Живот

На денешен ден

16 март

37.- Умреl римскиот цар Тибериј (Клавдиј Нерон Цезар Август) посинок на Октавијан Август, кој во текот на владеењето ги осигура границите на Римското царство без нови освојувања, но ги подобрил финансиите и администрацијата, посебно во провинциите. Претходно се прославил во воените походи во Германија, Панонија и во Далмација.

1480.- Во Саброза, Италија, е роден Фернандо Магелан, португалски морепловец во служба на Шпанија. Пловејќи по должината на Јужна Америка и низ теснината на Огнена Земја, што подоцна го добил неговото име, на 16 март 1521 година стигна до Тихиот Океан на Филипинските Острови. Загинал во борба со домородците на островот Макатан, на 27 април 1521 година.

1521.- Португалскиот морепловец Фернандо Магелан стигнал до Тихиот Океан на Филипинските Острови.

1534.- Англија ги прекинала сите врски со Римокатоличката црква.

1736.- Умре италијанскиот композитор Ѓовани Батиста Перголези. Дело: операта „Слугинката господарка“.

1751.- Роден е американскиот државник Џемјс Медисон, „татко на американскиот устав“, претседател на САД од 1809 до 1817 година. Со Александер Хамилтон и Џон Џејм го напишале делото „Федералистички акти“ заради придобивање поддршка за ратификација на уставот со кој наместо конфедерација, се воведува поцврстата унија на федерални држави на САД.

1787.- Роден е Георг Симеон Ом, германски физичар. Го открил односот меѓу струјата и електромоторната сила, според неговото име наречен е Омовиот закон. Тој дал значајни прилози во акустиката, во оптиката на кристалот и во математиката. „Ом“ е единица за мерење на електричниот отпор во меѓународниот систем на мерки. Умрел во 1854 година.

1808.- Користејќи ја зафатеноста на Шведска во војната со Наполеон, рускиот цар Александар Први ја освоил Финска и ја прогласил за руска провинција.

1851.- Шпанија склучила конкордат со Ватикан според кој римокатоличката вера станала единствена религија во земјата.

1859.- Роден е рускиот физичар и електроинженер Александар Степанович Попов, кој ја пронашол и ја воспоставил првата радиотелеграфска врска. Го направил првиот радиоприемник, пред италијанскиот пронаоѓач Гиљемо Маркони.

1920.- Трупите на Антантата го окупирале Цариград, тогаш главен град на Турција, поразена во Првата светска војна.

1925.- Во Берлин умрел Аугуст фон Васерман, познат германски лекар, научник - бактериолог, кој во 1906 година прв го вовел методот за преглед на крвта. Роден бил во 1866 година.

1930.- Умрел шпанскиот генерал Мигел Примо де Ривера и Орбанех, профашистички диктатор на Шпанија од септември 1923 до јануари 1930 година. Неговиот режим се обидел да ја обедини Шпанија под мотото „една земја, една вера, една монархија“, но не успеал да создаде прифатлив политички систем. Поднесол оставка под притисок на војската од која не ја добил поддршката.

1934.- Во Рим бил потпишан италијанско-унгарско-австрискиот „Дунавски блок“, со кој била поддржана експанзионистичката политика на Италија кон „Малата антанта“ - Југославија, Чехословачка и Романија.

1935.- Германија потполно ја отфрлила клаузулата за разоружување предвидена со Версајскиот договор со кој завршила Првата светска војна.

1939.- Словачка, еден ден откако германските трупи ја окупирале Чешка, по директива на Адолф Хитлер, била прогласена за „независна држава“, со што Чехословачка била уништена.

1940.- Роден е италијанскиот филмски режисер Бернардо Бертолучи. Филмови: „Пред револуцијата“, „Партнер“, „Конформист“, „Последното танго во Париз“, „Дваесеттиот век“, „Месечина“, „Смешен човек“, „1900“, „Последниот кинески цар“.

1940.- Во Морбака умрела Селма Отилија Ловиса Лагерлеф, шведска писателка, романсиерка. Познати се нејзините романи „Сага за Јоста Берлинг“, „Невидливи врски“, „Прекрасното патување на Нилс Холгерсон“ и други дела. Во 1909 година добила Нобеловата награда за литература. Родена е во Морбака, на 20 ноември 1858 година.

1956.- Во Париз умрела Ирена Жолио-Кири, ќерка на Пјер и Марија Кири, пронаоѓачи на радиумот. Ирена Жолио-Кири и нејзиниот маж Жан Фредерик Жолио во 1935 година ја добиле Нобеловата награда за хемија. Родена била во Париз, на 12 септември 1897 година.

1956.- Во Скопје излегол првиот број на весникот „Народна просвета“, весник на културно-просветниот и општествениот живот.

1962.- Лансиран бил првиот советски сателит од серијата „Космос“.

1968.- Американските трупи во Виетнамската војна масакрирале најмалку 500 виетнамски цивили во селото Ми Лај, вклучувајќи деца и жени, меѓу кои и многу бремени жени. За ова злосторство иако целиот свет беше згрозен никој од сторителите не беше казнет.

1978.- Терористичката организација „Црвени бригади“ во Рим го киднапирала поранешниот италијански премиер Алдо Моро. Терористите го држеле во заложништво до мај 1978 година, кога и го убија.

1987.- Од Железничката станица во Скопје тргнал првиот воз на електричен погон на магистралната пружна делница Скопје - Гевгелија.

1999.- Европската комисија поднесла колективна оставка, првпат од основањето на ова извршно тело на Европската унија.

2005.- Израелската армија го предала градот Ерихон под палестинска управа.

2008.- Во Џорданвил, САД, умрел поглаварот на Руската православна црква во странство, митрополитот Лавр (Василиј Михајлович Шкурла). Руската православна црква во странство била формирана во Сремски Карловци, во 1922 година. Лавр е роден во Ладомор, во Прашевска Русија (сега и припаѓа на Словачка), во 1927 година.

2009.- Умрел Петар Бачо, унгарски филмски режисер. Славата ја стекнал прво со филмот „Сведок“ во 1969 година, а потоа и со продолжението „Повторно сведок“ во 1994 година. Носител бил на бројни филмски признанија и се смета за еден од најголемите унгарски режисери во 20. век.

2011.- Рускиот шатл „Сојуз“ со екипаж од тројца астронаути слетал безбедно на космодромот во Казахстан. Екипажот на вселенскиот брод „Сојуз“ го сочинувале американскиот астронаут Скот Кели и руските астронаути Олег Скрипочка и Александар Калери. „Сојуз“ се вратил по пет месеци во вселената закачен за Меѓународната вселенска станица./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Уште еден Спутник, Српска лига на далечинско, конгрес без членови

Саша Богдановиќ држи прв изборен конгрес на здружение Српска лига. Најавено уште во март. Сега, кога арамијата бара алиби за избори, сателитот добива датум.

Во Орбан–Вучиќ медиумите го продаваат како поранешен функционер на СДСМ. Градоначалник на Центар, 2017 година. Намерно се прескокнува ЗНАМ, прва верзија. Екипата што ја делеше партијата, заедно со Максо. Прво партијата. Потоа гласачите. Сега нова фирма.

Помлада верзија на Стоилковиќ. И полоша.

Неспособен оперативец, со години на услуга на српската БИА. Кога на јавноста ѝ е јасно дека министерот работи српско-руско-кинеска агенда, треба нова верзија да ги собере гласовите што Стоилковиќ ги губи.

Иста матрица како Српската лига во Србија: еден човек, членовите не се гледаат.

Лигата таму излезе од проруски ориентирани фашисти, претходно Трета Србија, име што алудира на Трет рајх.

Богдановиќ нема капацитет да ја прочита службата. Извршува.

Почетокот на годината, фалејќи го Вучиќ, СДСМ ги нарекува Усташи. Иста кампања како во Србија, каде студентите се Усташи. Иста како талогот на арамијата, по терк на Ванчо.

На мрежите се кити со Вучиќ и со однос кон Русија. Уште еден српско-руски Спутник, покрај Левица, анти-НАТО и анти-ЕУ, и покрај Платформата, ЗНАМ 2.0, за 1,6 милиони.

Уште една проруска, антизападна партија во Македонија.

Арамијата, стар руски прокси, не знае да склопи партија што барем на старт гледа кон Европа. Далечинскиот му е правен во Кремљ. Друг јазик не познава.

Полетувањето е неуспешно пред да заврши конгресот. Овој Спутник, оваа нова Лајка на Вучиќ, нема да се врати.

Сателит не е опозиција. Тоа е алиби за банда што останала без рејтинг и без пари.

Скопје, 09.10.2026

СДСМ

Автомобилизам

Во гаража го направиле најширокиот автомобил на светот- полицијата не можела да му напише казна (ВИДЕО)

Група американски ентузијасти создадоа автомобил кој ретко се гледа на патот.

Тие создадоа возило кое е широко три метри од стар Форд, кое може да достигне брзина поголема од 110 километри на час, објави Аутонет.

Кога решија да го преполови стариот Форд Фестива и да го прошират на неверојатни три метри, членовите на американскиот Јутјуб канал Prop Department имаа необична идеја. Сепак, тие не застанаа само на изградба на автомобил кој изгледа сосема поинаку од сè што среќаваме во сообраќајот. Тие исто така успеаја да добијат документација што им овозможува да го возат по јавни патишта.

Резултатот е автомобил кој е речиси широк колку што е долг, а неговиот изглед на улиците привлекува огромно внимание.

Тие користеа уште три автомобили за конверзијата.

Основата на овој необичен проект беше Форд Фестива, мал градски автомобил познат на европскиот пазар како Киа Прајд.

За да ја реализираат својата идеја, авторите набавија уште три автомобили што ги користеа за делови. Секој од нив чинеше само неколку стотици долари.

Прво, го отстранија ентериерот на возилото, а потоа ја исечоа каросеријата по должина. Дополнителни челични елементи беа инсталирани во просторот помеѓу двете половини, така што структурата ја задржа потребната цврстина.

Прилагодувањето на погонскиот систем беше особено тешко. Погонското вратило мораше да се продолжи за повеќе од еден метар за да може моторот да ја пренесува моќноста на тркалата.

Промените не го заобиколија ниту ентериерот. Контролната табла и предниот дел од автомобилот беа прилагодени на новата ширина со помош на делови изработени на 3D печатач.

Исто така, беа инсталирани дополнителен генератор за напојување, како и систем за климатизација.

Има два волани и дури 14 држачи за чаши.

Еден од најнеобичните детали се наоѓа во кабината на овој Форд.

Автомобилот има два волани поставени пред предните седишта, додека на централната конзола има дури 14 држачи за чаши.

И покрај огромната ширина и бројните модификации, возилото е способно да достигне брзина поголема од 110 километри на час.

Неговите креатори открија и дека толку широк автомобил може да има практични примени. Благодарение на големиот простор, тој е погоден за транспорт на гломазни предмети, големи купувања, па дури и дрва.

Полицијата ги запре, но тие можеа да продолжат да возат

Најголемиот предизвик не беше само да се направи автомобил широк три метри, туку да се обезбеди дека на такво возило му е дозволено да учествува во сообраќајот.

Имено, ширината на Фордот ги надминува вообичаените дозволени димензии на патничките автомобили. Затоа, неговите креатори мораа да добијат посебни дозволи за вонреден транспорт, како и соодветно осигурување.

За време на првото сериозно тестирање, кое траеше два дена, тие поминаа повеќе од 640 километри.

Полицијата ги запре неколку пати, проверувајќи ги регистарските таблички, документацијата и начинот на кој толку широко возило се движи по сообраќајната лента.

Сепак, откако утврди дека возачите ги имаат потребните документи, полицијата им дозволи да го продолжат своето патување секој пат.

Така, автомобилот создаден од стар Форд, и покрај неговите необични димензии, успеа да влезе на јавни патишта во согласност со посебните дозволи.

Свет

Хитлер Мусолини е избран за градоначалник во Перу

Хитлер Мусолини Симеон Флорес е новиот градоначалник на перуанскиот град Керопалка.

Кандидатот на централно-левичарската партија Ахора Насион освои 34 проценти од гласовите, пишува Политико. Според извештаите на локалните медиуми, разликата меѓу првите тројца кандидати била само 42 гласа. Неговата кандидатура не дава многу детали, ниту објаснување за необичното име. Постои само информација дека Симеон Сак управува со инвестициската група.

🚨🇵🇪 BREAKING — Hitler Mussolini: Hitler Mussolini Flores elected Mayor of Queropalca, Peru, securing 34.54% of the vote. https://t.co/hchskpwYBI
— Pamphlets (@PamphletsY) October 9, 2026

И други политичари со името Хитлер

Ова не е прв пат политичар со тоа име да се појави на избори. Во Перу во 2018 година, Хитлер Гесклин Алба Санчез го победи Ленин Владимир Родригез Валверде на изборите за градоначалник на округот Јунгар. „Јас сум добриот Хитлер“, изјави Алба за медиумите за време на кампањата.

Во Намибија, од друга страна, Адолф Хитлер Уунона беше избран по петти пат по ред на локалните избори минатата година. „Како дете, тоа име ми изгледаше сосема нормално“, изјави Уунона за Би-Би-Си.

Тагови: Мусолини Хитлер