На денешен ден - Канал 5

Живот

На денешен ден

1526.- Турската војска под команда на султанот Сулејман Први по победата над Унгарците во Мохачката битка, успеа да го заземе Будим, кој стана седиште на Будимскиот пашалак, провинција на Османлиското царство во наредните 150 години.

На денешен ден

1721.- Шведска и Русија со мир во Нистад, Финска, ја завршија Големата северна војна, започната во 1700 година, во која рускиот цар Петар Велики ги победи Швеѓаните со што доби излез на Балтичкото Море.

1839.- Роден е американскиот филозоф и логичар Чарлс Сандерс Пирс, основач на прагматизмот. Верувал дека идеите најмногу можат да се испитаат со истражување на последиците кои ги предизвикуваат. Немал универзитетска кариера, главно работел во владини служби, а неговите влијателни собрани дела се објавени постхумно.

1855.- Роден е германскиот археолог Роберт Колдевеј, кој од 1889 до 1917 година го истражувал Вавилон и докажал дека библиската метропола на реката Еуфрат, јужно од Багдат, навистина постоела.

1905.- Во Велес е роден Алексо Демниевски - Бауман, македонски борец во Шпанската граѓанска војна (1936-1939) и во НОВ на Македонија од крајот на 1944 година. Во Шпанската граѓанска војна беше командант на баталјонот "Ѓуро Ѓаковиќ", а потоа откако беше унапреден во чин мајор стана командант на интернационалната бригада "Георги Димитров". Во НОВ на Македонија беше командант на Петнаесеттиот македонски ударен корпус. Умрел во Белград, на 5 септември 1961 година.

1910.- Во Прилеп е роден Мирче Стојанов (Димче Мире), учесник во националноослободителното движење, член на Президиумот на АСНОМ, претседател на Народното собрание на НР Македонија, еден од основачите на архивистичката служба во Македонија. Умрел во Скопје, на 4 септември 1991 година.

1914.- Роден е американскиот филмски режисер Роберт Вајз, двапати добитник на Оскар. Вајз кариерата ја започнува како монтажер во филмовите "Граѓанинот Кејн" и "Величенствените Амберсонови" на Орсон Велс.

1917.- Во Скопје е роден Драган Ташковски, истакнат македонски историчар, публицист и општествено-политички работник. Умрел на Хвар, на 16 септември 1980 година.

1919.- Во Сен Жермен, кај Париз, склучен е мировен договор меѓу Австрија и победничките сили во Првата светска војна. Мировниот договор формално ја потврди пропаста на австроунгарската монархија и на Австрија и беше забрането да се здружи со исто така поразената Германија. Со договорот е признаено Кралството на Србите, Хрватите и Словенците.

1925.- Во Париз излезе првиот број на весникот „Македонско дело“, орган на ВМРО (Обединета). Излегуваше и во Берлин и во Виена. Главен уредник беше Владимир Поп Томов, а во редакцијата беа Димитар Влахов, Јордан Атанасов, Дино Косев, Т. Рилски и други. Ги спроведуваше идеите што беа во основата на Мајскиот манифест - борба против режимите на Бугарија, Југославија и Грција, а за независна Македонија во федерација на слободните балкански народи.

1939.- Британскиот доминион Канада и објави војна на нацистичка Германија со што пресметката во Европа доби карактер на светска војна. Канадските единици се бореа во рамките на британската армија на сите фронтови во Втората светска војна.

1942.- Британското воено воздухопловство во Втората светска војна со 476 авиони го нападна Диселдорф при што исфрли околу 100.000 бомби.

1943.- По капитулацијата на Италија во Втората светска војна, германската армија го окупираше Рим.

1944.- Во ослободениот Париз, генерал Шарл де Гол, водач на армијата слободни Французи и на деголистичкото движење ја формира првата влада на новата Четврта француска република.

1944.- Во Софија, на заседанието на Организациониот комитет на Светскиот рударски конгрес, Националниот организационен комитет на Република Македонија е примен за полноправен член.

1945.- Во Норвешка, под обвинение за предавство, осуден на смрт беше водачот на норвешките фашисти Видкун Квислинг. Во Втората светска војна беше премиер на марионетската влада од 1942 до 1945 година. Со негова помош во 1940 година Германија ја окупира Норвешка.

1964.- Министрите за надворешни работи во Организацијата на африканското единство, на заседание во Адис Абеба, го прифатија планот за завршување на граѓанската војна во Конго.

1967.- Граѓаните на Гибралтар на референдум ја отфрлија можноста за припојување кон Шпанија, определувајќи се да останат под управа на Велика Британија.

1974.- Врз основа на договорот постигнат во Алжир, Португалија ја призна независноста на Гвинеја под водство на претседателот Луис Кабрал.

1976.- Во судирот на патничките авиони "Трајдент" на британската компанија "Бритиш ервејз" и "ДЦ-9" на југословенската компанија ЈАТ, северно од Загреб, загинаа сите 176 лица во двата авиони.

1979.- Во Москва умре Антониот Агустино Нето, англиски политичар, поет и публицист, еден од најистакнатите водачи на анголскиот народ во борбата против португалските колонизатори. Од 1962 година беше претседател на Народното движење за ослободување на Ангола, а од прогласувањето на независноста во 1975 година - претседател на Народна Република Ангола и врховен командант на оружените сили. Роден е во 1922 година.

1981.- Сликата "Герника" на шпанскиот сликар Пабло Пикасо е вратена во Шпанија. Насликана е во 1937 година, по нацистичкото бомбардирање на гратчето Греника во Шпанската граѓанска војна и од 1939 година беше во Њујорк. Пикасо остави аманет "Герника" да не биде вратена се додека неговата земја не стане демократска држава.

1989.- Унгарија ги отвори границите кон Запад и дозволи заминување на илјадници граѓани на Источна Германија. Масовниот егзодус го предизвика падот на Берлинскиот ѕид, а подоцна и обединувањето на Германија.

1993.- Израелскиот премиер Јицак Рабин во Ерусалим го потпиша официјалното израелско признавање на Палестинската ослободителна организација (ПЛО). Церемонија е извршена откако премиерот Рабин го доби писмото од лидерот на ПЛО Јасер Арафат со кое се признава Израел, како и копијата од другото писмо на Арафат во кое тој повикува на крај на Интифадата.

1994.- Во селото Арачиново, Скопско, е поставен и осветен камен-темелникот на новата црква "Св. Маченик Талалеј".

1998.- Умре Александар Ленин, етномузиколог, прв доктор на музички науки во Македонија. Роден е во Кавадарци, на 5 октомври 1908 (или, според семејството во 1906 година).

1998.- Водачите на пробританските монархистички протестанти и проирските римокатолички републиканци во Северна Ирска се сретнаа за првпат лице во лице по 1922 година, но не дојде до склучување мировен договор во таа провинција на Велика Британија.

2000.- Во Република Македонија се одржаа вторите локални избори (по осамостојувањето) за градоначалник и за членови на општинските совети на 123 општини, односно 124 со градоначалникот и Советот на град Скопје.

2002.- Швајцарија стана 190 членка на Обединетите нации.

2003.- Шефот на шведската дипломатија Ана Линд, со нож беше прободена во стоковна куќа во Стокхолм од страна на Швеѓанин од српско потекло. Следниот ден почина.

2007.- Најмалку 37 лица загинаа, а 150 беа повредени во експлозија на камион натоварен со експлозив во северно Мексико. Камионот се судри со друго возило, а во несреќата настрадаа припадници на војската, полицијата, спасувачките служби и новинари кои се најдоа на местото на несреќата.

2007.- Во својот дом во Палм Спрингс, Калифорнија, во САД, умре Џејн Вајман, „последната ветеранка на Холивуд“, една од најекспонираните и најкомерцијални актерки во четириесеттите и педесеттите години на 20. век, добитник на „Оскар“. Родена во 1914 година.

2011.- Почина познатиот македонски писател Бранко Пендовски. Драмскиот писател Бранко Пендовски како раскажувач и романсиер зад себе остави опус кој има свое место во развојните процеси на современата македонска литература. Долги години беше главен уредник и директор на издавачката куќа “Култура”, а извесен период и уредник на книгоиздателството “Кочо Рацин”. Учествувал и во уредувањето на литературното списание “Разгледи”. Еден мандат беше претседател на Друштвото на писателите на Македонија. Автор е на збирките раскази “Игра”, “Наш град” и “Смртта на орденот”, на романот “Скали”, како и на драмите “Студенти”, “Под пирамидата”, “Потоп”, “Пречек” и други. Во 1987 година објавени се Избрани дела на Бранко Пендовски во три тома. Роден на 27 мај 1927 година во Кочани.

2013.- На 93-годишна возраст во Охрид почина Вангел Деребан, еден од најпознатите македонски кујунџии. Деребан е роден во 1920 година во Струга од каде ја продолжува неколкувековната семејна кујунџиска традиција и го развива охридското филигранство. За Вангел Деребан се презентирани информации и репортажи од многу домашни и странски новинари и публицисти. Тој е многу често застапуван во проспектите и други публикации за промоција на Охрид и Македонија. Добитник е и на престижната Св. Климентова награда во Охрид. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Пронајдено е распарченото тело на милионерка- сопругот, деверот и свекорот се обвинети за страшно злосторство

Судскиот процес за убиството на милионерката и инфлуенсерка Аби Чои започна денеска во Хонг Конг, а главни осомничени за нејзината смрт се нејзиниот сопруг и членовите на неговото семејство.

Пронајдено е распарченото тело на милионерка- сопругот, деверот и свекорот се обвинети за страшно злосторство

На денешното рочиште било констатирано дека Аби била убиена поради семејна расправија за пари.

Поранешниот сопруг на Чои, Алекс Квонг, неговиот татко Квонг Кау и братот Ентони Квонг се обвинети за убиство на Чои во февруари 2023 година. Доколку бидат прогласени за виновни за убиство, им се заканува доживотен затвор. Тие беа обвинети и за спречување на легално погребување на телото.

Сите тројца денеска формално се изјаснија дека не се виновни за нејзиното убиство.

Чои имаше 28 години и беше позната по гламурозниот живот што го споделуваше на Инстаграм, вклучувајќи фотосесии и модни ревии. Неколку дена пред нејзината смрт таа објави фотографии од ревијата на Диор за време на модната недела во Париз.

Во својата воведна изјава, обвинителката Шарлот Дрејкот го истакна значителниот јаз во богатството меѓу Чои и нејзиниот сопруг, опишувајќи како расправиите околу финансиите и нејзините планови да го продаде луксузниот стан биле поттик за нејзиното убиство.

„Се чини дека парите се мотивот за ова убиство“, изјави обвинителката пред поротата составена од осум мажи и една жена.

Во времето кога била убиена, Чои повеќе не била во брак со Алекс и веќе имала нов партнер кој исто така бил од богато и угледно семејство.

По разводот со Алекс, Аби останала во контакт со неговото семејство и финансиски им помагала.

Откако се разведе од нејзиниот поранешен сопруг, таа продолжи да го поддржува семејството Квонг, а исто така им подари стан кој беше на таткото на нејзиниот поранешен сопруг како знак на благодарност што и помогна со нивните две деца.

Токму поради тој стан Аби Чои и нејзиниот свекор имаа конфликт. Таа решила да го продаде станот и да го пресели семејството во периферијата на градот за нејзините деца да живеат помирно и да одат на училиште.

„Тензиите се зголемија во месеците пред нејзиното убиство. Квонг Кау се одрече од Чои и наводно се обидел да ја нападне во една прилика“, рече Драјкот.

Беше лута и Чои, која во една прилика го нарече својот свекор измамник и неблагодарен човек. Таа дури се загрижила дека семејството на нејзиниот поранешен сопруг ќе ги одвои нејзините деца од неа.

Обвинителката рече за време на сослушувањето дека свекорот Квонг Кау на крајот смислил заговор да ја убие Аби Чои.

„Тој направи план со неговите два сина Алекс, нејзиниот поранешен сопруг и Ентони, а тројцата одлучија заедно да ја убијат. Секој од нив имаше улога во нејзиното убиство“, рече обвинителката.

Полицијата претходно соопшти дека Чои, мајка на четири деца, исчезнала на 21 февруари 2023 година.

Три дена подоцна, делови од телото за кои се верува дека се нејзини биле пронајдени во куќа во градскиот кварт Таи По, каде што полицијата пронашла и нож за месо, електрична пила и облека.

Членовите на семејството Квонг беа уапсени набргу потоа.

Судењето продолжува во петок и се очекува да трае најмалку осум недели.

Тагови: милионерка сопруг

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Инфлуенсерка, која има 14 милиони следбеници призна дека никогаш не прочитала книга (ВИДЕО)

Инфлуенсерката Аликс Ерл откри дека никогаш во животот не прочитала книга. 

Инфлуенсерка, која има 14 милиони следбеници призна дека никогаш не прочитала книга (ВИДЕО)

25-годишната девојка го признала ова за време на краток разговор со главниот уредник на списанието „Интервју“, Мел Отенберг, објавен на Инстаграм во понеделник.

Кога Отенберг ја прашала која е последната книга што ја прочитала, Ерл одговорила: „Никогаш не сум прочитала книга“. „Можеби д-р Сјуз“, додаде таа, осврнувајќи се на познатите детски книги на Теодор Сјуз Гајзел.

Ѝ се потсмеваа во коментарите

Како што се очекуваше, нејзиното признание предизвика бројни реакции, а многумина се потсмеваа на неа во коментарите.

„Јавно известување во средината на оваа криза со писменост: ЧИТАЊЕТО ВЕ ПРАВИ ТОПЛИ И ЛАДНИ“, напиша едно лице. „Таа никогаш не прочитала книга? Зошто воопшто слушаме вакви глупости 😒 Светот навистина отиде по ѓаволите“, гласеше друг коментар.

Некои едноставно не можеа да поверуваат во нејзината изјава. „НИКОГАШ НЕ СИ ЧИТАЛ КНИГА!!!! Аликс, што по ѓаволите??? Дали си учела дома? Не мораше ли да ја читаш „Да се ​​убие птица подбивница“ во училиште?? ШТО“, праша едно лице.

Сепак, некои од нејзините обожаватели ја пофалија нејзината искреност. „Таа е забавна и неверојатно харизматична... Не можеш да престанеш да гледаш“, напиша еден следбеник.

За ладното кафе на интервју за работа и поранешното момче

За време на истиот разговор, ѕвездата од „Ерл се среќава со светот“ се осврна и на виралната дебата за тоа дали е непрофесионално да се појавиш на интервју за работа со ладно кафе. „Навистина не гледам проблем во тоа“, рече таа додека го пиеше ладниот пијалок. „Претпоставувам дека е проблем на генерацијата Z“.

Таа на шега одговори на прашањето дали некогаш би се помирила со своето поранешно момче. На почетокот рече дека нема, но кога Отенберг ја праша веднаш потоа која е последната лага што ја кажала, таа одговори: „Веројатно ова... Само се шегувам“.

По раскинувањето, таа се обиде да се смири со бившиот

Ерл отворено зборуваше за тоа колку тешко ѝ било да раскине со играчот на НФЛ, Брекстон Бериос, во декември 2025 година, по две години врска.

Нејзината ријалити серија на Нетфликс „Ерл се среќава со светот“ подоцна откри дека таа се обидела да се смири со него по раскинувањето. Во една сцена, таа е прикажана како ги прашува 30-годишните Бериос преку телефон дали има шанси повторно да се здружат.

Бериос, кој не се појави пред камерата, само одговори: „О, Аликс“. Сезоната заврши токму во тој момент, оставајќи го отворено прашањето за нивното можно помирување.

Која е Аликс Ерл?

Аликс Ерл е една од најголемите американски инфлуенсерки од нејзината генерација. Таа има околу 8,7 милиони следбеници на TikTok и речиси шест милиони на Instagram, додека повеќе од 14 милиони луѓе ја следат на двете платформи заедно.

Таа се здоби со слава со своите видеа „Get Ready With Me“ во кои им го покажува на следбениците својот секојдневен живот, состаноци, модни и козметички рутини, а нејзиното влијание се прошири и надвор од социјалните мрежи. Таа доби своја ријалити серија на Нетфликс, „Earle Meets World“, и беше прогласена за еден од највлијателните креатори на содржини на TIME.

Тагови: инфлуенсерка книга

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Хегсет потврди: Пентагон двојно ќе го намали најавениот број генерали и адмирали

Секретарот за војна и шеф на Пентагон, Пит Хегсет, ги објави плановите за понатамошно намалување на бројот на генерали и адмирали за 20 проценти за време на неговото обраќање за состојбата на нацијата!

Хегсет потврди: Пентагон двојно ќе го намали најавениот број генерали и адмирали

Хегсет ги одобри плановите за намалување на бројот на генерали и адмирали во Армијата, морнарицата, воздухопловните сили и здружените сили во говорот претходно овој месец.

На војската ѝ е наредено да ги спроведе плановите и да ги заврши намалувањата до 1 јануари 2027 година, објави Фокс њуз.

Се очекува говорот на Хегсет во Квантико, Вирџинија, да ги истакне неговите приоритети за војската во наредната година, а меѓу промените што ќе ги истакне ќе бидат и намалувањата на високите раководни позиции.

Новата цел го дуплира вкупното намалување од 10 проценти на генералските и офицерските позиции што Хегсет го нареди минатата година како дел од неговите напори за рационализирање на повисоките чинови во војската.

Таа претходна директива одделно бараше намалување од 20% на бројот на активни позиции со четири ѕвездички, како и намалување од 20% на бројот на генерали во Националната гарда.

Хегсет ја нарече иницијативата „помалку генерали, повеќе војници“, тврдејќи дека намалувањето на бројот на позиции во повисоката командна структура би ги префрлило ресурсите и авторитетот на војниците кои се поблиску до борбените операции.

Најновите намалувања се на позициите во формацијата наменети за генерали и адмирали, а не на општо отпуштање на 20% од офицерите кои моментално ги држат тие чинови, изјави извор од Военото министерство.

Барем некои од тие позиции ќе бидат намалени, наместо целосно да се елиминираат. Во меморандум од 16 септември со кој се овластуваат намалувањата во комбинираните сили, Хегсет им наложи на службениците да ја утврдат потребата од О-6 за позициите на генерали и офицери наменети за намалување на чинот, дозволувајќи им на полковниците и капетаните на морнарицата да ги пополнат тие позиции.

Соопштението доаѓа точно една година откако Хегсет свика стотици генерали и адмирали од целиот свет во Квантико, Вирџинија, на итен состанок, каде што ги изложи своите очекувања за врвните воени лидери и ги предупреди оние кои не ги поддржуваат неговите реформи да се повлечат.

Хегсет тврдеше дека намалувањето на бројот на генерали и адмирали ќе ги отстрани непотребните слоеви на бирократија и ќе го префрли авторитетот надолу по командниот синџир.

„Ова не е вежба за намалување и елиминација насочена кон казнување на високи офицери“, рече Хегсет кога ги објави претходните намалувања во мај 2025 година.

„Ова беше намерен процес, во соработка со Здружениот штаб, со една цел: максимизирање на стратешката подготвеност и оперативната ефикасност со разумно намалување на чиновите на генерали и офицери.“

Овогодинешната публика ќе изгледа поинаку. Од воените команди е побарано да го испратат најдобриот воен персонал кој ги исполнува барањата за физичка подготвеност и состав на телото и одржува „беспрекорни“ стандарди за дотерување и униформа, според објавените извештаи за внатрешните упатства на Пентагон. Се очекува некои војници избрани да присуствуваат, исто така, да учествуваат во вежбата со Хегсет.

Тагови: Пентагон Пит Хегсет

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер