МЗ; До Клиниката за инфективни болести и фебрилни состојби модуларна монтажна болница со капацитет од 40 до 130 болнички кревети - Канал 5

Македонија

МЗ; До Клиниката за инфективни болести и фебрилни состојби модуларна монтажна болница со капацитет од 40 до 130 болнички кревети

Со оглед на состојбата со коронавирусот COVID-19, Министерството за здравство во соработка со Град Скопје и ЈП „Улици и патишта“, превзема низа градежни и инфраструктруни активности во кругот на Клинички центар Мајка Тереза. 

МЗ; До Клиниката за инфективни болести и фебрилни состојби модуларна монтажна болница со капацитет од 40 до 130 болнички кревети

Се прошири влезот во клиничкиот центар и се отвори траса за интервенти возила до ургентниот центар. Непосредно до ЈЗУ Универзитетската Клиника за инфективни болести и фебрилни состојби се расчисти теренот од стари, диво – вселени објекти, со што се овозможи уредување и користење на просторот во непосредната близина на клиниката.

Со ослободување на просторот од околу 4000 м2 создадена е можност за интервентен развој и дополнување на капацитетот на Клиника за инфективни болести и фебрилни состојби, на неколку начини, но пред се од монтажно/демонтажен карактер.

Кон овие активности на Министерството за здравство се приклучи Министерството за одбрана и Воено медицинскиот центар при Армијата на Република Северна Македонија која ги стави на располагање своите капацитети, градежната механизација и дел од припадниците на инженеријата.

Воено медицинскиот центар при Армијата на Република Северна Македонија ја става на располагање и Модуларната маневарска болница како едно од можните решенија за дополнување на капацитетот на Клиниката за инфективни болести и фебрилни состојби. Станува збор за теренска болница по пневматско шаторски систем и истата во конкретниот случај има за цел и задача да помогне во дел од работата на медицинскиот персонал и медицинскиот третман околу згрижување и третман на пациенти, како и во делот на сместувачките капацитети – болнички кревети. Овие објекти, со нивното поставување, можат да ја амортизираат евентуалната оптеретеност на Клиниката за инфективни болести и фебрилни состојби и/или можат да заменат дел од болничките капацитети. Со тоа директно се штити клиниката од преоптовареност, а се дава можност на медицинскиот персонал соодветно да ги распореди сопствените ресурси во борбата за превенција и заштита на населението од Коронавирус COVID-19. Ослободената локација до инфективна клиника во моментов има огромна предност заради близината на сите капацитети на клиничкиот центар „Мајка Тереза“, клучните Институти и самата Клиника за инфективни болести и фебрилни состојби.

Модуларната маневарска болница се поставува со систем на шатори и модули. Сите модули се формираат согласно потребата и теренот, а со додавање на конектори, можат да се поврзат со Клиниката за инфективни болести со „топол ходник“. Ова е алтернативен начин на зголемување на просторните капацитети на Инфективната клиника, и со добро планирање и додавање на дополнителни така наречени монтажни модули се обезбедува развој на самата локација. Монтажните модули можат да се комбинираат и да се поврзуваат во ширина и должина можат да бидат со единечни, минливи или неминливи соби, и со тој концепт капацитетот може да се зголеми од дополнителни 40 до 130 болнички кревети.

Модуларната маневарска болница е дизајнирана да обезбеди медицинска способност и поддршка на различните унифицирани оперативни мисии на Армијата и истата е опремена со медицинска опрема и кадар во согласност со препораките од НАТО Логистичкиот Центар. Во овој момент сеуште трае подготовката на теренот за поставување на болницата и во наредните неколку дена, доколку послужат временските услови, истата ќе биде поставена. Сите овие активности започнаа пред само неколку дена и на теренот се спроведе вистинска акција со големи човечки напори но одлична меѓуинституционална соработка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Граѓаните бараат решенија, надлежните претпријатија мора да си ја завршат работата

Општина Центар и овој викенд е на терен. Вчера и денеска со два багери и два камиони се расчистуваат диви депонии во Крњево, Маџир Маало и Ново Маало, а паралелно продолжува и чистењето на локациите кои беа зафатени од невремето.

Герасимовски: Граѓаните бараат решенија, надлежните претпријатија мора да си ја завршат работата

До Општина Центар секојдневно пристигнуваат голем број поплаки од граѓани за натрупан отпад, неисчистени јавни површини, паднати гранки и зеленило. Иако дел од овие обврски не се во надлежност на Општината, општинските екипи излегуваат на терен и интервенираат таму каде што е потребно, затоа што проблемите не можат да останат нерешени на штета на граѓаните.

Градоначалникот Горан Герасимовски упати апел до ЈП „Комунална хигиена“ и ЈП „Паркови и зеленило“ редовно и навремено да ги извршуваат обврските за кои се надлежни.

„Граѓаните не треба да бидат заложници на тоа кој за што е надлежен. Тие со право очекуваат чисти улици, собран отпад и уредени јавни површини. Најголем дел од поплаките завршуваат кај нас во Општина Центар и затоа реагираме секогаш кога можеме. Но, не можеме трајно да ги преземаме обврските на другите институции. Апелирам до ЈП „Комунална хигиена“ и ЈП „Паркови и зеленило“ да бидат присутни на терен и да си ги извршуваат своите надлежности. На граѓаните им треба решение, а не префрлање на одговорноста“, порача Герасимовски.

Општина Центар ќе продолжи со расчистувањето на критичните точки и со интервенциите по невремето. Истовремено, апелираме и до граѓаните да не оставаат отпад на јавните површини и да не се создаваат нови диви депонии на местата што се расчистуваат.

Со почит,

Одделение за односи со јавност

Општина Центар - Скопје

Тагови: Горан Герасимовски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски бара алиби за изборите - ќе му го дадат руската и српската служба

Мицкоски бара алиби за избори. 

СДСМ: Мицкоски бара алиби за изборите - ќе му го дадат руската и српската служба

Кажува дека нема да има предвремени избори, но може ако некој му фрли ракавица. СДСМ јасно порача дека нема да биде алиби на Мицкоски.

Тој не сака да признае дека нема пари во буџетот. Сè потрошил за криминални тендери.

Секоја недела нови задолжувања, но тоа нема да може да оди во недоглед.

Сепак, за секое задолжување или кредит, потребни се гаранции. Со водење на ваква економија од денес за утре, нема да добие можност за ново задолжување. Го нема повеќе Орбан, па да пласира кинески пари преку Унгарија во земја членка на НАТО.

Сега скока Левица, стариот добар руски сателит во заштита на Мицкоски.

Мицкоски е руски прокси-играч.

Исклучиво работи за лична материјална корист, но истовремено ја исполнува и руската и српската анти-ЕУ агенда. Единствено ним им одговара Македонија да остане надвор од ЕУ, како тампон-зона. Ова лично му одговара и на Мицкоски, бидејќи со ЕУ доаѓа и европското обвинителство, а тогаш некој ќе мора да одговара за криминал и корупција.

Владата и Мицкоски немаат ниту еден резултат. Економија, земјоделство, образование, здравство, дипломатија - ЕУ процесот. Ништо.

Вучиќ најави избори. Мицкоски мора да ги распише изборите во исто време со него. Не може да чека тој да изгуби како и другиот негов ментор Орбан, кој целосно ја изгуби власта.

Мицкоски, покрај 40 проценти орбанови медиуми, воведува тешка српска медиумска артилерија преку АЛО групата и лиценцата на Euronews.

Кампањата е заснована на поделби по моделот на Ванчо Михајлов.

Повеќе не можат да ги користат Бугарите во кампања како минатиот пат, бидејќи се компромитираа - цело ВМРО и нивните семејства не само што имаат бугарски државјанства, туку и фирми.

Потребен е нов измислен противник. Ќе го најдат, ќе го измислат кај Албанците.

Веќе видено сценарио - тоа не е потребно само за националистичката кампања на ВМРО во Македонија, туку и за менторот Вучиќ.

Затоа Стоилковиќ деновиве е во Србија на договори со СНС.

На Мицкоски му треба алиби - ќе го добие од српските и руските служби, преку своите сателити во Македонија.

Народе, гледајте го сценариото во режија на Александар Вучиќ. Мицкоски е само главната улога.

СДСМ нема да учествува во оваа игра. Нема да бидеме алиби. Граѓаните заслужуваат вистина, а не режирана претстава.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Цветаноски: Македонија со највисока стапка на западнонилска треска во Европа– тотална неспособност на Клековски и Мицкоски

Две здравствени кризи. Со водата во Гостивар, труењето на 5.000 луѓе и новата криза со епидемија од западно-нилската.

Цветаноски: Македонија со највисока стапка на западнонилска треска во Европа– тотална неспособност на Клековски и Мицкоски

Заедничко и за двете кризи е дека власта на Мицкоски задоцнето реагира.

Нема капацитет да превенира и да го заштити здравјето на граѓаните, туку реагира дури откако кризата ќе ескалира.

И наместо работа и Мицкоски и Клековски си заминаа на екскурзија, на одмор, среде кризи.

За Гостивар се уште никој нема објавено документ, го нема целиот извештај за водата.

Нема кој одобрил, кој потпишал.

Нема ниту одговорен, никој од власта не одговара за пропустите, заедоцнетите реакции на здравствените институции.

Кризата со западно нилската треска исто така.

Повторно задоцнети реакции, пропусти, нема одговорност. Дури и со прскање на комарци закаснија.

Резултатот е Македонија е земја во Европа со најмногу случаи по глава на жител.

Според податоците од Европскиот центар за спречување и контрола на болести (ECDC) стапка на инциденца (случаи по глава на жител) од западнонилска треска е највисока во Македонија.

Досега има пет жртви. Во моментов се хоспитализирани 21 лице.

Во критична состојба се наоѓаат уште четири лица. Меѓу хоспитализираните има и едно помладо лице на 25-годишна возраст.

Речиси секојдневно се примаат нови болни.

Справување со епидемија не е прскање против комарци и прес-конференција. Мора да има силен системски одговор со сет на мерки и активности.

Тоа досега не го видовме. Власта не успева да се справи со кризата.

Видовме тотален распад, институционален колапс и неспособност.

Клековски ги затвора базените кои Мицкоски ги отвораше, пред некој ден изјави дека вазните на гробиштата се проблем за комарците.

Граѓаните се прашуваат знае ли Клековски што зборува, знае ли што прави?

Тотален распад, неспособност.

СДСМ бара повторно: Формирање Национален оперативен штаб со јасна одговорност,

Национална GIS карта на епидемијата и ризикот.

Интензивен ентомолошки надзор, тестирање на комарци за западно-нилски вирус.

Мапирање и уништување на местата за размножување, интегрирана контрола на векторите, јавен дневен извештај за состојбата и проценка на ризикот во цела држава.

Доста беа импровизации, за здравјето на луѓето се работи.

YouTube video

Прес конференција на СДСМ, Симона Цветаноски – членка на Извршниот одбор

Тагови: Симона Цветаноски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер