Македонија

МВР: Лишени од слобода пет лица поради сторени кривични дела за поткуп

Вчера (06.11.2025) во попладневните часови полициски службеници лишија од слобода пет лица поради постоење на основано сомнение дека првоосомничениот Џ.Ф.(77) сторил продолжено кривично дело „давање поткуп“.

Вчера (06.11.2025) во попладневните часови полициски службеници од Одделот за сузбивање на организиран и сериозен криминал при МВР под раководство на јавен обвинител од ОЈО ГОКК и истражителите од Истражниот центар на ОЈО ГОКК лишија од слобода пет лица поради постоење на основано сомнение дека првоосомничениот Џ.Н.(77) сторил продолжено кривично дело „давање поткуп“ и кривично дело „давање награда за противзаконито влијание“, додека три лица А.Ф.(44), Ј.К.(35) и И.С.(57) како посредници сториле кривично дело „примање награда за противзаконито влијание“, а Ф.Ф.(47) сторил продолжено кривично дело „примање поткуп“.

Првоосомничениот - управител на правно лице, од крајот на февруари годинава до вчера, искористувајќи ист траен однос и исти прилики, во повеќе наврати, директно и преку посредници му ветил подарок - парични средства од значителна вредност на директорот на Агенција за финансиска поддршка во земјоделството и рурален развој на РСМ. Останатите тројца осомничени од кои еден даночен референт во УЈП РД Скопје и еден државен службеник вработен во Министерство за земјоделство шумарство и водостопанство, искористувајки го своето реално влијание и службената положба побарале и го поттикнале директорот на агенцијата да изврши службено дејствие што не смеел да го изврши. Имено, иако правното лице на првоосомничениот не ги исполнувало условите предвидени во Јавниот повик бр.01/24 за доставување на барања за користење на средства од ИПАРД Програмата за мерка 3, директорот по применото ветување за подарок од значителна вредност во износ од 50 000 евра, во текот на вчерашниот ден потпишал договор за користење на финансиски средства со правното лице и притоа примил дел од паричните средства во износ од 400 евра кои при претрес се пронајдени и одземени.

При извршени претреси на други локации пронајдени се парични средства во значителна вредност.

Јавно обвинителство

Вчера во попладневните часови под раководство на јавен обвинител од ОЈО ГОКК, истражителите од Истражниот центар на ОЈО ГОКК и полициски службеници од ОСОСК реализираа акција во која беа лишени од слобода пет лица. Поради постоење на основано сомнение дека првосомничениот сторил продолжено кривично дело Давање поткуп и кривично дело Давање награда за противзаконито влијание, додека три лица како посредници сториле кривично дело Примање награда за противзаконито влијание, а едно лице сторило продолжено кривично дело Примање поткуп, јавниот обвинител донесе Наредба за спроведување на истражна постапка против сите осомничени.

Првоосомничениот – управител на правно лице, од крајот на февруари годинава до вчера, искористувајќи ист траен однос и исти прилики, во повеќе наврати, директно и преку посредници му ветил подарок – парични средства од значителна вредност на директорот на Агенција за финансиска поддршка во земјоделството и рурален развој на РСМ. Останатите тројца осомничени од кои еден даночен референт во УЈП РД Скопје и еден државен службеник вработен во Министерство за земјоделство шумарство и водостопанство, искористувајки го своето реално влијание и службената положба побарале и го потикнаале директорот на агенцијата да изврши службено дејствие што не смеел да го изврши. Имено, иако правното лице на првоосомничениот не ги исполнувало условите предвидени во Јавниот повик бр.01/24 за доставување на барања за користење на средства од ИПАРД Програмата за мерка 3, директорот по применото ветување за подарок од значителна вредност во износ од 50 000 евра, во текот на вчерашниот ден потпишал договор за користење на финансиски средства со правното лице и притоа примил дел од паричните средства во износ од 400 евра кои при претрес се пронајдени и одземени.

Ценејќи дека се исполнети условите за определување на мерка притвор, јавниот обвинител му предложи на судијата на претходна постапка при Основниот кривичен суд Скопје истата со Решение да ја определи за сите осомничени.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Муцунски: Дигиталната трансформација, иновациите и ИКТ секторот треба да станат посилен дел од економската агенда со Грција

Во своето обраќање, министерот Муцунски истакна дека форумот претставува уште еден важен чекор во градењето на ново поглавје на соработка меѓу двете земји, засновано не само на политички дијалог, туку и на економски раст, иновации и заедничка конкур

Министерот за надворешни работи и надворешна трговија, Тимчо Муцунски, денеска присуствуваше и се обрати на Бизнис форумот на информатичко-комуникациски компании, во организација на Стопанската комора за информатички и комуникациски технологии – МАСИТ и Здружението на информатички компании на Грција (СЕТПЕ), што се одржа во Скопје.

Во своето обраќање, министерот Муцунски истакна дека форумот претставува уште еден важен чекор во градењето на ново поглавје на соработка меѓу двете земји, засновано не само на политички дијалог, туку и на економски раст, иновации и заедничка конкурентност.

„Интегрирањето на надворешната трговија во портфолиото на Министерството за надворешни работи и надворешна трговија не беше само административна промена. Тоа беше политичка порака. Порака дека нашата дипломатија мора да испорачува повеќе трговија, повеќе инвестиции, поголем пристап до пазари и повеќе конкретни можности за нашите компании“, истакна Муцунски.

Осврнувајќи се на потенцијалот на домашниот ИКТ сектор, министерот нагласи дека тој претставува еден од најдобрите примери за тоа што може да постигне државата кога талентот, претприемништвото и меѓународните пазари се обединети.

„Нашата земја располага со силен потенцијал во ИКТ секторот. Имаме високо квалификувани професионалци, динамични компании, конкурентни деловни услови и млада генерација која е амбициозна, креативна и глобално поврзана“, рече министерот.

Тој посочи дека со придонес од речиси 5 проценти во БДП и годишни приходи од приближно 1,65 милијарди евра, ИКТ секторот претставува еден од клучните столбови на македонската економија.

„Но, ние не го гледаме тоа само како економска статистика. Ние го гледаме како национална можност. Можност младите луѓе да останат дома. Можност да привлечеме сериозни инвестиции. Можност да ги поврземе нашите компании со европските и глобалните синџири на вредност.

Можност да ја позиционираме Македонија како регионален центар за дигитални услуги и иновации“, нагласи Муцунски.

Воедно, министерот истакна дека следната фаза од економската соработка меѓу Македонија и Грција треба да биде поамбициозна, поиновативна и повеќе насочена кон иднината.

„Енергетиката, инфраструктурата и трговијата ќе останат важни. Но, дигиталната трансформација, ИКТ, иновациите, вештачката интелигенција, сајбер-безбедноста, финтек решенијата и соработката меѓу стартапите треба да станат посилен дел од нашата билатерална економска агенда“, истакна тој.

Осврнувајќи се на европската перспектива на државата, Муцунски нагласи дека европската интеграција не е само политички процес, туку и економска трансформација што носи подобри стандарди, посилни институции, попредвидливи правила, поголема конкурентност и поширок пазар за компаниите.

На крајот од своето обраќање, министерот потенцираше дека токму бизнис-заедницата е двигател на економскиот развој.

„Владите можат да ја создадат рамката. Институциите можат да ги отворат вратите. Но компаниите, претприемачите, инженерите, иноваторите и инвеститорите се тие што создаваат вистинска економска вредност“, порача Муцунски.

Македонија

Нов дом за желките Sulcata во Скопје ЗОО: Инвестиција на Flex Credit за поубаво искуство на најмладите

Во согласност со својата општествено одговорна платформа „Повеќе од финансии – поддршка за заедницата“, Flex Credit продолжува да инвестира во проекти кои создаваат трајна вредност за локалната заедница.

По повод големиот јубилеј „100 години Скопје ЗОО“, Зоолошката градина во Скопје доби ново катче – комплетно изградена и опремена куќичка за желки (Centrochelys sulcata). Проектот е реализиран на директно барање на Зоолошката градина, а финансиран и самостојно изграден од страна на финансиското друштво Flex Credit, како дел од нивната долгорочна стратегија за општествена одговорност.

Оваа нова инфраструктура, е дизајнирана да ги подобри условите за живот на животните, но и да стане составен дел од редовната едукативна и забавна програма на Скопје ЗОО. Со ова, посетителите – особено најмладите, ќе добијат можност одблиску да се запознаат со желките во средина која ги исполнува сите современи стандарди.

За менаџментот на Flex Credit, овој проект е потврда дека вистинската грижа за заедницата се мери преку видливи и одржливи дела.

„Овој значаен јубилеј на Зоолошката градина нè потсетува колку е важно да ги негуваме и поддржуваме местата што имаат непроценлива вредност за сите генерации скопјани. Токму затоа, со огромно задоволство одговоривме на барањето на ЗОО Скопје. Нашата цел со оваа инвестиција е директно да придонесеме во подобрување на условите, да го поддржиме развојот на институцијата и да создадеме поубаво и поедукативно искуство за сите посетители – особено за децата. Затоа што за Flex Credit, општествената одговорност никогаш не била само зборови, туку конкретна акција на терен,“ изјави Тина Трпковска, Маркетинг директор на Flex Credit.

Новата куќичка за желки од денеска е официјално отворена за сите посетители, збогатувајќи ја содржината на Скопје ЗОО во годината на нејзиниот голем јубилеј.

Живот

Ракопис за кралот Артур и волшебникот Мерлин ќе биде понуден на аукција

Средновековен ракопис што претставува рана верзија на приказните за кралот Артур и волшебникот Мерлин, кој е во приватни колекции околу 700 години, ќе биде понуден на аукција ова лето, објави CNN.

Што го прави посебен? Еден од најраните ракописи за Артур напишан на старофранцуски, украсен со златни листови и илустрации. Беше во приватни колекции.

Илуминарниот ракопис, кој датира од 13-ти или 14-ти век, е еден од најраните документи што ја опишуваат легендата за кралот Артур и потрагата по Светиот Грал, и се очекува да достигне цена од 2,7 милиони долари.

Напишан помеѓу 1290 и 1310 година, ракописот, наречен Грал Клермон-Тонер, е најважниот дел од претстојната јулска аукција на вредни книги и ракописи на Кристи.

Томот содржи текст на старофранцуски јазик од серија позната како циклус Ланселот-Грал и се проценува дека ќе достигне цена помеѓу 2 и 2,7 милиони долари. Еугенио Донадони, директор на средновековни и ренесансни ракописи во Кристи, рече дека ракописот е напишан на пергамент и украсен со златни листови.

Ракописот содржи 126 раскошни илустрации на легендата што предизвика безброј книги, филмови и академски дебати, објавува Euronews.

Меѓу цртежите има некои што го прикажуваат волшебникот Мерлин како менува облици, додека други прикажуваат приказни за кралот Артур и неговите витези. Ракописот никогаш не бил јавно изложен или проучен детално.