Македонија

МВР апси учесници во нередите и затвора Фејсбук профили

Врз основа на направената идентификација од снимките добиени од медиумите, МВР соопшти дека во текот на вчерашната вечер и утринава, на службен разговор повикало десетина лица поврзани со инцидентите од минатиот викендво Скопје, како и од нередите на вчерашниот фудбалски натпревар во Битола.

За петмина од приведените постојатсомненија дека се инволвирани во петочните инциденти, додека останатитеучествувале во инцидентите кои се случија во саботата. Три од лицата се малолетници.

Во моментов, лицата се распоредени по полициски станици и со сите нив се разговара. По целосно документирање, во консултација со надлежниот Јавен обвинител, против сите за кои ќе има доволно докази ќе бидат процесуирани соодветни пријави.

Министерството продолжува да ги следи и повиците за повторно организирање на протести во петок и во сабота преку социјалните мрежи. Се работи на утврдување на лицата кои стојат зад профилите кои повикуваат на протести и насилство во рамки на групите отворени на Фејсбук. Неколку од групите каде се употребуваше говор на омраза и имаше повици на насилство веќе се затворени, а во тек е постапка за затварање и на останатите.

Во текот на вчерашниот ден, околу 16.00 часот, по завршувањето на фудбалскиот натпревар помеѓу Пелистер и Вардар, полицијата интервенираше поради поголемо нарушување на јавниот ред и мир кога дел од навивачите на домашниот тим започнаа да фрлаат камења кон полициските службеници. При полициската интервенција насилната група беше разбиена, а беа приведени осум лица од кои четири се малолетни. За време на каменувањето, четири полициски службеници се пожалиле на повреди здобиени од ударите.

Министерството за внатрешни работи апелира да надвладее разумот и да се престане со девијантно и насилничко однесување. Без разлика што никакви протести не се формално најавени, врз основа на оперативните сознанија и информации, полицијата ќе ги преземе сите неопходни мерки, а против сите кои би предизвикувале или би учествувале во какви било инциденти ќе следуваат најостри санкции. Граѓаните кои размислуваат да учествуваат во некакви протести не смее да дозволат да бидат изманипулирани и вовлечени во какви било сценарија бидејќи товарот на одговорноста ќе падне врз нивниот грб.

МВР ги повикува сите општествени чинители, вклучувајќи ги и медиумите и невладините организации, активно да се вклучат и да го дадат својот придонес за смирување на страстите.

Регион

Стано: Очекуваме новата Влада на Србија да работи на стратешката цел за членство на земјата во

 ЕУ со нетрпение очекува да соработува со новата српска Влада и очекува таа да испорачува резултати во однос на стратешките цели на Србија, изјави денеска портпаролот на Европската комисија за надворешни работи и безбедносна политика Петер Стано.

- Србија е земја кандидат за членство и го посочува пристапувањето во ЕУ како свој стратешки приоритет, па Европската Унија и земјите членки очекуваат тоа да го покаже и во пракса, нагласи Стано, запрашан за коментар за тоа што во новата српска Влада, како што беше посочено, се предложени двајца министри кои се наоѓаат на листата на лица кон кои ЕУ има воведено санкции.

Според Стано, Србија знае што се очекува од неа како земја кандидат за членство во ЕУ кога станува збор за исполнување на критериумите, особено за оние поврзани со надворешната политика и за усогласување на заедничката надворешна и безбедносна политика на Унијата.

Кога станува збор за конкретните лица, како што нагласи Стано, активностите и изјавите на предложениот вицепремиер Александар Вулин во минатото биле во спротивност со декларираните приоритети на Србија, кога станува збор за обврските поврзани со процесот на пристапување и односите со Русија.

- Членството во ЕУ е стратешки избор и очекуваме од Србија и нејзината Влада, независно во кој состав, да ја демонстрираат посветеноста на европскиот пат, во интерес на нејзиниот народ и на нејзиниот кредибилитет, бидејќи одлуката да се избере европската интеграција за стратешка цел беше донесена од српските власи. Затоа очекуваме од нив да испорачаат и секој член на Владата да работи на таа цел колку што може, додаде Стано. /МИА

Регион

Лидерот на Златна зора ќе излезе од затвор

Поранешниот лидер на сега непостоечката неонацистичка партија Златна зора Никос Михало-Љакос, кој беше осуден на 13-годишна затворска казна за водење криминална организација, ќе биде пуштен од затвор, пренесуваат грчките медиуми.

Судот во градот Ламиа донел одлука тој да биде ослободен, откако издржал три петтини од казната. Златна зора пред четири години беше прогласена за криминална организација обвинета за бројни насилства од омраза , а нејзиниот лидер и пет поранешните пратеници добија 13 години затворска казни. Михалољакос, според одлуката на судот, ќе има забрана да ја напушта поширокиот регион на атина и ќе треба еднаш месечно да се јавува во полициска станица, пишува Катимерини. Златна зора беше дел од парламентот во периодот од 2012 до 2019 година..

Свет

Полската полиција приведе 16-годишно момче за нападот со молотов коктел врз синагога

Полската полиција приведе 16-годишно момче осомничено дека фрлило молотов коктел врз историската синагога Ножик во Варшава, изјави денеска портпаролот на полицијата за весникот „Ржечпосполита“.

Мотивот зад вчерашното фрлање молотов коктел врз единствената синагога во Варшава што го преживеа нацистичкиот напад за време на Втората светска војна, остана нејасен. Осомничениот одбил да даде изјава.

„Срамотните антисемитски напади како овој не можат да се толерираат денес. Сторителите мора да бидат пронајдени и казнети, објави вчера на „Икс“, израелскиот амбасадор во Полска, Јаков Ливне.

Претседателот на Полска, Анджеј Дуда исто така го осуди фрлањето молотов коктел врз синагогата. „Нема место за антисемитизам во Полска! Нема место за омраза во Полска", напиша Дуда на „Икс“.

Синагогата од 1902 година, во центарот на градот на левиот брег на Висла, денеска е главната синагога во Варшава. /МИА

притисни ентер