МВР следната недела до ОЈО ГОКК ќе го достави извештајот од анализираните податоци од компјутерската опрема - Канал 5

Македонија

МВР следната недела до ОЈО ГОКК ќе го достави извештајот од анализираните податоци од компјутерската опрема

Следната недела Министерството за внатрешни работи до ОЈО ГОКК ќе ги достави извештаите од анализираните податоци од комјутерската опрема во кабинетот на претседателката Гордана Сиљановска Давкова. 

МВР следната недела до ОЈО ГОКК ќе го достави извештајот од анализираните податоци од компјутерската опрема

Обвинителството пред неколку дена соопшти дека отворило истрага поради сомнежи за шпионажа во претседателскиот кабинет лани во декември но и дека иако пред два месеци доставило наредби, од МВР досега не добиле никакво известување за резултатите од преземените дејствија. Министерот Панче Тошковски во интервју за 360 Степени вели дека е изненаден од начинот на кој Обвинителството споделило информации за предистрагата со јавноста но и дека според него целта е да се изврши притисок врз Министерството.

-Во текот на наредната недела, согласно информациите што ги имам, ќе биде постапено онака како што треба, со анализа на сите потребни документи што ги има Министерството за внатрешни работи и ќе биде доставено известување до јавното обвинителство. И тоа ќе се случеше и без оваа тема да биде отворена во јавноста и без да се отворат одредени шпекулации во јавноста и без да се спроведува оваа стратегија на напад на Министерството за внатрешни работи од орган што добар континуитет наназад има два-три посто рејтинг. Сакајќи да се префрли тежината на непостапување, запирање на постапки,- изјави – Панче Тошковски – Министер за внатрешни работи (Интервју за 360 Степени).

Од Обвинителството денеска нема нови детали околу предистрагата за овој случај. Претседателката Сиљановска Давкова пак во ТВ гостување од петокот ја отфрли можноста од нејзиниот кабинет да се извлекувале доверливи податоци. Таа вели дека сите дописи што ги добива од НАТО, Агенцијата за национална безбедност, Агенцијата за разузнавање и од Генералштабот се во печатена форма и оти никој освен неа ги нема видено.

До ОЈО ГООК пристигнала и пријава потпишана од „група вработени во МВР“, со која под сомнение е ИТ администратор од Кабинетот на Сиљановска, кој наводно копирал и складирал доверливи податоци а бил поврзан со странски разузнавачки служби.

Дел од медиумите објавија дека осомничениот бил пензионер кој порано бил припадник на специјалната единица волци. Бил преземен од кабинетот за време на поранешниот претседател Ѓорѓе Иванов а истата фукција ја вршел и за време на претседателскиот мандат на Стево Пендаровски.

Тагови: Панче Тошковски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Огромни пожари и натаму беснеат во Франција и Шпанија, огнот се приближува до Мадрид (ВИДЕО)

Големи пожари продолжуваат да се шират во Шпанија и Франција, а властите предупредуваат дека ситуацијата останува многу сериозна. 

Огромни пожари и натаму беснеат во Франција и Шпанија, огнот се приближува до Мадрид (ВИДЕО)

Едно лице загина во пожар, кој сега е под контрола, во близина на Валенсија во источна Шпанија.

Во Шпанија, најкритичните области се Мадрид, Авила и Толедо, каде што пожарите сè уште не се под контрола и зависат од временските услови. Пожарот продолжува да се шири кон Мадрид.

Во Франција, пожарот во Жиронда се приближува кон областа Бордо, досега уништи околу 42.000 хектари, автопатот А63 кон Шпанија е затворен, а 220.000 луѓе се евакуирани.

Германија испраќа помош во Франција

Германскиот канцелар Фридрих Мерц објави дека Германија испраќа авиони и служби за итни случаи за да ѝ помогне на Франција во борбата против големите пожари на југозападот од земјата.

„Во близок контакт сум со Емануел Макрон. Испраќаме помош до областите погодени од пожарите во Франција за да ги поддржиме нашите соседи. Хеликоптер, авион А400 и служби за итни случаи се на пат“, напиша Мерц на X.

„Ви благодарам многу, Германија“, одговори Макрон на германски јазик.

Градоначалник на Сестас: Не можеме да кажеме кога луѓето ќе можат да се вратат

Градоначалникот на Сестас, Жером Стеф, изјави за BFMTV дека градот, кој се наоѓа југозападно од Бордо, е „за среќа напуштен“. „Имаме неколку луѓе кои не сакаа да ги евакуираат своите куќи. Секако, водиме список на нив во соработка со префектурата“, рече Стеф.

Сестас има околу 17.000 жители и се наоѓа на југозапад од метрополитенската област Бордо.

„Овој пожар е непредвидлив и секој пат кога мислиме дека сме добиле една битка, за жал нè изненадува на најлош можен начин. Затоа денес, за жал, не можеме да објавиме никаков датум за враќање“, рече градоначалникот.

„Денес е невозможно да се каже каде ќе престане пожарот“, додаде тој.

Следните часови се клучни за контролирање на пожарот во близина на Мадрид

Следните неколку часа ќе бидат клучни за ставање на пожарот под контрола, соопштија шпанските власти.

„Ќе вложиме многу голем напор за да ги заштитиме различните згради, куќи и населби во оваа област, каде што работиме сите овие часови“, рече Франциско Мартин Агире, претставник на шпанската влада во Автономната заедница Мадрид.

Зборувајќи во командниот центар во Навалкарнер, тој нагласи дека работата што треба да се изврши во наредните часови ќе биде клучна.

Пожар се заканува на областа околу Бордо

Француските власти предупредуваат дека пожарот повторно се разгорел и им се заканува на населбите околу Бордо. Пожарникарите се борат со ветерот, сувата вегетација и опасноста од ширење на пожарот во текот на денот.

Поради пожарот, автопатот А63 помеѓу Бордо и Шпанија беше затворен за 60 километри, објави префектурата Жиронда. Овој пат е една од клучните врски помеѓу југозападна Франција и Шпанија.

Пожарот во близина на Бордо уништи 42.000 хектари

Голем пожар во француската покраина Жиронда продолжува да се шири кон областа Бордо. Според проценката од префектурата Жиронда од 4 часот наутро, пожарот досега опустошил околу 42.000 хектари.

Во текот на ноќта, евакуирани се нови места јужно и источно од заливот Аркашон и во близина на Бордо. Меѓу нив се Маршприм, Ле Барп, Биганос, Миос и Сестас. Според новите податоци, вкупно 220.000 луѓе се евакуирани во Жиронда.

Тагови: Франција Шпанија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: СДС му излегува во пресрет на ДУИ и Таравари и не бара одговорност од Валбон Лимани кој е таму благодарение на нив

СДС, како и секогаш, така и сега одлучи кризата во Гостивар да ја претвори во игранка за да си собери некој поен плус.

ВМРО-ДПМНЕ: СДС му излегува во пресрет на ДУИ и Таравари и не бара одговорност од Валбон Лимани кој е таму благодарение на нив

Но, никако од СДС да слушнеме да побараат одговорност од градоначалникот на Гостивар, Валбон Лимани, кој не се чувствувал виновен за тоа што здрацвјето на граѓаните е загрозено.

Веројатно од СДС се подготвени да измислат се и сешто, освен да го направат вистинскиот чекор и да побараат одговорност, и подготвени се на секое решение да му најдат проблем.

Инаку, гостиварчани секојдневно добиваат 60 тони вода од страна на СОЗР, а има и приведени од страна на надлежните и се работи на обезбедување докази кои ќе бидат доставени до обвинителството.

Моментот не е СДС да се истакне колку бесмислици може да измисли, и да се докажуваат и да го користат токму овој период, за да добијат политички поени. Пак во коалиција со ДУИ и Таравари, го штитат нивниот кадар.

Затоа што ако не беше нивни кадар, упте веднаш ќе побараа одговорност, уште веднаш ќе го преполнеа медиумскиот простор со прес-конференции и изјави со спинувани и непрецизни информации. Но, потребата на СДС да дојде, на власт е толку голема што повторно и во опозиција му излегува во пресрет на ДУИ и Таравари и го заобиколува Валбон Лимани, а во јавноста пласира теми кои немаат никаква поврзаност со актуелната состојба во државата и кризата во Гостивар.

СДС, ДУИ и Таравари, се коалиција во опозиција, која се обидува од сите кризи да шири паника кај граѓаните, и опозиција која освен власт не сака ништо друго и воопшто не е заинтересирана за граѓаните и она со кое што тие се соочуваат токму поради нив, во овој конкретен случај во Гостивар, од локалната власт, предводена токму од нив, се наведува во партиксото соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Во Гостивар уште 4.000 пациенти а ВМРО-ОКГ вели дека СДСМ шири дезинформации

ВМРО-ОКГ деновиве тврди дека СДСМ шири дезинформации и паника за водата.

СДСМ: Во Гостивар уште 4.000 пациенти а ВМРО-ОКГ вели дека СДСМ шири дезинформации

Во Гостивар ситуацијата е катастрофална.

За само неколку денови има речиси 4.000 пациенти. Болницата е преполна.

Водата сè уште не е безбедна ниту за техничка употреба.

Ова е „дезинформација“?

Додека граѓаните стојат во редови за флаширана вода и полнат болнички ходници, ВМРО-ОКГ се занимава со обвинувања за паника.

Реалноста е јасна:

Илјадници заболени.

Вода што не смее да се користи ниту за миење.

А тие сè уште зборуваат за „дезинформации“.

Граѓаните во Гостивар не паничат. Тие се разболеа затоа што „црвените светла“ на Мицкоски и Клековски се вклучија предоцна, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер