МЗ: Вакцинацијата против грип ќе почне идниот месец

Вакцинацијата против грип ќе почне идниот месец, што е оптимално време, бидејќи во земјава пикот на вирусот се очекува кон крајот на јануари и почетокот на февруари, информираат за МИА од Министерството за здравство.

Министерството за здравство по пат на јавна набавка, што е во тек, за годинава ќе обезбеди 28.000 дози вакцини против сезонски грип. Со тие вакцини бесплатно ќе може да се вакцинираат пензионерите, хронично болните, трудниците и децата со намален имунитет. Дополнително преку центрите за јавно здравје ќе бидат обезбедени 21.000 комерцијални вакцини за кои граѓаните ќе плаќаат. Најмногу дози вакцини ќе има во Центарот за јавно здравје во Скопје.

Од Институтот за јавно здравје информираат дека уште 10.000 вакцини преку донација ќе има за имунизација на здравствените работници во државава.

Во извештајот што на својата веб страница го објави Институтот се наведува дека 13 нови случаи на грип се регистрирани изминатата недела (од 7 октомври до 13 октомври), што е зголемување во однос на неделата пред неа кога беа регистрирани четири случаи.

Во сезоната 2019/2020 вкупниот број заболени од грип изнесува 17, што е за 10,5 отсто помалку споредено со истиот период минатата година кога биле регистрирани 19 заболени лица. Најголем број заболени – седум се регистрирани во Центарот за јавно здравје Тетово, највисока инциденца се бележи во Центарот за јавно здравје Штип (5,7 на 100.000 жители), а најниска во Центарот за јавно здравје Скопје (0,3 на 100.000 жители), стои во извештајот.

Вакцинацијата е една од најважните превентивни мерки за заштита на здравјето на луѓето. Вакцината против сезонски грип создава имунитет по 14 дена од вакцинација, кој трае околу осум до десет месеци. Согласно препораките на Светската здравствена организација и Програмата за имунизација за годинава, во категоријата ризични групи се опфатени бремени жени во кој било период од бременоста, деца на возраст од шест месеци до пет години, лица над 65-годишна возраст, лица со хронични заболувања, како и лица сместени во геронтолошки центри и вработени во овие центри и здравствени работници, информираат од Министерството за здравство.

Минатата сезона во државава повеќе од 20.000 граѓани беа заболени од грип, а 29 починаа од компликации од вирусот.

ДИК: Граѓаните да излезат на избори, исполнети се сите услови за безбедно гласање

Сите услови за безбедно гласање се исполнети. Државната изборна комисија ги повика гласачите утре да излезат на гласачките места. 

Македонските граѓани утре гласаат на десеттите по ред парламентарни избори. За првпат во услови на епидемијата и под посебни здравствени протоколи. Излегувањето на гласачките места нема да претставува ризик за здравјето на граѓаните, уверува претседателот на ДИК, Оливер Дерковски. Согласно здравствените протоколи предвидени се дезинфекција на самиот влез и излез од гласачките места, а задолжително е и носењето маска.

Од ДИК повикаа и да не се злоупотребуваат социјалните мрежи, преку објавување на наводни резултати од гласањето на заразените со Ковид, болните, изнемоштените и затворениците, бидејќи, како што велат, ливчињата ќе се пребројуваат заедно со сите останати, утревечер.

Членовите на Комисијата, на денешната седница, потсетија и кое гласачко ливче ќе се смета за важечко, а кое не.

Избирачките места ќе бидат отворени во седум часот, а гласањето ќе трае се до 21 часот. Право на глас имаат 1.814,263 граѓани, кои на веб-страницата избирачкисписок.гов.мк ќе можат да ги проверат своите податоци и точната локација каде ќе гласаат. За дополнителни прашања службите на ДИК ќе одговораат на бројот 080055544, а повреда на избирачкото право, кај Народниот правобранител, ќе се пријавува на телефонската линија 080054321.

„Само Вистина" со д-р Жан Митрев

Во вечерашната „Само Вистина“ гостуваше д-р Жан Митрев.

Најмладиот пациент третиран со хемофилтрација имаше 23 години. Голем проблем претставува и суперинфекцијата кога пациент подолго време е болен и шансите на него да се накалеми една болничка инфекција е многу полесно, рече д-р Митрев.

Огромен број луѓе во светот се лекуваат со хемофилтрација, потенцира д-р Митрев.

Тие што ќе прележат коронавирус нема гаранција дека имаат имунитет, затоа и медицината е во паника и се пробуваат нови методи за лекување, рече д-р Митрев.

Повеќе детали погледнете во најновото издание на „Само Вистина".

Прославата во Париз се претвори во насилен протест со солзавец и приведени (ВИДЕО)

Во центарот на Париз, по прославата по повод падот на Бастилја, започнаа протести на медицинскиот персонал, јавуваат медиумите.

Медицинските лица, кои бараат повисоки плати, се собраа на плоштадот Република и плоштадот Бастилја. Заедно со нив излегоа на улиците и „жолтите елеци“.

Според француските медиуми, дошло до судир меѓу демонстрантите и полицијата, која фрлала солзавец врз насобраните демонстранти.

Протестите ги организирале синдикатите на медицинските работници кои, меѓу другото, побараа и зголемување на финансирањето за француските болници.

притисни ентер