застапувал интересите на градската сиромаштија и на селаните, а беспоштедно ја напаѓал аристократијата. Дело: „Филозофски есеј за човекот“.

1819.- Родена е британската принцеза Александрина Викторија, која како кралицата Викторија Прва била на престолот од 1837 до 1901 година. Во текот на нејзиното владеење во Велика Британија била изведена индустриската револуција, капиталистичкото стопанство нагло се развило, а британското колонијално царство било раширено по цела планета. Кога умрела, една третина од површината на планетата се наоѓала, во оваа или онаа форма, под британски суверенитет. Во историјата периодот на нејзиното владеење е период на најголемата моќ и углед на Англија и најчесто овој период се нарекува „викторијанска епоха“.

1844.- Предадена била во употреба првата телеграфска линија меѓу Вашингтон и Балтимор во САД.

1905.- Роден е Михаил Шолохов, еден од најголемите руски прозаисти. Со светска слава се здобил со своето ремек-дело, романот „Тихиот Дон“. Други негови познати дела се „Разорана ледина“, „Наука на омразата“ и „Човековата судбина“. Умрел во Станица Вешенскаја, во Ростовската област на Дон, на 21 февруари 1984 година.

1928.- Професорот на Лондонскиот универзитет Александар Флеминг (1881-1955) го пронашол пеницилинот, прв антибиотик, ефикасен лек против многу болести.

1940.- Во Санкт Петербург е роден Јосиф Александрович Бродски, руски поет. Познати му се стихозбирките „Постојка во пустина“, „Крај на прекрасната епоха“, „Дел од говорот“ и „Уранија“, есеите „Помалку од едно“ и други дела. Во 1987 година ја добил Нобеловата награда за литература за литературното творештво од исклучителни размери, проткаено со длабока интелектуалност и поетичност, а во 1991 година станал добитник на „Златниот венец“ на Струшките вечери на поезијата. Умрел во Њујорк, на 28 јануари 1996 година.

1941.- Роден е американскиот пејач и композитор Роберт Цимерман, познат како Боб Дилан, еден од најпопуларните музичари во 20. век. На концертите ширум светот демонстрираше музичка универзалност, свирејќи на усна хармоника, гитара и клавир. Во 2016 година стана и носител на Нобеловата награда за литература со образложението: „за создавање нови поетски изразувања во големата американска традиција на песни”.

1954.- Во Скопје, на сцената на скопската опера била изведена првата македонска национална опера „Гоце“, од македонскиот композитор Кирил Македонски, според текст на основоположникот на македонската литература Венко Марковски.

1964.- 318 лица загинале, а 500 биле повредени за време на немирите на Националниот стадион во Лима, откако репрезентацијата на Аргентина го победила Перу во квалификациите за Олимписките игри. До нередите дошло кога судијата му поништи гол на Перу во последните моменти од мечот.

1974.- Умрел Едвард Кенеди „Дјук“ Елингтон, од афроамериканско потекло, пијанист, композитор и шеф на оркестар, еден од најзначајните џез-музичари. Оркестарот кој го основал во 1926 година станал пример за оркестрите на џез-музиката ширум светот. Напишал околу 2.000 композиции.

1981.- Како жртва на тероризмот, претседателот на Еквадор - Хаиме Ролдос Агилера со уште седум луѓе загинал во авионската несреќа над Андите, недалеку од перуанската граница.

1994.- Во стампедо на муслиманските аџии во Мека, во Саудиска Арабија загинале 270 лица.

1995.- Умрел англискиот државник и публицист Џејмс Харолд Вилсон, водач на Лабуристичката партија, премиер на Велика Британија од 1964 до 1970 и од 1974 до 1976 година. Дела: „Нов договор за јаглен“, „Војна против светската сиромаштија“.

1995.- Министерството за надворешни работи на Романија соопштило дека Грција, Бугарија, Молдавија, Романија и Украина, во согласност со членот 50 од Повелбата на Обединетите нации, до Советот за безбедност упатиле барање за итно обесштетување на штетите што ги трпат од санкциите против Сојузна Република Југославија.

1996.- Во Штип бил поставен камен-темелникот на црквата „Свети Кирил и Методиј“.

2000.- Апелациониот суд во Сантјаго му го одзел имунитетот на Аугусто Пиноче, со што била отстранета пречката за подигање обвинение против поранешниот чилеански диктатор заради кршење на човечките права.

2007.- Во експлозија на метан во рудникот за јаглен „Јубилејнаја“ во Кемеровската област, во западен Сибир, загинаа 38 рудари. Експлозијата се случила на 520 метри длабочина, кога под земјата се наоѓале 217 рудари.

2007.- Умрел пијанистот Бен Вајсман кој напишал или бил коавтор на околу 60 песни на Елвис Присли. „Лудиот професор“, како што го нарекувал Присли, компонирал музика и за филмовите во кои играл „кралот на рокенролот“ како што се "Jailhouse Rock", "Gl Blues" и "Blue Hawaii". Пишувал и за многу други ѕвезди како што се Барбара Стрејсенд, Џони Матис и Боб Виј.

2023.- На 83-годишна врозраст почина кралицата на рокенролот Тина Тарнер. Таа е родена како Ана Меј Булок (Ана Меј Булок) на 26 ноември 1939 година во Натбуш, Тенеси, САД. Нејзината кариера траеше повеќе од половина век и доби широко признание и бројни награди. Родена и израсната во американскиот југ, таа стана и швајцарска државјанка. Таа ја започна својата кариера како музичар во средината на 1950-тите, кога беше наведена како пејачка за Kings of Rhythm на Ајк Тарнер. Таа првпат снимила во 1958 година под името Little Ann. Таа беше претставена на јавноста како Тина Тарнер во 1960 година како член на Ike & Tina Turner Revue. Успехот дојде со низа големи хитови кои му се припишуваат на дуото, вклучувајќи ги A Fool in Love, River Deep – Mountain High (1966), Proud Mary (1971) и Nutbush City Limits. По разводот во почетокот на 1980-тите, таа се врати на музичкиот свод со нова серија хитови, почнувајќи со синглот Let’s Stay Together од 1983 година, по што следуваше објавувањето на нејзиниот петти соло албум Private Dancer, кој донесе успех ширум светот. What’s Love Got to Do With It, најуспешниот сингл на албумот, подоцна беше искористен како наслов за биографски филм адаптиран од нејзината автобиографија. Покрај тоа што беше музичар, Тарнер имаше успех во филмот, вклучувајќи ја и улогата во рок мјузиклот Томи од 1975 година и насловната улога во блокбастерот „Луд Макс 3“ со Мел Гибсон, како и краткото појавување во „Последниот акционен херој“ од 1993 година. Едно од најпопуларните имиња во шоу-бизнисот, ја нарекуваати кралица на рокенролот. Тарнер е прогласена за најуспешна жена во рок со нејзините осум Греми награди и продадени повеќе билети за концерт од кој било друг соло изведувач во историјата./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

САД нудат 20 милиони долари за информации за иранската нуклеарна програма

Соединетите Американски Држави нудат награда до 20 милиони долари за информации за нуклеарната програма на Иран, вклучувајќи информации за научници, персонал, технологии, објекти и сродни организации.

САД нудат 20 милиони долари за информации за иранската нуклеарна програма

Стејт департментот, преку својата програма „Награди за правда“, ги повика сите што имаат информации да ги достават преку апликацијата Signal или безбедната телефонска линија Tor, велејќи дека би можеле да имаат право на парична награда и преместување, објави Fox News.

„Владата на САД останува посветена на спротивставување на секој обид на Иран да развие програма за нуклеарно оружје“, се вели во соопштението на платформата за социјални медиуми X.

Објавата доаѓа во време кога американскиот претседател Доналд Трамп размислува за обновени воени напади врз Иран, додека Вашингтон и Техеран продолжуваат разговорите за нуклеарната програма на Иран.

Трамп во петокот повтори дека на Иран никогаш нема да му биде дозволено да има нуклеарно оружје, а еден ден претходно се состана со својот тим за национална безбедност за да разговара за можноста за продолжување на нападите.

„Дали сакаме да ги продолжиме нападите за да се осигураме дека нуклеарната програма на Иран ќе биде уништена и дека тоа никогаш повеќе нема да се случи? Подобро би сакал да избегнам уништување на остатокот од Иран, но можеби сè уште ќе можам да го направам тоа“, изјави Трамп пред новинарите во Овалната соба.

Централната команда на САД ги финализира подготовките за евентуално продолжување на големите воени операции во Иран, но сè уште не добила нова директива од Вашингтон, според американски функционер.

Како што објави „Фокс њуз“, високи американски функционери изјавија дека младата месечина на 9 ноември, која носи малку или воопшто нема месечина, би можела да обезбеди поволни услови за воени операции.

Тагови: нуклеарна програма

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Расел Бренд е сместен во озлогласен затвор- бил престрашен

Британскиот актер и комичар Расел Бренд (51) се соочува со можност за долга затворска казна откако беше прогласен за виновен за силување на една жена и сексуален напад на три други.

Расел Бренд е сместен во озлогласен затвор- бил престрашен

Неговиот случај предизвика бран реакции во Велика Британија, особено поради начинот на кој жртвите на сексуален напад се третираат на суд.

По пресудата, се зголемуваат повиците за промени во законските правила што ги регулираат судењата за силување.

Причина за ова беа некои од тврдењата изнесени за време на одбраната на Бренд, за кои шефот на лондонската метрополитенска полиција, Сер Марк Рол, рече дека се опасно блиску до обвинување на жртвата.

Тој предупреди на широко распространетите предрасуди за тоа како треба да се однесува лице кое преживеало сексуален напад, нагласувајќи дека не постои универзален одговор на такво искуство.

- Некои луѓе ќе се борат, некои ќе се замрзнат од страв. Некои веднаш ќе кажат некому што се случило, додека други ќе молчат со години. Нема еден начин да се одговори, рече Рол.

Тој ја поддржа иницијативата на комесарката за права на жртвите, Клер Ваксман, која се залага судиите да имаат законска обврска да ги информираат поротниците за митовите и заблудите за силувањето и однесувањето на жртвите.

Според нејзиниот предлог, ваквите предупредувања треба да бидат составен дел од секое судење за силување, а иницијативата би можела да биде вклучена во законот за судови и трибунали.

Роле, исто така, очекува дека по пресудата на актерот, повеќе жени би можеле да бидат охрабрени да се јават доколку преживеале сексуално насилство.

Расел Бренд е во озлогласен затвор

Додека чека понатамошен развој на судскиот случај, Расел Бренд е во затворот Вандсворт, во југозападен Лондон, кој е познат по своите многу тешки услови.

Поранешниот тенисер Борис Бекер претходно зборуваше за овој затвор, откако отслужи казна таму откако беше осуден за прикривање средства во вредност од околу 2,5 милиони фунти за да избегне плаќање долгови по прогласувањето банкрот.

Потсетете се дека Бекер беше осуден на две и пол години затвор во 2022 година, а подоцна опиша колку тешко му било времето зад решетки. Тој рече дека бил опкружен со осуденици за најтешки кривични дела, вклучително и убијци, и дека еден затвореник дури му се заканил со смрт.

- Вандсворт е навистина голем, многу валкан и исклучително опасен затвор. Има убијци, педофили, дилери на дрога, среќавате секакви луѓе. Сè се сведува на преживување. Кога ќе излезете од ќелијата, мора да се грижите за себе, бидејќи чуварите нема да го сторат тоа наместо вас - претходно рече Бекер.

Поранешниот шампион на Вимблдон призна дека на почетокот се обидел да избегне контакт со очите со другите затвореници и да се држи настрана за да избегне проблеми.

Жена во скандалот проговори на Би-Би-Си

По пресудата на Бренд, се огласи и Џорџина Бејли, жената во центарот на скандалот Саксгејт во 2008 година.

Во тоа време, Расел Бренд и водителот Џонатан Рос оставаа несоодветни и навредливи пораки на телефонската секретарка на нејзиниот дедо, актерот Ендру Сакс, познат по улогата во серијата „Фолти Тауерс“.

Нивните пораки предизвикаа огромен јавен негод, што го натера Бренд да го напушти Би-Би-Си Радио 2, додека Рос беше суспендиран три месеци. Скандалот, исто така, доведе до промени во начинот на кој британскиот јавен сервис ја контролираше содржината на своите програми.

Џорџина сега изјави дека верува оти правдата е задоволена по пресудата на Бренд.

- Иако никогаш не ме силувал ниту нападнал, како што секогаш сум велела, не знаев што се случувало зад затворени врати меѓу него и жените што го обвинувале. Нивните сведоштва беа убедливи. Тој беше прогласен за виновен и сега сакам да ја исправи неправдата што ја направил - рече таа.

Расел Бренд е татко на три деца, а за време на судењето, кое траеше речиси четири недели, поротата размислуваше околу осум часа пред да донесе одлука за неговата вина.

Според британските медиуми, кратко пред да биде објавена пресудата, Бренд ѝ се обратил на својата сопруга Лаура Галагер со зборовите: „Лаура, те сакам“.

Тагови: Расел Бренд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Напаѓачот во Краков е полски државјанин, луѓето се собраа околу него- уби 6 минувачи и рани 15 (ВИДЕО)

На социјалните мрежи се појави ново морничаво видео од масакрот во Краков, каде што неидентификуван вооружен човек убил шест лица и ранил уште 15 од автомобил во движење пред да биде неутрализиран од полицијата.

Напаѓачот во Краков е полски државјанин, луѓето се собраа околу него- уби 6 минувачи и рани 15 (ВИДЕО)

На видеото се гледа вооружениот човек како лежи на земја кратко откако бил застрелан од полицијата, додека сѐ повеќе луѓе се собираат околу него. Се гледа и автомобилот од кој наводно отворил оган, а во кој полицијата пронашла голема количина оружје и муниција.

На видеото се гледа и лицето на вооружениот човек, облечен во камуфлажа, како лежи на тротоарот. За потсетување, полицијата потврди дека вооружениот човек е полски државјанин, но неговиот идентитет сè уште не е објавен.

Полските медиуми претходно објавија дека кај него е пронајдена автоматска пушка што ја користат локалните безбедносни служби.

„Можам да потврдам дека сторителот е полски државјанин“, изјави за „Онет“ Катаржина Цисло, портпаролка на полицијата на Малополското војводство, давајќи нови детали за нападот што ја шокираше јавноста низ целата земја и низ цела Европа.

„Мажот немал никакви документи со себе. Полицијата успеала да го утврди неговиот идентитет преку оперативна работа“, додаде таа.

Онет неофицијално дознава дека напаѓачот од Краков има 24 години. Тој моментално е на операција откако бил застрелан од полицијата. Според полските портали, неговата состојба е критична.

Претходно имаше одредена конфузија кога Одделот за полиција на градот Краков ѝ соопшти на Полската новинска агенција дека, според прелиминарните информации, во пукањето учествувале двајца сторители, од кои едниот бил ранет од истрел.

Ранетиот полицаец критично повреден, претрпел три прострелни рани

Меѓу ранетите има двајца полицајци, од кои едниот е во критична состојба откако претрпел три прострелни рани.

Нападот бил извршен од автомобил во движење, при што загинале 6 минувачи, а ранети се 15. Мотивот за нападот и идентитетот на сторителот не се прецизирани.

Полските медиуми, исто така, објавија дека напаѓачот имал автоматска пушка од типот што го користат полските безбедносни служби.

Тагови: краков минувачи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер