МЗ: За година и пол четири пати зголемени платите во јавно здравство - Канал 5

Здравје

МЗ: За година и пол четири пати зголемени платите во јавно здравство

Министерството за здравство информира дека води вистинска здравствена политика за грижа за здравствените работници и соработници со инвестирање во човечкиот капитал. 

МЗ: За година и пол четири пати зголемени платите во јавно здравство

За година ипол, четири пати се зголемени платите во јавното здравство.

На вчерашната прес-конференција, министерот за здравство доц. д-р Венко Филипче најави дека пред именувањето на техничката влада, со синдикатите потпишани се измените и дополнувањата во Колективниот договор за здравствена дејност, со што од први февруари се зголемува коефициентот на сложеност, а со тоа и додатокот на плата за дежурства.

Со февруарската плата, наставниот кадар добива 20% зголемување, 25% лекарите специјалисти, 15% општите лекари, 10% медицинските сестри, 5% здравствените соработници и 5% помошно техничкиот персонал. Дежурствата се зголемени од 4 до 5 пати.

Платата на лекарите специјалисти со дежурства ќе изнесува 100 илјади денари.

Кумулативно, со сите зголемувања досега, но и најавеното зголемување од месец февруари, основната плата на лекарот специјалист е зголемена за 40%, на медицинските сестри до 23%, на општите лекари 25% и 15% на останатите здравствени соработници.

Покрај зголемувањето на платите, досега дадени се 5000 согласности за вработување, со што за најмалку 10% е зголемен капацитетот со човечки капитал во секоја јавно-здравствена установа.

За потсетување, Министерството за здравство за првпат ги плати приватните специјализанти за својот труд во висина од просечна плата на општ лекар.

Продолжуваме да инвестираме во луѓето, во здравствените работници и соработници. Продолжуваме со вистинска здравствена политика.

Mинистерство за здравство

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео: Изведе аут како корнер

Фудбалер од Иран изведе неверојатен аут, топката леташе цели 45 метри, неговата техника го претвори во интернет-сензација.

Видео: Изведе аут како корнер

Иранскиот фудбалер Надер Мохамади (29) повторно го привлече вниманието со својата необична техника на изведување аут. За време на натпреварот од руската Прва лига против Уфа, дефанзивецот на Спартак Кострома изведе аут со салто, исфрлајќи ја топката на импресивни 45,6 метри.

Според податоците од руската аналитичка платформа „RuStat“, ова е најдолгиот измерен аут забележан во руската Премиер лига и Прва лига откако започнало следењето на овие податоци во 2021 година. Топката се искачи речиси 11 метри во височина Спартак Кострома и Уфа одиграа нерешено 1:1 во понеделникот, во рамките на шестото коло од руската Прва лига, а еден од најинтересните моменти на натпреварот не беше гол.

„RuStat“ го измери аутот на Мохамади на растојание од 45,6 метри. Вкупната патека на движење на топката изнесуваше 51,6 метри, при што таа достигна максимална висина од 10,8 метри.

Со овој потег, иранскиот фудбалер постави рекорд во базата на податоци на „RuStat“ за двете највисоки нивоа на рускиот фудбал.

Истовремено, Мохамади не ја искористи класичната техника на залет. При изведувањето, тој се потпре на топката, направи салто нанапред и ја искористи силата на ротацијата за да ја фрли што е можно подалеку.

За Мохамади, ова не е само потег смислен за да го привлече вниманието на публиката. Откако запиша асистенција на натпреварот против СКА-Хабаровск, тој објасни дека со години вежбал ваков начин на изведување аут. „Како дете се занимавав со гимнастика. Уште од млади години го вежбам ова изведување аут со салто“, изјави Иранецот за „Чемпионат“.

Тагови: Фудбал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Клековски: Денеска детални резултати од контролата на прскањето против комарци

Денеска ќе бидат соопштени деталните резултати од контролата на тоа што направиле општините во однос на прскањето против комарци, информираше синоќа министерот за здравство Сашо Клековски.

Клековски: Денеска детални резултати од контролата на прскањето против комарци

Тој посочи дека во моментов особено е актуелно цело Повардарие, имајќи предвид дека дел од случаите на западнонилска треска во грција се регистрирани во подрачјето околу Солун и Вардар.

– Во основа, ние завршивме со контролата на тоа што општините направиле во врска со прскањето. Потенцира дека не може јасно да се воспостави директна врска меѓу бројот на случаи на западнонилска треска и бројот на прскања во општините.

Клековски нагласи дека првиот случај на западнонилска треска во земјава е регистриран во 2011 година, а досега се регистрирани 54 случаи. Посочи дека имало и случаи кај мали деца со воспаление на мозокот, додека најголем ризик од смртен исход има кај лицата над 60 години.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Политичка криза во Украина, на удар и претседателот Зеленски

Неодамна разрешениот украински министер за одбрана, Михаило Федоров, повика на одржување избори во време на војна, наведувајќи дека земјата се соочува со криза во управувањето.

Политичка криза во Украина, на удар и претседателот Зеленски

Неодамна разрешениот украински министер за одбрана, Михаило Федоров, повика на одржување избори во време на војна, наведувајќи дека земјата се соочува со криза во управувањето – што претставува најголем внатрешен предизвик за украинскиот претседател Володимир Зеленски од 2022 година наваму.

Триесет и петгодишниот Фјодоров беше долгогодишен сојузник на Зеленски сè до неговата неочекувана оставка од Министерството за одбрана во јули – само шест месеци по неговото назначување и ветувањето за спроведување темелни реформи.

„Демократијата не смее да биде заложник на Русија. Мораме да најдеме правен, безбеден и реален механизам што ќе ѝ овозможи на Украина да го обнови целосниот демократски процес, дури и во услови на долготрајна војна“, изјави Фјодоров.

Во она што изгледаше како отворен предизвик упатен кон Зеленски, Федоров изјави дека Украина се соочува со „системска криза на управувањето“. „Стариот систем пречесто живее според сопствени правила. Тој се штити себеси. Се плаши од промени“, рече тој.

Законот во Украина забранува одржување избори за време на воена состојба.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер