МЗ: На Инфективна нема хоспитализиран пациент суспектен за мајмунски сипаници

Соопштение од Министерството за здравство.

Информираме дека на Клиниката за инфективни болести нема хоспитализиран пациент суспектен за мајмунски сипаници.

Во врска со пациентот кој се споменува во медиумите, според информациите од кичевската болница станува збор за суспектен пациент кој е во добра здравствена состојба и со уредни лабораториски резултати, кај кого е дадена препорака за тестирање.

Во моментов се организира епидемиолошки тим кој ќе спроведе епидемиолошка анкета.

До овој момент не е доставен материјал за тестирање во Институтот за јавно здравје и во државата нема потврден случај на мајмунски сипаници.

Пиксел Груп и КМГ Квазар ги демантираат обвинувањата на ВМРО-ДПМНЕ за поврзаност со Ковачевски

Компаниите Пиксел Груп и КМГ ЕОЛ Квазар ПИКСЕЛ ГРУП по вчерашните обвинувања на ВМРО-ДПМНЕ за нивна поврзаност со премиерот Димитар Ковачевски, денеска излегоа со реакција во јавноста. 

Пиксел Груп е компанија која на македонскиот пазар постои од 2018 година и постојано работи по највисоки корпоративно технолошки и етички стандарди, велат тие.

„Во време на светска енергетска криза, кога на нашата Македонија но и на целиот свет му е насушно потребен секој произведен мегават електрична енергија, сметаме дека е под секое ниво името на нашата компанија како и компанијата мајка на ПИКСЕЛ ГРУП, КМГ ЕОЛ КВАЗАР, да се злоупотребува во дневни политички препукувања и безначајни прес конференции, кажувајки единствено лаги и класични манипулации за да се замајува јавноста. Затоа, најостро го осудуваме секој обид за дискредитација, нашата групација да се доведе во корелација со било каква политичка структура“, велат од двете компании.

Тие тврдат дека работат на слободен пазар како приватни компании по сите законски прописи и по највисоки етички стандарди и не користат никакви посебни услови, надвор од оние кои на сите компании од оваа дејност им се даваат на располагање и им следуваат по закон.

„Уште пред назначувањето на Димитар Ковачевски за заменик министер за финансии, објавивме дека Димитар Ковачевски, како косопстевник во ПИКСЕЛ ГРУП истапува од сопственичката структура на компанијата бидејќи тоа е неспоиво со неговиот политички ангажман“, се наведува во соопштението на двете компании.

Тие потенцираат дека нивните компании се жртва на нечии потреби за дневен политички рејтинг и бараат да не се користи името и на ПИКСЕЛ ГРУП и на КМГ ЕОЛ КВАЗАР за политички маркетинг.

Од КМГ ЕОЛ КВАЗАР велат дека се основани во 2007 година, во моментов вработуваат повеќе од 70 вработени и неколку фирми подизведувачи и имаат вкупна реализација за период 2010-2021 година во износ од 1.291.668.742 денари или околу 21.002.744 евра. За тој период, компанијата има исплатено придонеси и даноци за плати кон државата во износ од 23.284.533 денари.

„Како резултат на доброто работење и визијата на оваа компанија се роди идејата за основање на ПИКСЕЛ ГРУП, прва фабрика во Македонија за производство на фотоволтаични панели по сите светки стандарди и за 4,5 години успеавме со натчовечки напори и заслуги на сите наши вработени од двете компании да произведеме преку 80MW“, додавајќи дека нивните производи се продаваат и во регионот и во ЕУ.

„Затоа, бараме извинување од оние кои пласираат вакви неточни тврдења, во спротивно ќе ги преземеме сите правни средства кои ни стојат на располагање за заштита на угледот на двете компании. Како и досега, стоиме транспарентно во објавување на секој податок и информација што е во интерес на јавноста и на нашата држава“, наведуваат двете компании.

СДСМ: Лефков да побара од Мицкоски струјата да ја даде бесплатно на граѓаните

Наместо фабрикувани лаги за Ковачевски, Лефков да побара од Мицкоски струјата да ја даде бесплатно на граѓаните

Криминалното ВМРО-ДПМНЕ не може да се помири со фактот дека граѓаните дознаа за нивните милионски зделки од 136 милиони евра и се обидува да креира конфузија и преку фабрикувани лаги за претседателот Ковачевски да ја замајува јавноста и да дефокусира.

Очекувамe обвинителството конечно да покрене случај и да ги расчисти овој скандал од 136 милиони евра, но и сите претходни криминали на најбогатата партија во Европа ВМРО-ДПМНЕ која го има опљачкано нашиот народ за многу генерации нанапред.

Претседателот Ковачевски ниту е поврзан ниту на кој било начин влијае на работењето на компанијата која ја обвинува ВМРО-ДПМНЕ.

Наместо да се бави со фабрикувани лаги за Ковачевски, Лефков да побара од Мицкоски струјата од неговите хидроцентрали да ја даде бепслатно на граѓаните.

Реакција на прес-конференција на Миле Лефков од ВМРО-ДПМНЕ

СДСМ

Ајатолах Хамнеи: САД и Израел ги испланираат немирите во Иран

Врховниот лидер на Иран, ајатолахот Али Хамнеи денеска ги осуди протестите, што веќе две недели се одржуваат ширум земјата поради убиството на Махсе Амини.

Ајатолахот Хамнеи, во првата реакција, за протестите ги обвини САД и Израел.

Овие немири беа планирани. Јасно кажувам дека овие немири ги смисли Америка и ционистичкиот режим и нивните вработени, посочи ајатолах Хамнеи.

Тој смртта на Амини ја оцени како „тажен инцидент“ што ја остави земјата „со скршено срце“.

Амини почина во болница на 16 септември, три дена откако беше уапсена од моралната полиција поради непочитување на строгиот ирански кодекс на облекување и одведена во „центар за превоспитување“.

притисни ентер