На денешен ден - Канал 5

Живот

На денешен ден

- Меѓународен ден на уништување на оружјето.

На денешен ден

1441.- Умрел фламанскиот сликар Јан ван Ајк, еден од најголемите европски сликари во 15. век, родоначелник на ренесансното реалистичко сликарство во северна Европа, творец на фламанската сликарска школа.

1519.- Шпанскиот освојувач Ернан Кортез се истоварил на Мексиканскиот Залив, каде го основал градот Вера Круз и започнал со освојувањето на Мексико, кое завршило во 1521 година со уништување на царството на Асцтеките.

1762.- Рускиот цар Петар трети Фјодорович Романов, од германско потекло, абдицирал иако владееше само неколку месеци.

1816.- Аргентина добила независност. Била шпанска колонија од 1536 година. - Национален празник на Аргентина.

1850.- Роден е Иван Вазов, бугарски писател, истакнат драматург, публицист, литературен критичар и општественик. Автор е на романот „Под игото“, како и на поетските книги „Прапорец и гусла“, „Мајска китка“, „Под нашето небо“, „Песни за Македонија“ и „Нема да загине“. Умрел во 1921 година.

1873.- Педесет години по пуштањето на првата железница во светот, меѓу Скопје и Солун била воспоставена првата железничка врска.

1877.- Во Вимблдон почнал првиот тениски турнир.

1879.- Роден е Оторино Респиги, италијански композитор, диригент, педагог, виолинист и пијанист. Познати се неговите оркестарски суити „Птици“, и „Ботичелијански триптих“, симфониската поема „Римските фонтани“, операта „Потопеното ѕвоно“ и „Пламен“. Умрел на 18 април 1936 година.

1916.- Роден е англискиот државник Едвард Хид, водач на Конзервативната партија од 1965 до 1975 година. Како премиер на Велика Британија од 1970 до 1974 година ја вовел земјата во Европската економска заедница (сегашна Европска унија).

1922.- Американецот Џони Вајсмилер препливал 100 метри за 58,6 секунди, станувајќи првиот човек на кого му требала помалку од една минута за овој чин.

1932.- Умрел американскиот пронаоѓач Кинг Кемп Џилет изумител на ножот за бричење - кај нас познат како „жилет“.

1942.- Во Скопје, во Обласната полициска управа, бугарските фашисти го убиле Цветан Димов, народен херој на Македонија. Роден бил во Скопје, на 5 март 1909 година.

1943.- Кај селото Врбница, во близина на Фоча, во Босна, четниците го стрелале Иван Горан Ковачиќ, хрватски поет, есеист, новинар, политичар, преведувач и борец во НОВ. Автор е на поемата „Јама“. Роден бил во Луковдол, Горски Котор, на 21 март 1913 година.

1944.- Кај селото Татар Елевци, во близина на Дебар, во борба против Германците и балистите загинал Панче Поповски, народен херој на Југославија, од Македонија. Роден бил во Гостивар, на 9 март 1924 година.

1960.- Советскиот лидер Никита Хрушчов ги предупредил САД да не интервенираат против Куба, бидејќи во тој случај советските сили ќе го поддржат кубанскиот народ.

1992.- Во Скопје, умре Ханс Ем, најстариот член на МАНУ. Учесник бил во НОВ на македонскиот народ од 1941 година. Роден бил во Марибор, на 6 јуни 1898 година.

1993.- Британските научници ги идентификувале коските на рускиот цар Николај Втори и членовите на неговото семејство, кои болшевиците по надредба на Ленин во 1918 година ги масакрирале во Екатеринбург.

1997.- Специјалната полиција на Република Македонија извеле акција со која од собранијата на Гостивар и на Тетово биле симнати знамињата на Албанија и на Турција.

1997.- Националната валута – денарот, девалвирал за 16,1 отсто.

2006.- Најмалку 127 луѓе загинале во несреќата на авион на руската компанија „Сибир“ кој летал од Москва во сибирскиот град Иркутск. Несреќата на авионот од типот „ербас А-310“ ја преживеале 72 патника. Несреќата се случила при слетувањето на аеродромот во Иркутск, 5.200 километри источно од Москва кога авионот силно удрил во пистата и во зградата пред аеродромот.

2022.- На 86-годишна возраст почина проф. д-р Методи Чепреганов, специјалист по невропсихијатрија и епилептологија. Д-р Чепреганов до смртта беше активен во својата професија. Неодамна тој објави дека ги собрал 25-те години работа во осум книги. Со што, имаше објавено 47 книги од своето децениско работење. Има објавено над 260 научни трудови и 130 монографии од областа во која има дадено голем придонес. Д-р Чепреганов беше дел од Европската асоцијација за клиничка неврофизиологија и епилептологија за земјите од француско говорно подрачје; Невролошка асоцијација на Франција. Награден е со орден Palmes Academiques од страна на Првиот министер на Франција во името на Министерството за наука.

2022.- Умре проф. д-р Георги Чадловски, невропсихијатар, прв генерален директор на Клинички центар – Скопје, основоположник на Клиниката за психијатрија и автор на над 20 книги и учебни помагала. Се запишува на Медицинскиот факултет во 1962 година Скопје и напоредно со своите студии работи како новинар во „Нова Македонија“. Ги завршува своите медицински студии во 1967 година, за кратко потоа да ја отпочне својата плодоносна кариера во невропсихијатрија под менторство на проф. Филдишевски, ја довршува својата специјализација во Париз заедно со проф. Чепреганов и докторира во 1981 година, за брзо потоа да се искачи на академските скалила до редовен професор на универзитетот „Св. Кирил и Методиј“ преку неговите бројни научни и едукативни публикации и високо посетени предавања на Медицинскиот Факултет, Стоматолошкиот Факултет и Факултетот за Безбедност. Проф. Чадловски за својата долгогодишна активна улога во психијатријата има добиено многубројни признанија, повелби, плакети и државни награди за својот научен придонес вклучувајќи ја и наградата „Гоце Делчев“ врачена како највисоко општествено признание за особено значајно остварување во сите области од науката од интерес на Република Македонија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Дошол на погреб на пријател, па случајно пропаднал во гробот на татко му и починал (ВИДЕО)

Адилсон Марсаро (48) од Бразил го загуби животот во необична несреќа на гробиштата, кога пропаднал во гробот на сопствениот татко. 

Дошол на погреб на пријател, па случајно пропаднал во гробот на татко му и починал (ВИДЕО)

Трагедијата се случила додека тој престојувал на гробиштата на погреб на пријател, а бетонската конструкција на која седел наеднаш се урнела.

Несреќата се случила во средата, на 21 октомври, на градските гробишта Сао Хозе во Линхарес, во бразилската држава Еспирито Санто.

Марсаро дојде тој ден да присуствува на погребот на пријател кој загинал во сообраќајна несреќа претходниот ден.

Според гробарот Назаре Бравин, човекот пристигнал на гробиштата со мотор, ги поздравил присутните и прашал каде ќе биде погребан неговиот пријател.

После тоа, тој ги оставил моторот и кацигата, а потоа се упатил кон гробот на својот покоен татко, кој се наоѓал на истите гробишта.

Кога стигнал до гробот на својот татко, Адилсон седнал на бетонскиот надгробен камен.

Во тој момент структурата наеднаш попуштила под неговата тежина и човекот пропаднал во гробницата.

Силен тресок го привлече вниманието на луѓето во близина. Кога сфатиле што се случило, веднаш повикале брза помош.

На местото на настанот пристигнале припадници на противпожарната служба и брзата помош, но несреќниот човек не можел да се спаси.

Лекарите можеле само да констатираат смрт. Неговото тело е извлечено од урнатата гробница и пренесено на обдукција.

Како што пишува Њујорк Пост, Марсаро бил погребан веќе следниот ден, на истите гробишта каде што го загубил животот.

Градските власти на Линхарес изразија сочувство до семејството и пријателите на жртвата.

Во соопштението тие наведуваат дека вработените на гробиштата веднаш ги известиле надлежните органи, но дека обидите за спасување биле неуспешни.

Воедно, тие ги потсетија граѓаните да бидат особено внимателни при посетата на гробните места, особено во пресрет на празникот Денот на мртвите, кога се очекува поголем број посетители.

По трагедијата се отвори и прашањето за безбедноста на гробните градби.

Градската управа соопшти дека е надлежна за одржување на заедничките површини, патеките и другите јавни делови на гробиштата.

Сепак, одржувањето на поединечните гробови и надгробни споменици, според локалните правила, е обврска на семејството на починатиот.

Бразилската цивилна полиција покрена истрага за да се утврдат сите околности на несреќата.

Засега не е соопштено зошто попуштила бетонската конструкција или дали претходно имало знаци на нејзино оштетување.

Тагови: гробот погреб

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп: Мора да го запрам убивањето на иранските лидери

Американскиот претседател Доналд Трамп изјави дека мора да престане да убива ирански лидери за да утврди со кого преговараат САД и го повтори својот став дека на Иран никогаш не смее да му биде дозволено да развива нуклеарно оружје.

Трамп: Мора да го запрам убивањето на иранските лидери

„Морам да престанам да убивам ирански лидери затоа што морам да сфатам со кого, по ѓаволите, преговараме“, рече Трамп на предизборен митинг во Џорџија, објави Дејли експрес. Трамп повтори дека Иран повеќе нема авиони, нема бродови и нема лидери.

„Лидерот од прво ниво го нема, лидерот од второ ниво го нема“, рече Трамп.

Тој, исто така, ја бранеше својата одлука од 2018 година да ги повлече САД од нуклеарниот договор со Иран од 2015 година, постигнат под тогашниот американски претседател Барак Обама, велејќи дека ја донел одлуката во клучно време за да го спречи Техеран да добие нуклеарно оружје.

„Го раскинав еден од најлошите договори што некогаш биле склучени, Заедничкиот сеопфатен план за акција (JCPOA) на Барак Хусеин Обама, познат и како нуклеарен договор со Иран, што доведе до тоа Иран да добие нуклеарно оружје. За среќа, го раскинав токму на време“, тврдеше Трамп.

Тој повтори дека САД го уништиле капацитетот за збогатување ураниум на Иран во воените операции спроведени оваа и минатата година.

„Ги победивме воено, финансиски и на други начини. Мора да се погрижиме тие никогаш, ама баш никогаш да не добијат нуклеарно оружје“, повтори Трамп.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Пет илјади патници уплатиле крстарење на топлите Бахами, а завршиле во студената Канада (ВИДЕО)

Повеќе од 5.000 патници кои очекуваа еднонеделен одмор на сончевите Бахами завршија во студената Канада откако Ројал Карибиан мораше да го пренасочи своето крстарење поради бура. 

Пет илјади патници уплатиле крстарење на топлите Бахами, а завршиле во студената Канада (ВИДЕО)

Бродот „Оаза оф д Сис“ исплови од Њу Џерси на 18 октомври на планирано седумдневно патување, но патниците дури на половина пат дознаа дека пловат кон Халифакс, Нова Шкотска, наместо кон тропските острови, објави CTV.

Неочекуван пресврт

Ненадејниот пресврт значеше дека патниците се пакувале за сосема погрешни температури. Ситуацијата беше влошена од објавата дека нема да им биде дозволено да го напуштат бродот додека е закотвен во пристаништето.

„Мојот сопруг ме праша: „Ова е шега, нели?““, изјави Мари Дурнинг од Њу Џерси за CTV News. „Донесов зимска капа и грејачи за уши, но го заборавив шалот.“

Патниците кои пристигнаа на крстарењето од подалечни земји немаа зимска облека со себе, ниту пак имаа каде да ја земат пред да се качат.

@chelsea_davis21 Bahamas? Canada? Tomato, tomato 🤷🏼‍♀️ #royalcaribbean #Canada #oasisoftheseas #halifax #novascotia ♬ original sound - Chelsea Davis

Разочарување на социјалните мрежи

Актерката Микајла Ајверсон објави видео на Инстаграм снимено на аеродромот Њуарк кратко откако дозна за промената. Во него, таа се пожали на ситуацијата, а видеото стана вирално со 1,4 милиони прегледи.

„Ни беше кажано, по слетувањето во Њуарк, дека нашето семејно крстарење до Бахамите, кое тргнува за само 12 часа, сега оди во Нова Шкотска? И нема да ни биде дозволено да се симнеме од бродот цела недела. @royalcaribbean, немаме облека за тоа“, напиша таа во објавата.

Меѓу патниците имаше и Канаѓани, кои практично беа испратени дома поради промената на рутата. „Многу сум разочаран“, рече Николас Мели од Торонто. Тој и неговото семејство возеа седум часа до Њу Џерси за да се качат на бродот. „Јас сум од Канада и сакав да одам на Бахамите“.

@katymarie923 It was a not so perfect day at cococay. Now it’s just me and my bonine against the seas. #royalcarribean #utopiaoftheseas ♬ Hoist The Colours (A Cappella) - The Wellermen & Eric Hollaway & Big Brev & Ebucs & Luke G. Taylor & Bobby Bass & Jesse Elkins & Davide Dalmonte

Се обидоа да ги обештетат

И покрај сè, дел од патниците решија да го извлечат најдоброто од ситуацијата. „Бидејќи потрошивме многу пари на ова патување, им реков на сите да ги надминат своите фрустрации пред да се качиме на бродот. Откако ќе се качиме на бродот, не сакам повеќе да слушам за тоа“, рече Двејн Хикс од Филаделфија.

„Така се среди, но сум благодарен и ќе се обидам да го извлечам најдоброто од ситуацијата“, додаде Џим Метјуз од Њу Џерси. „Освен тоа, слушнав дека Халифакс е прекрасен град.“

Тагови: Бахами

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер