МЗ: Заврши првата фаза од рехабилитацијата на 45 повредени во „Пулс“ - Канал 5

МЗ: Заврши првата фаза од рехабилитацијата на 45 повредени во „Пулс“

Заврши првата фаза од рехабилитацијата на 45 повредени во „Пулс“, наредната недела на Пониква пристигнува нова група.

МЗ: Заврши првата фаза од рехабилитацијата на 45 повредени во „Пулс“

Првата група од 45 лица кои беа повредени во трагичниот настан во Кочани ја заврши првата фаза од нивната рехабилитација во одморалиштето на МВР на планинскиот центар Пониква, соопшти Министерството за здравство.

На почеток на следната недела ќе пристигне нова група, која ќе добие двонеделна медицинска нега и физикална терапија.

Со цел да се овозможат оптимални услови за овој процес на рехабилитација, Министерството за здравство апелира до средствата за јавно информирање, согласно специфичниот контекст, да продолжат да ја следат ситуацијата со особена внимателност, професионална етика и човечка солидарност во известувањето за лицата кои се повредени во трагичниот настан во Кочани.

- Според проценките на здравствените работници, секое нарушување на нивната приватност или инвазивен медиумски пристап може да предизвика дополнителни трауми и да го отежни процесот на нивното рехабилитирање. Во тој контекст, Министерството за здравство повикува на следното: како основно човеково право да се почитува правото на приватност на повредените лица и нивните семејства, да не се нарушуваат процесите на рехабилитација кои се спроведуваат од страна на стручни медицински тимови во Пониква и Општата болница во Кочани, да не се снимаат или фотографираат лица кои ги посетуваат или се дел од рехабилитациските сесии во периодот додека се во одморалиштето на Пониква или во Општата болница во Кочани со цел да се зачува достоинството и мирот на оваа заедница. Воедно, да не се бараат и земаат изјави во пишан, видео или аудио формат од истите лица за време на нивниот процес на рехабилитација во претходно-наведените објекти. Веруваме дека медиумите имаат суштинска улога во информирањето на јавноста, како и во градењето на емпатија и општествена одговорност, се наведува во апелот од МЗ.

Од Министерството додаваат и дека остануваат отворени за соработка и навремено информирање на јавноста преку транспарентни канали, но апелираат тоа да се одвива во дух на почитување кон оние кои сега имаат потреба од мир, разбирање и поддршка.

Почина поранешниот нигериски претседател Мухамаду Бухари

 Поранешниот нигериски претседател Мухамаду Бухари, кој ја водеше својата земја прво како војник, а потоа како избран претседател, почина вчера во болница во Лондон на 82-годишна возраст, изјави неговиот поранешен портпарол.

Почина поранешниот нигериски претседател Мухамаду Бухари

„Семејството на поранешниот претседател ја објави смртта на Мухамаду Бухари попладнево во клиника во Лондон“, објави на социјалните мрежи Гарба Шеху, кој беше негов портпарол за време на неговото претседателствување (2015-2023).

Бухари владееше со Нигерија со железна тупаница како војник во 1980-тите, пред да се преобрази во „пресоблечен демократ“, отслужувајќи два мандата како претседател, од 2015 до 2023 година.

Сегашниот претседател Бола Тинубу рече дека разговарал со сопругата на Бухари и му наложил на потпретседателот Кашим Шетима да отпатува во Англија за да го врати телото во Нигерија.

Бухари, по потекло од далечниот север на Нигерија, влезе во историјата во 2015 година станувајќи првиот кандидат на опозицијата што победил актуелен претседател.

Неговата изборна победа, во земја каде што реизборот на актуелен претседател се сметаше за однапред одреден, се сметаше за ретка можност за промени во Нигерија.

Но, неговото доаѓање на власт не успеа да ги реши тековните проблеми на земјата, вклучувајќи ја корупцијата, несигурноста и економските проблеми со кои се соочува нафтениот гигант.

Силен земјотрес од 6,9 степени ја погоди областа Танимбар во Индонезија

Земјотрес со јачина од 6,9 степени според Рихтеровата скала денеска го погоди морскиот дел, југозападно од регионот Југоисточен Малуку во Индонезија, соопшти Индонезиската агенција за метеорологија, климатологија и геофизика (BMKG).

Силен земјотрес од 6,9 степени ја погоди областа Танимбар во Индонезија

Потресот е регистриран во 12:49 часот по локално време, со епицентар на околу 170 километри југозападно од островот Танимбар, на длабочина од 108 километри, се наведува на официјалната веб-страница на BMKG и во објавата на агенцијата на социјалните мрежи.

Според Германскиот центар за геонауки (GFZ), иницијално било наведено дека епицентарот се наоѓа во море, на длабочина од 10 километри, но подоцнежните податоци на BMKG укажуваат на значително поголема длабочина од 108 километри, што е вообичаено за т.н. „интермедијарни земјотреси“.

Засега нема информации за евентуални жртви или материјални штети. Локалните власти внимателно ја следат состојбата и апелираат до граѓаните на погодените подрачја да останат внимателни и да ги следат официјалните известувања и препораки од надлежните институции.

Иако не е издадено предупредување за цунами, граѓаните се повикани на зголемена претпазливост поради можност од последователни потреси.

Индонезија се наоѓа на т.н. Пацифички „Огнен прстен“, сеизмички активна зона каде се среќаваат неколку тектонски плочи, поради што оваа земја често се соочува со силни земјотреси и вулкански ерупции.

Американскиот специјален пратеник Келог пристигна во Украина

 Специјалниот претставник на американскиот претседател Доналд Трамп за Украина, Кит Келог, пристигна во посета на Украина, каде што ќе разговара за голем број теми со раководството на земјата.

Американскиот специјален пратеник Келог пристигна во Украина

„Го пречекуваме специјалниот претставник на претседателот на САД, Кит Келог, во Украина. Одбрана, зајакнување на безбедноста, оружје, санкции, заштита на нашите луѓе, зајакнување на соработката меѓу Украина и САД - има многу теми за дискусија“, напиша Андриј Јермак, шеф на кабинетот на украинскиот претседател Володимир Зеленски, на својот профил на платформата Телеграм.

Јермак истакна дека Русија не сака прекин на огнот.

„Мир преку сила е принципот на американскиот претседател Доналд Трамп и ние го поддржуваме тој пристап“, рече тој.

Украинскиот претседател Володимир Зеленски претходно истакна дека Украина подготвува информации за разговорите со Келог и дека смета на целосно разбирање на Вашингтон за тоа што може да се направи за да се „наметне мир“ врз Русија.

притисни ентер