Шоу биз

На Бранислав Лечиќ му се слошило по второто обвинение за силување

На Бранислав Лечиќ му се слошило откако уште една актерка го обвинила за сексуално вознемирување. Српската актерка Мерима Исаковиќ во српски Недељник изјавила дека Лечиќ сексуално ја вознемирувал во 1978 година.

Неговиот ПР денес ги известил српските новинари дека тој не се чувствува добро.

„Би сакале да ве информираме дека, поради денешните обвинувања во медиумите, Бранислав Лечиќ не се чувствува добро. Од истите причини, тој нема да и се обраќа на јавноста до ново известување, но како што изјави претходно, нема да коментира какви било обвинувања против него до крај на постапката пред државните органи. Ве молиме, уште еднаш не го вознемирувајте, бидејќи тој навистина не се чувствува добро“, објавил неговиот тим, пренесуваат српските медиуми.

Мерима Исаковиќ го обвинила дека ја измамил да дојде во неговиот стан и сексуално ја малтретирал.

"Имав 18 години. Есента 1978 година. Ме турна во станот. Ми го соблече фустанот. Не обидувај се да врескаш. Никој нема да те чуе. Ме собори на подот го почувствував како ме крши. Секоја коска ме боли. Само не вака. Те молам Боже. Ако успее ќе умрам вечерва. Ужива во мојот страв. Го чувствувам тој здив. Како мирис на гниење. Застрашувачки поглед. Празни и црни очи без душа ...

Чувствувам потреба денес да ја кажам вистината и ги замолувам луѓето внимателно да го прочитаат ова. Насилник кој за малку ќе успееше да ми го уништи животот, да ми ја згасне младоста, да ме проголта како темница “, рече Исаковиќ.

"Јас ти простувам, му реков тогаш, пред четириесет години. Простувам, но не заборавам. Никогаш нема да ја разбереш болката што ми ја нанесе. Повеќекратна болка. Ако некогаш слушнам дека си нанел слична болка на некого, ќе им кажам на сите што се случи.

Јас го одржав зборот.

Бранислав Лечиќ, се чини, не “, додаде таа.

Формула

Верстапен ја освои пол-позицијата за ГН на Кина

Возачот на Ред Бул, Макс Верстапен, ја освои пол-позицијата во квалификациите за Големата награда на Кина.

Верстапен извози најбрз круг со време 1:33.660 минута. Неговиот тимски колега Серхио Перез го освои второто место, а возачот на Астон Мартин Фернандо Алонсо го освои третото место.

Луис Хамилтон од Мерцедес кој спринтот го заврши на второто место не успеа да излезе од првиот сегмент, завршувајќи на 18. позиција.

На спринтот победи Верстапен.

Големата награда на Кина од Формула 1 шампионатот ќе почне утре од 9 часот по македонско време. /МИА

Свет

Руски воен репортер загина во Украина

Воениот известувач на рускиот весник „Известија“ Семјон Еремин, загинал во напад на украинско беспилотно летало во југоисточна Украина, објави весникот.

Нападот се случил вчера кога 42-годишниот Еремин и неговата екипа се враќале од снимање од селото Прјутне, во близина на линијата на фронтот во регионот Запорожје.

Украина досега не го коментираше настанот.

Најмалку 15 новинари се убиени од почетокот на руската инвазија на Украина во февруари 2022 година, според Комитетот за заштита на новинарите, непрофитна организација која се залага за слобода на медиумите ширум светот. /МИА

НБА

Леброн: Јокиќ е еден од најдобрите на сите времиња

Првата ѕвезда на Лос Анџелес лејкерс, Леброн Џејмс искажа комплименти за центарот на Деневер, Никола Јокиќ.

Лејкерси ќе се сретнат со Нагетс во 1. коло од плејофот, а дуелот Џејмс – Јокиќ предизвикува големо внимание кај светската кошаркарска јавност.

- Еден од најдобрите досега. Едноставно е таков. Јокиќ може се. Што е најважно, тој го менува начинот на кој неговите соиграчи размислуваат за сопствената игра. Кога некој може да ги инспирира другите да играат на ниво на кое не ни знаеле дека можат, тоа е доказ дека зборуваме за навистина одличен играч, рече Џејмс.

Првата средба во плејоф пресметките меѓу Лос Анџелес лејкерс и Денвер нагетс е закажана за утре. /МИА