На денешен ден - Канал 5

Живот

На денешен ден

20 април

На денешен ден

570.- Во Мека е роден Мухамед, основач на исламот, според муслиманското верување – „Последниот пророк“. Во 40 година почнал да проповеда нова вера во еден Бог, но во почетокот имал малку приврзаници. Бидејќи не успеал во Мека, по 10 години отишол во Талф, а подоцна во Медина, каде што ја основал првата општина на новите верници.

1653.- Водачот на Англиската револуција Оливер Кромвел го распуштил Парламентот и вовел лична диктатура како лорд-протектор на Англија.

1657.- Англиската флота, под команда на адмиралот Роберт Блејк ги нападнала и потопила сите 16 шпански воени бродови во пристаништето Санта Круз на Тенерифе, а потоа го уништила градот.

1768.- Умрел италијанскиот сликар Каналето, еден од најдобрите сликари на пејзажи во 18 век. Најмногу ја сликал Венеција, нејзините канали и палати.

1808.- Роден е францускиот цар Шарл Луј Наполеон Трети Бонапарта. Надевајќи се на успех, ја започнал војната против Прусија. Неговата цел била да го спречи обединувањето на Германија, но на 1 октомври 1870 година во битката кај Седан бил заробен и тргнат од престолот, а Франција на 4 октомври 1870 година повторно станала република. По склучувањето на мирот со Прусија, во 1871 година емигрирал во Велика Британија, каде умрел во 1873 година.

1889.- Во Браунау, Австрија е роден Адолф Хитлер, водачот на Третиот рајх и на нацистичка Германија, еден од најголемите злосторници во историјата во човештвото. Откако на Радио Москва ја слушнал веста дека единиците на Црвената армија истакнале црвено знаме на Рајстагот, на 30 април 1945 година, изврши самоубиство во својот бункер, во Берлин.

1893.- Роден е каталонскиот сликар и вајар Хуан Миро, еден од најголемите надреалистички уметници. Тој студирал во родната Барселона, а од 1919 година живеел во Париз. Кратко творел под влијание на кубизмот, но од 1924 година го изградил неповторливиот личен стил заснован на крајно спонтано регистрирање на формата и знаците кои ги евоцираат потсвесните претстави на примарните и елементарните витални состојби.

1893.- Роден е американскиот филмски актер Харолд Лојд, еден од најголемите комичари на немиот филм. Филови: „Сигурноста на последно место“, „Бруцош“, „Чувај се, професоре“, „Луда среда“.

1936.- Трупите на Италија кои во почетокот на октомври 1935 година без објавување војна влегле во Етиопија, презеле решавачка офанзива против етиопските сили и успеале да го скршат нивниот отпор и да ја колонизираат земјата.

1948.- Во близина на селото Богацко, Костурско, Егејска Македонија, во борба против грчките монархофашисти загинал Јани Лукаров, истакнат борец во македонското националноослободително движење и на Демократската армија на Грција. Роден бил во селото В'мбел, Костурско во 1922 година.

1972.- Американското вселенско летало „Аполо 16“ се спуштило на површината на Месечината.

1984.- Велика Британија соопштила дека нејзината администрација во Хонгконг ќе престане да функционира во 1997 година.

1994.- Израел и Палестинската ослободителна организација постигнале Договор за пренесување на власта на Палестинците во областа Газа и во градот Ерихон на Западниот Брег.

2006.- Романските власти наредиле евакуација на 1.000 луѓе поради рекордно високиот водостој на Дунав. Своите домови претходно ги напуштиле околу 7.000 луѓе во 129 населени подрачја, повеќе од 700 куќи беа потопени, а 75.000 хектари земја се нашле под вода.

2020.- На 95-годишна возраст почина легендарниот аниматор и режисерот на цртаните филмови „Том и Џери“ и „Попај“, Џин Дајч. Многу генерации деца израснаа со јунаците од овие цртани филмови, а честопати од нивните мајки беа поттикнувани да јадат спанаќ „за да бидат силни како Попај“. Легендарниот аниматор Дајч, покрај Попај, исто така е режисер и на 13 епизоди на цртаниот филм „Том и Џери“, кој и денес е омилен цртан филм на децата. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Колина соопшти, Словенецот Славко Винчиќ ќе го суди финалето на Светското првенство!

 Словенечкиот судија Славко Винчиќ ќе го суди финалето на Светското првенство, меѓу Шпанија и Аргентина, кое ќе се одигра во недела во 21:00 часот во Њу Џерси.

Колина соопшти, Словенецот Славко Винчиќ ќе го суди финалето на Светското првенство!

ФИФА објави видео во кое претседателот на Судиската комисија на ФИФА и легендарниот италијански судија Пјерлуиџи Колина го известува Винчиќ дека е избран за главен судија на финалниот натпревар.

Словенечкиот судија емотивно реагираше на веста дека ја добил најголемата чест во својата кариера и не можеше да ги скрие емоциите, што предизвика бројни реакции на социјалните мрежи.

За 46-годишниот Винчиќ, ова е врвот на неговата судиска кариера. Тој претходно судеше на финалето во Лигата на Европа во 2022 година, во кое Ајнтрахт го победи Ренџерс по изведувањето пенали, како и на финалето во Лигата на шампионите во 2024 година, кога Реал Мадрид ја победи Борусија Дортмунд.

Винчиќ исто така стекна искуство на Светското првенство во Катар во 2022 година, а на овогодишното Светско првенство судеше на натпреварите од групната фаза меѓу Бразил и Мароко и меѓу Јордан и Алжир, како и на натпреварот од осминафиналето меѓу Мексико и Еквадор.

Тагови: СП2026

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Претседателката зборува селективно за дијаспората, а молчи за криминалот и нееднаквоста пред законот

Претседателката Гордана Сиљановска-Давкова повторно се вклучи во дебатата за Изборниот законик, тврдејќи дека сегашниот модел ја дискриминира дијаспората. 

СДСМ: Претседателката зборува селективно за дијаспората, а молчи за криминалот и нееднаквоста пред законот

Меѓутоа, нејзините изјави отвораат многу повеќе прашања отколку што даваат одговори.

Ако Претседателката е за техничка влада која би овозможила фер избори, зошто тогаш го потпиша указот за укинување на техничката влада?

Ако навистина сакаше Техничка влада во нова форма , за чисти избори, зошто тоа не го предложи сама?

Ако е за фер избори, зошто не каже јасно кои се проблемите со електронското гласање и зошто ВМРО-ОКГ инсистира токму на модел кој, како што самата признава, се применува во само две или три земји?

Кога се знае кој ја води државата - Мицкоски и организираната криминална група ВМРО, воведувањето на ризичен модел на гласање е исто како да му се дадат клучевите од трезорот на осуден крадец на банка и да се надеваме дека ништо нема да фали.

Да потсетиме: Претседателката е членка на партија која организираше изборни кражби. Ако не учествувала директно, еднакво е одговорна затоа што молчеше.

Како претседателка на сите граѓани, нејзината функција не се сведува само на протокол, танц и јога. Таа има обврска да се бори за еднаквост пред законот за секој граѓанин на Македонија.

Како професорка по право која веќе призна дека со Преспанскиот договор се заштитени националниот идентитет и јазикот, таа можеше и требаше јасно да каже дека ослободувањето на Никола Груевски и на нивниот медиумски шеф Драган Павловиќ Латас е катастрофално за сите граѓани.

Со тоа се покажа дека законот не важи еднакво за сите.

Можеше да каже и дека враќањето на „Бела палата“ – имот стекнат со криминал и корупција - е преседан невиден во ниедна европска држава.

Наместо тоа, Претседателката избра да зборува само за делови од Изборниот законик кои одговараат на ВМРО-ОКГ.

Тоа не е грижа за дијаспората. Тоа е селективна политичка позиција која го штити режимот, а не интересот на граѓаните.

Скопје, 17.06.2026

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

САД започнаа бран напади врз Иран шеста ноќ по ред

САД започнаа бран напади врз Иран шеста ноќ по ред, соопшти нивната војска, додека двете страни се борат за контрола врз Ормутскиот теснец.

САД започнаа бран напади врз Иран шеста ноќ по ред

Централната команда на САД соопшти дека нападите имале за цел „ деградирање на иранските воени капацитети“,иранските државни медиуми објавија дека САД нападнале цивилна инфраструктура, вклучувајќи мостови, железничка станица и аеродром.

Би-Би-Си потврди напад врз еден мост западно од Бандар Абас во покраината Хормозган.

Американските ракети, исто така, погодија цели во близина на островот Кешм, во близина на теснецот, како и во Бандар Абас и Бушер – каде има нуклеарна централа.

Командата на САД не спомена мостови во својот список на „десетици ирански воени цели“ погодени во последната рунда напади, која заврши во раните утрински часови.

Деновиве, американскиот претседател Доналд Трамп се закани дека ќе ги нападне мостовите и електраните на иран доколку земјата не се врати на разговорите.Откако Трамп во април изјави дека САД ќе бомбардираат цивилна инфраструктура во Иран, вклучувајќи мостови и електрани, комесарот за човекови права на ОН, Волкер Турк, рече дека „намерното напаѓање на цивили и цивилна инфраструктура е воено злосторство“.

Седум лица беа убиени во нападите, објави државната новинска агенција ИРНА.

Тагови: Иран САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер