На „БитФест“ промовиран документарниот филм „Дамарите на старата битолска чаршија” - Канал 5

Култура

На „БитФест“ промовиран документарниот филм „Дамарите на старата битолска чаршија”

Документарниот филм „Дамарите на старата битолска чаршија” синоќа премерно беше прикажан на „БитФест“ во Битола.

На „БитФест“ промовиран документарниот филм „Дамарите на старата битолска чаршија”
Филмот е историски осврт на времето кога Битола била во својот трговски процут, средината на 19. век и почетокот на 20. век, кога е и врвот на развој на старата битолска чаршија. Но исто така, пренесен е приказ и на актуелните состојби во чаршијата. Низ еден сплет на историски податоци филмот прикажува како чаршијата била срцето на Битола и како многу случувања биле поврзани токму со неа.

Авторката на филмот Анета Шијакова истакна дека документарниот филм „Дамарите на старата битолска чаршија“ се осврнува на периодот кога чар­ши­јата со око­лу 900 ду­ќа­ни, била да­ма­рот на гра­дот, а број­ни­те занаети го диктирале тем­по­то на жи­во­т во целиот регион.

- На документиран начин филмот пренесува дека битолските дуќанџии тргувале дури и со Индија за што бил издаден специјален ферман од тогашните турски власти, а трговијата била толку многу развиена што специјални кревети со позлатени рачки се порачувале дури од Манчестер. Покуќнина се носела од Виена, се тргувало со Франција, Германија и Италија преку Солун. Кожуварите во старата битолска чаршија своите крзна ги носеле во Лајпциг, а од таму пак за во битолските дуќани носеле крзна кои тука ги немало. Сега таквите занаети во старата битолска чаршија веќе ги нема, рече Шијакова.

Низ искази на занаетчии, филмот пренесува кои занаети во Битола веќе изумираат, а кои пак се уште одолеваат на забот на времето.

Интересно е, посочи, дека во битолската стара чаршија мошне успешно егзистира еден од најстарите уметнички занаети во светот, а тоа е рачна изработка на накит обвиткан со жица.

- Вакви примероци на накит кои датираат 2000 години пред нашата ера, а кои ги носеле великодостојничките од Сумериската династија, можат да се видат во Британскиот музеј. Во изминатите години инспирацијата за овој занает стигнала и до Битола така што уникатниот накит од жица ги освојува мушерииите во чаршијата, а посебно странските туристи кои се мошне заинтересирани за рачна изработка. Ова покажува дека духот на древното во старата битолска чаршија сега е испреплетен со духот на модерното, давајќи и со тоа уште поголема автентичност и уникатност, но и шанса за опстојување и развој, појасни Шијакова.

Филмскиот наратив ја пренесува и инспиративната приказна за познатиот битолски зограф Никола Крнчев, ученик на рускиот сликар Иван Мелников. Крнчев во ателјето во старата битолска чаршија, во соработка со други битолски зографи, изработил 75 големи престолни и празнични икони за црквата „Успение на Пресвета Богородица” во Мелбурн, Австралија. Со уметникот Ристо Димовски заедно изработиле над 300 икони кои сега се наоѓаат во колекции низ Европа и во прекуокеанските земји.

Филмот е поддржан од општина Битола во рамките на Битфест 2017, а продукцијата е реализирана во соработка со Регионалната занаетчиска комора Битола. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Иран се закани со ново оружје

Иран развил ново оружје со, како што тврдат тамошните претставници, изненадувачки можности, кое би можело да биде употребено во случај на нов воен судир.

Иран се закани со ново оружје

Ова го соопшти Сејед Зијаедин Агаџанпур, раководител на Организацијата за идеолошки и политички прашања при иранското Министерство за одбрана, испраќајќи директна порака до американскиот претседател Доналд Трамп.

Агаџанпур нагласи дека Иран нема намера да попушти пред притисоците од Вашингтон, ниту да прифати каква било форма на принуда од САД.

-Никогаш нема да им се покориме на вашите обиди за заплашување, порача иранскиот претставник.

Тој оцени дека главната цел на американската администрација е иранскиот народ да биде принуден да ги прифати барањата на Вашингтон и да капитулира. Сепак, според него, Техеран нема да отстапи од своите позиции, ниту ќе ги прифати, како што ги нарече, нелегитимните барања на противниците.

Тагови: Иран оружје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Модриќ: Ќе играм додека чувствувам страст

Дури и на 41-годишна возраст, Лука Модриќ останува еден од клучните играчи на Милан под водство на Рубен Аморим. 

Модриќ: Ќе играм додека чувствувам страст

Неговиот квалитет и физичка подготвеност сè уште му овозможуваат да биде одлучувачки на највисоко ниво, што го покажа во неодамнешната победа од 3:1 против Интер. По градското дерби, неделниот рубрика на „Ла Газета дело Спорт“, „Спортвик“, му ја посвети својата насловна страница и ги објави неговите изјави за амбициите на клубот и продолжувањето на договорот.

Дерби и амбиции за титулата

По победата во дербито, Модриќ испрати јасна порака за целите на тимот.

„Беше фантастична победа, мислам дека беше нашата најдобра игра во сезоната. Ги заслуживме тие три бода, беа неопходни за нашиот морал и самодоверба. Растеме како тим и ако успееме да ги намалиме падовите во играта, кои се неизбежни во текот на сезоната, ќе имаме можност да се бориме за титулата. Тоа останува наша цел. Подобро ги спроведуваме идеите на тренерот и одиме во вистинската насока, а стадионот нè поддржува. Навивачите на Милан се неверојатни“, рече Модриќ.

Продолжување на договорот и планови за иднината

Тој се осврна и на летното продолжување на договорот со Милан и неговата иднина.

„Се чувствувам добро, сè уште имам страст, амбиција и сила. Додека се чувствувам така, сакам да играм. Ме сакаат во Милан, а јас сè уште го сакам фудбалот. Немав никакви сомнежи ова лето откако разговарав со Аморим и луѓето од клубот. Тие сакаа да останам и беше важно само да чувствувам дека сум посакуван. Милан е мојот тим и сакам да им помогнам на помладите играчи да се развиваат.“

Тагови: Лука Модриќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Вооружен напад во Гватемала: Пратеник им подлегна на повредите, убиени се и тројца полицајци

Гватемалски пратеник и тројца полицајци беа убиени во вооружен напад во источниот град Рио Хондо, изјави во понеделник претседателот на Гватемала, Бернардо Аревало.

Вооружен напад во Гватемала: Пратеник им подлегна на повредите, убиени се и тројца полицајци

Тој го осуди насилството и им нареди на безбедносните сили да помогнат во идентификувањето на одговорните, објави Ројтерс. Пратеникот Хулио Сезар Портиљо Паз беше нападнат во петокот во градот Рио Хондо и првично беше однесен во болница со сериозни повреди.

Неговата партија Национално единство на надежта (UNE) подоцна соопшти дека тој починал.

Убиствата се случија околу три недели откако поранешниот антикорупциски обвинител на Гватемала, Хуан Франциско Солорзано Фопа, беше застрелан во Гватемала Сити.

Властите сè уште не утврдиле врска помеѓу двата напада.

Тагови: Гватемала напад

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер