МЗ: Во завршна фаза постапката за набавка на 65 нови санитетски возила - Канал 5

Здравје

МЗ: Во завршна фаза постапката за набавка на 65 нови санитетски возила

 Зајакнувањето на службите за Итна медицинска помош (ИМП) е еден од приоритетите на Министерство за здравство и во завршна фаза е постапката за обезбедување и дистрибуција на 65 нови санитетски возила, како донација од Кина.

МЗ: Во завршна фаза постапката за набавка на 65 нови санитетски возила

Поголем број од новите возила ќе бидат наменети за службата за ИМП Скопје, одговорија за МИА од Министерството за здравство на новинарско прашање кога ќе бидат набавени нови амбулантни возила со оглед на фактот што постоечкиот број очигледно не ги задоволува потребите за брзо делување во случаи кога на граѓаните им е потребна итна медицинска помош.

Од Министерството посочија дека во Итната медицинска помош при Здравствениот дом Скопје, пак, во изминатиот период се вработени 18 лица, од кои 17 доктори и еден возач и се набавени шест нови возила со што стопроцентно се зајакнале капацитетите на ИМП Скопје.

– Итната медицинска помош е еден од сегментите кои најмногу ги зајакнавме во изминатите две години, примени се 84 доктори и се набавени 12 нови амбулантни возила за службите за ИМП во државата, информираат од Министерството за здравство.

Директорот на Здравствениот дом Скопје, Виктор Исјановски, пак, одговарајќи на истото прашање за МИА рече дека идната недела ќе бидат промовирани и ставени во функција десет нови возила за домашна посета и за Здравствениот дом Скопје.

– Ќе бидат промовирани и две санитетски возила, донација од Општина Гази Баба и две пикап возила наменети за транспорт на лекови во аптеки и затвори. Од Министерството за здравство најавена е и донација на уште пет санитетски возила, додаде д-р Исјановски./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Нов напад врз меѓународниот аеродром „Крал Халид“ во Ријад

Едно лице загина, а 11 се повредени во нов напад врз меѓународниот аеродром „Крал Халид“ во Ријад, Саудиска Арабија., пренесува Би-Би-Си.

Видео: Нов напад врз меѓународниот аеродром „Крал Халид“ во Ријад

Загинатиот е државјанин на Пакистан, соопштија саудиските власти.

Проектил погодил една од патничките сали, по што избувнал пожар.одговорноста за нападите ја презедоа јеменските Хути.Тие соопштија дека користеле ракети и беспилотни летала.

Хутите тврдат дека нападнале и нафтени постројки и аеродромот во Дамам.Во претходниот напад врз аеродромот во Ријад загинаа 13 лица, а 308 беа повредени.

Саудиската коалиција најави одговор на нападите. Трамп најави брза одлука за можни воени дејствија против Хутите. И Велика Британија најави можност за дополнителна поддршка на Саудиска Арабија.

Македонската амбасада упати апел до македонските државјани во Саудиска Арабија да ги следат безбедносните препораки и да постапуваат според упатствата на локалните власти, дежурен телефон. +971 56 441 7532.Поради влошената безбедносна состојба, се препорачува избегнување патувања во ризичните области.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Почнува примената на системот „Сејф сити“ Во Охрид, Струга, Кичево и Дебар

Од денеска, системот за сообраќаен надзор „Безбеден град“ започнува со работа и на подрачјето на СВР Охрид односно во Охрид, Струга, Кичево и Дебар.

Почнува примената на системот „Сејф сити“ Во Охрид, Струга, Кичево и Дебар

МВР информира дека по извршените технички проверки и финалните тестирања, камерите на системот ќе бидат ставени во функција на сообраќајниците на подрачјето на СВР Охрид.

Со активирањето на системот, како што нагласуваат од министерството, ќе се овозможи засилена и континуирана сообраќајна контрола, навремено откривање на сообраќајните прекршоци, зголемување на сообраќајната дисциплина и унапредување на безбедноста на патиштата.Системот „Безбеден град“ во државата е во функција од 1 февруари годинава. Периодот на адаптација траеше два и пол месеци кога граѓаните беа известувани и контролирани за сообраќајните прекршоци, а системот беше тестиран и унапредуван. Според информациите што ги сподели министерот за внатрешни работи при неодамнешната посета на Охрид, во споредба со истиот период минатата година бројот на повредени во сообраќајни несреќи годинава е намален за 20 отсто, односно со 34 жртви помалку.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Столе Наумов на „Кавга со Иван“

Вечерва, во оригиналното шоу „На кавга со Иван“ ќе гостува Столе Наумов

Столе Наумов на „Кавга со Иван“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер