МЗ: До 16 часот шест нови случаи со коронавирус, меѓу нив и четиригодишно девојче заразено во градинка во Англија

Министерството за здравство соопшти дека до 16 часот дијагностицирани се шест нови пациенти, заболени со коронавирус, со што вкупниот број заразени изнесува 48.

– Се работи за едно четиригодишно девојче од Штип, кое се инфицирало во градинка во Англија. Семејството се вратило во земјата на 14 март и било во домашна излоација. На тестирање се јавиле вчера, два дена откако девојчето ги почуствувало првите симптоми. Во Дебар се регистрирани три нови случаи на коронавирус, тестовите се направени во рамките на скринингот. Во Скопје е регистриран еден случај, контакт на претходно дијагностицираните. И во Гостивар е потврден случај на коронавирус. Се работи за жена вратена од Швајцарија која била во домашна изолација. На тестирање се јавила сама, а на епидемиолошката анкета навела дека имала контакт со заболен во Швајцарија, стои во сооштението.

Од Министерството посочуваат дека во моментов се тестираат 35 лица, за кои ќе информираат веднаш по добивање на резултатите.

Левица: СДС и ДУИ се единствен фактор на дестабилизација

Граѓаните вечерва беа сведоци на уште едно насилничко сценарио на пробугарската СДС и терористичката ДУИ, кога група кај Мавровка се обиде да ги каменува мирните демонстранти. 

Дел од лицата очигледно имаа намера да пукаат кон групата, а веќе во јавноста излегоа слики дека се работи за лица кои се партиски активисти на власта.

Јасно е дека се работи за смислено сценарио на власта во пад, со оглед на фактот дека пред неколку дена министерот Бујар Османи најави дека одбивање на предлогот ќе предизвика меѓуетнички тензии.

Фактот што народот се обедини како никогаш досега против таканаречениот француски предлог, доведе да СДС и ДУИ прибегнат кон нивните познати тактики на сценирани конфликти.

Тоа што министерот Оливер Спасовски постојано најавува дека има информации за тензии, наместо да преземе активности за да ги превенира истите - само потврдува дека хибридниот режим не избира методи за да ја спаси власта.

Денес бевме сведоци дека и покрај исценираните настани од вчера, илјадниците кои излегоа на протест не подлегнаа на провокациите кај Мавровка и продолжија да маршираат.

Единствени генератори на криза, поделба и меѓуетнички тензии се врховистичката СДС и амнестираната ДУИ.

Едно е јасно, народот излегува секој ден помасовно да протестира против распродавањето на АСНОМ-ските вредноста од една генерација на купени и уценети политичари.

Народот доаѓа по своето и нема сила која може да го сопре.

Политичка партија Левица

Во Израел се зголемува бројот на пациенти кои по третпат се заразени со Ковид-19

Министерството за здравство на Израел денеска соопшти дека се зголемува бројот на луѓето кои по третпат се заразени со Ковид-19 и дека се очекува тоа да продолжи.

До декември 2021 година, само 12 лица се заразиле со коронавирусот по третпат, а до крајот на јуни оваа година тој број достигна 992, јавија израелските медиуми.

Здравствените експерти сметаат дека една од главните причини за третата инфекција е фактот што повеќето Израелци повеќе не се грижат дали ќе се заразат и не носат маски.

„Вакцината се уште обезбедува добра заштита, но кај ризичната популација, вакцинацијата и закрепнувањето од болеста не обезбедуваат 100 процентна заштита“, рече Илана Ганс, раководителка на одделот за јавни здравствени услуги во Министерството.

Во првите бранови, односот кон Ковид-19 беше како кон повеќето заразни болести и се сметаше дека лицето кое закрепна е речиси целосно заштитено од инфекција и секако од сериозна болест, објасни таа.

Во сегашниот бран, 10 до 15 проценти од потврдените случаи се повторно забиолени, а бројот на заболени по третпат се зголемува. /МИА

МВР: Приведено лицето кое Мицкоски го посочува дека се обидело да го убие

Лицето кое лидерот на ВМРО-ДПМНЕ Христијан Мицкоски го посочува дека се обидело да го убие е приведено во полициска станица, потврдија од МВР за Канал 5.

Од Министерството за внатрешни работи велат дека засега немаат дополнителни информации за случајот.

Мицкоски на Фејсбук вечерва објави фотографија на која се гледаат неколку лица, посочувајќи дека едниот од нив требало да го убие.

– Ова е човекот кој требаше да ме убие вечерва. Барам итно да биде приведен од Спасовски и МВР, наведе Мицкоски во објавата.

притисни ентер