МВР: Пријави за семејно насилство во повеќе градови – шест лица лишени од слобода, со две лица извршен службен разговор - Канал 5

Македонија

МВР: Пријави за семејно насилство во повеќе градови – шест лица лишени од слобода, со две лица извршен службен разговор

 На подрачјето на државата во последните два дена се евидентирани вкупно 11 пријави за семејно насилство, при што шест лица се лишени од слобода, а со две лица е извршен службен разговор.

МВР: Пријави за семејно насилство во повеќе градови – шест лица лишени од слобода, со две лица извршен службен разговор

Како што соопшти МВР, на 14.03.2026 година во 02.00 часот, полициски службеници од СВР Куманово го лишиле од слобода О.И.(39) од Република Србија со место на живеење во Куманово, затоа што физички ја нападнал неговата 31-годишна сопруга и и се заканувал со остар предмет. Тој бил приведен во полициска станица и по целосно документирање на случајот против него ќе следува соодветна пријава.

-На 14.03.2026 година во 01.05 часот, во СВР Охрид лишени од слобода се Т.Ѓ.(51) и неговата невенчана сопруга М.Х.(47), двајцата од Охрид. Во нивниот семеен дом се случила вербална расправија со повремени меѓусебни физички напади, по што М.Х. физички ја нападнала Б.Ѓ.(73) од Охрид. По целосно документирање на настанот, СВР Охрид ќе поднесе соодветни пријави, стои во соопштението.

Исто така, на 12.03.2026 година во 20.00 часот, во СВР Охрид е пријавено дека К.В.(38) од Охрид, во семејниот дом бил агресивен кон членовите на семејството, расфрлал предмети и скршил стакло од вратата, при што се здобил со повреди. По целосно документирање на настанот против него ќе биде поднесена соодветна пријава.

На 13.03.2026 година во 14.10 часот, полициски службеници од ОВР Гостивар го лишиле од слобода Г.П.(64) од Гостивар, постапувајќи по претходна пријава од неговата 60-годишна сопруга дека агресивно се однесувал и и упатувал закани по животот. По целосно документирање на случајот ќе следува соодветна пријава.

-На 13.03.2026 година во 21.37 часот во СВР Скопје, 32-годишна жена пријавила дека во домот на подрачјето на Кисела Вода била физички нападната од нејзиниот вонбрачен партнер Д.Б., со кого биле разделени, при што ѝ бил оштетен и мобилниот телефон. Се преземаат мерки за расчистување на случајот.

На 14.03.2026 година во 03.20 часот, на подрачјето на општина Аеродром во Скопје, полициски службеници од СВР Скопје го лишиле од слобода К.Н.(19) од Скопје, по претходна пријава од неговата 44-годишна мајка дека на 13.03.2026 година во домот и упатувал закани. По целосно документирање на случајот ќе следува соодветен поднесок, наведуваат од МВР.

На 14.03.2026 година во 02.30 часот во СВР Скопје, 49-годишна жена пријавила дека на 13.03.2026 година во автомеханичарски сервис во нејзиното возило бил пронајден уред за следење, при што посочила дека најверојатно го поставил нејзиниот сопруг А.С., со кого биле во бракоразводна постапка. Се преземаат мерки за расчистување на случајот.

-На 13.03.2026 година во 14.30 часот во Велес, полициски службеници од СВР Велес лишиле од слобода 44-годишен велешанец, постапувајќи по претходна пријава дека во домот физички ја нападнал неговата 45-годишна партнерка. При преземање мерки кај него биле измерени 0,55 промили алкохол во крвта. Тој бил приведен во полициска станица, за случајот биле известени јавен обвинител и Центарот за социјални работи, а по документирање на настанот против него ќе биде поднесена соодветна пријава, додаваат од МВР.

На 13.03.2026 година во 15.30 часот во СВР Скопје, 41-годишна жена пријавила дека во здравствена установа на подрачјето на Центар, нејзиниот поранешен сопруг И.П.(43) од Скопје се обидел физички да ја нападне. Се преземаат мерки за расчистување на случајот.

На 13.03.2026 година во 23.00 часот во Полициската станица Кисела Вода, полициски службеници од СВР Скопје извршиле службен разговор со Д.Г.(67) од Скопје, по претходна пријава од неговата 61-годишна сопруга, со која биле во бракоразводна постапка, дека ја малтретирал и и упатувал закани. По целосно документирање на случајот ќе следува соодветен поднесок.

Истиот ден во 21.00 часот во Полициската станица Кисела Вода, полициски службеници извршиле службен разговор и со Д.Ј.(61) од скопско, по претходна пријава од неговата 85-годишна мајка дека ја малтретирал и и упатувал закани. По целосно документирање ќе следува соодветен поднесок, се додава во соопштението на МВР.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Израелскиот министер Кац во судир со воениот врв

 Израелскиот министер за одбрана Израел Кац го разреши командантот на Централната команда на Израелските одбранбени сили (ИДФ), генералот Ави Балут.

Израелскиот министер Кац во судир со воениот врв

Промената уследи по спорот предизвикан од одлуката на тој офицер да изрече административна мерка против израелски доселеник осомничен за напади врз Палестинци, пишува денеска израелскиот весник „Марив“, повикувајќи се на извори кои ја оцениле одлуката како политички мотивирана, бидејќи Балут наводно не ја спровел политиката на Кац.

Весникот наведува дека конфликтот меѓу военото раководство и министерот за одбрана бил предизвикан од одлуката на Балут – кој е надлежен за окупираниот Западен Брег – да спроведе административна мерка против доселеници обвинети за насилство врз Палестинци.

Кац ја објави одлуката за замена на Балут во телевизиска емисија на „Канал 14“, наведувајќи дека на негово место ќе биде назначен Дадо Бар Калифа. Според весникот „Марив“, овој потег предизвикал незадоволство во израелската армија, каде што дел од офицерите сметаат дека одлуката е политички мотивирана.

Началникoт на Генералштабот на ИДФ, генерал Ејал Замир, изјави дека одлуката на Кац не е во согласност со неговите планови и дека тој нема намера да врши промени на командантите на клучни позиции во овој период. „Марив“, повикувајќи се на воени извори, наведува дека ниту Балут, ниту неговиот наследник не биле однапред информирани за одлуката на министерот, туку за неа дознале дури по јавното соопштување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Коло Муани во Јувентус

 Италијанскиот фудбалски гигант Јувентус објави дека постигнал договор за ангажман на францускиот напаѓач Рандал Коло Муани (27) од ПСЖ.

Коло Муани во Јувентус

Тој потпиша договор со важност до летото 2031 година. Обесштетувањето изнесува 38 милиони евра. Со тоа, Коло Муани се враќа во клубот каде што помина половина сезона како позајмен играч во текот на пролетта 2025 година.

Во тој период, тој постигна 10 гола на 22 натпревари за Јувентус. Претходната сезона ја мина на позајмица од ПСЖ во англискиот клуб Тотенхем.

Тагови: Јувентус

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Велс прв официјално ја повлече поддршката за Инфантино

Фудбалскиот сојуз на Велс стана првиот сојуз што официјално ја повлече својата поддршка за реизборот на Џани Инфантино за претседател на Меѓународната фудбалска федерација (ФИФА) за мандатот до 2027 година.

Велс прв официјално ја повлече поддршката за Инфантино

Се известува дека Велс испратил писмо до ФИФА во кое се наведува дека ја изгубиле довербата во Инфантино и неговото раководство по обидот за продажба на натпреварувањето што се одвива под покровителство на ФИФА.

„Неодамнешните неуспеси во областите на доброто управување, лидерството, вредностите, односите со засегнатите страни, комуникацијата и разумното одлучување нè доведоа до ситуација во која Инфантино ја изгуби довербата на Фудбалскиот сојуз на Велс за да остане на чело на светскиот фудбал“, се наведува во соопштението на Фудбалскиот сојуз на Велс.

Се нагласува дека тоа што интересите на фудбалот не се ставени на прво место претставува пропуст што не може да се прифати.

„Скај“ наведува дека соопштението на Фудбалскиот сојуз на Велс е дел од координирани активности на Европската фудбалска унија (УЕФА), која претходно побара одговорност поради обидот за продажба на Светското првенство. Во саботата, УЕФА упати критики за „тајните планови што се спроведуваат со забрзано темпо, осмислени од анонимни поединци и чија корист за самиот спорт е сомнителна“, и најави дека работи на план „за да се осигури дека вакво нешто нема да се повтори“, при што не исклучи ниту една опција. Се очекува и други фудбалски сојузи да го следат примерот на Велс и да го засилат притисокот врз Инфантино да се повлече, без потреба од иницирање гласање за недоверба. Инфантино, кој е на чело на ФИФА во изминатите 10 години и планира повторно да се кандидира, добил повеќе од 200 писма за поддршка од членките на ФИФА – вклучително и од 52 од вкупно 55-те што ја сочинуваат УЕФА.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер