МЗ: Нацрт текстот на Законот за лекарска дејност отворен за предлози од стручната фела, невладиниот сектор и граѓаните - Канал 5

Здравје

МЗ: Нацрт текстот на Законот за лекарска дејност отворен за предлози од стручната фела, невладиниот сектор и граѓаните

Клучно во законот е што на лекарите им се остава можноста за саморегулација, што значително ќе го подобри квалитетот на услугите на лекарите.

МЗ: Нацрт текстот на Законот за лекарска дејност отворен за предлози од стручната фела, невладиниот сектор и граѓаните

Министерството за здравство информира дека за нацрт текстот за Законот за лекарска дејност, кој е поставен на Единствениот национален електронски регистар на прописи – ЕНЕР, лекарската фела, невладиниот сектор и граѓаните може да достават свои забелeшки на текстот.

– Клучно во законот е што на лекарите им се остава можноста за саморегулација, што значително ќе го подобри квалитетот на услугите на лекарите, како и поголема контрола во рамки на системот на лекарската комора на лекарите и нивната практика. Со овој закон, во суштина се зајакнува степенот на издавање лиценци и ќе биде исклучено секакво влијание однадвор, се вели во соопштението од Министерството за здравство.

Посочуваат дека лиценците за вршење лекарска дејност ги издава Лекарската комора, која води регистар и е евидентирана во Централниот регистар како правно лице.

– Лекарите за полагање стручен испит спроведуваат пробна работа. На лекарите со завршени петгодишни студии, пробната работа им трае една година, а за завршени шестгодишни студии пробната работа трае шест месеци. Лекарите специјалисти имаат право на дополнителна дејност, согласно прописите за здравствена заштита. Лекарската комора ги одредува цените на лекарските услуги заради заштита од нелојална конкуренција, се наведува во соопштението.

Од Министерството за здравство истакнуваат дека со нацрт законот се утврдуваат сите права и обврски на лекарите, но и работата на Лекарската комора, издавањето и одземањето на лиценцата за работа, додавајќи дека со овој закон се прецизира и утврдува статусот на лекарите и лекарската професија, како и стручниот надзор на работата на лекарот, чување и унапредување на достоинственото и одговорно професионално однесување во работата со почитување на прописите, правилата на струката и кодексот на медицинската етика и деонтологија. Законот ги ограничува лекарите да не се дозволи нивно поврзување со комерцијални активности за лична корист.

– Изминатиот период, во неколку наврати се обезбеди значаен износ финансиски средства за зголемување на платите на здравствените работници. Во 2018 година се зголемени платите за 5%. Во јануари 2019 година, дополнително зголемување на платите – 5% за медицинските сестри, 10% за докторите специјалисти, а во септември 2019 година, 5% зголемување и за останатите здравствени работници. Зголемени се коефициентите за исплата на дежурствата, ноќен труд и дополнителна работа на медицинскиот кадар. Сето ова, даде слика во која вкупните месечни приходи се зголемени за 40%, а некаде и до 50% кај дел од лекарите, се вели во соопштението.

Од Министерство истакнуваат дека нивна заложба е платата на лекарите наредната година да достигне 100 илјади денари и дека само на овој начин, ќе го вратат достоинството на здравствените работници и ќе им овозможат фер услови за работа.

Министерството за здравство, се наведува во соопштението, со цел да ги подобри условите за работа на здравствените работници, но и со закон да ги заштити правата и обврските на медицинската фела го иницира донесувањето на овој закон, кој е во согласност со барањата на лекарите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Официјална Тирана реагира зашто немало албанска химна на фестивалот во Пустец на кој присуствал премиерот Мицкоски

Министерството за Европа и надворешни работи на Албанија реагира по културниот настан одржан вчера во Пустец на кој присуствуваше премиерот Христијан Мицкоски, поради тоа што не била интонирана химната на Албанија, покрај македонската.

Официјална Тирана реагира зашто немало албанска химна на фестивалот во Пустец на кој присуствал премиерот Мицкоски

Албанското МНР го опиша ова како сериозен недостаток на почитување на националните симболи и правилата на институционалниот протокол.

- Почитувањето на националните симболи не треба да биде прашање на политика или толкување. Тоа е дел од институционалната етика, протоколот и, пред сè, меѓусебно почитување, особено во простор каде што коегзистираат различни заедници и идентитети. “, пишува во реакцијата на албанското минстерство.

Премиерот Христијан Мицкоски вчера објави дека ја посетил Мала Преспа и присуствувал на Фолклорниот фестивал „Преспа 2026“ посветен на македонската традиција, култура и фолклор, што се одржал под негово покровителство.

Оттаму порача дека границите може да ги поделат териториите, но не може да ги избришат јазикот, културата и чувството на припадност.

Тагови: Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Германските компании се соочуваат со недостиг на квалификувани работници

Речиси една од четири германски компании се соочува со недостиг на квалификувани работници, според анкетата на Институтот за економски истражувања Ифо. 

Германските компании се соочуваат со недостиг на квалификувани работници

Според анкетата, 23,2 проценти од компаниите во Германија пријавиле недостиг на квалификувани работници во јули, во споредба со 21,1 процент во април. Сепак, овој удел е далеку под долгорочниот просек од 31,7 проценти.

„Слабата економија моментално ја ограничува побарувачката за квалификувани работници“, рече Дарија Шалер од Институтот Ифо, додавајќи дека со закрепнувањето на економијата, недостигот на квалификувани работници би можел повторно значително да се зголеми. Во телекомуникацискиот сектор, уделот на компаниите што се соочуваат со недостиг на квалификувани работници речиси се удвои, од 16,3 проценти во април на 31,1 процент во јули.

Во консалтинг и ревизија, уделот на компаниите што пријавуваат недостиг од квалификувани работници се зголеми од 52,4 на 64,7 проценти, додека во производството достигна 18,7 проценти, или 4,5 процентни поени повеќе отколку во април.

Бројот на признати квалификации стекнати во Сирија се зголеми за 42 проценти

„Поголем број невработени лица не значи автоматски поголем број на достапни квалификувани работници, бидејќи нивните квалификации мора да одговараат на барањата на слободните работни места“, забележа Шалер. Германските власти признаа 86.600 странски професионални квалификации минатата година, што е речиси десет проценти повеќе од претходната година, објави Федералниот завод за статистика.

Сепак, растот се забави во споредба со 2024 и 2023 година, кога бројот на признати квалификации се зголеми за 21 и 25 проценти, соодветно. Здравствените професии беа предводници во бројот на признати квалификации. Одобрени се 32.000 апликации за признавање квалификации за медицински сестри и техничари, 13.900 за лекари и 4.600 за инженери. Овие три групи сочинуваат 58 проценти од сите признати квалификации.

Според земјата на потекло, најголем број признати квалификации доаѓаат од Турција, со 9.800, или 11 проценти од вкупниот број. Потоа следуваат Украина со околу 8.300, Сирија со 6.100 и Индија и Тунис со по 5.400 признати квалификации. Бројот на признати квалификации добиени во Сирија се зголеми за 42 проценти. Германија е сè повеќе зависна од странци во голем број сектори поради опаѓачката стапка на наталитет и брзото стареење на населението.

Извор: Индекс.хр

Тагови: Германија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Хрватска пејачка воодушеви во бикини

Хрватската пејачка Жанамари Перчиќ привлече внимание со нова серија фотографии што ги сподели на својот профил на Инстаграм.

Фото: Хрватска пејачка воодушеви во бикини

Сега, атрактивната Жанамари позира на плажа, облечена во бикини со животински дезен.

На една од фотографиите, пејачката лежи во плитките води, додека во позадина се гледа морето.

Таа ја сподели објавата во соработка со фотографот Марк Мајлс, а за само неколку часа собра повеќе од 2.000 допаѓања и бројни коментари од своите следбеници.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер