Музички спот од 90-тите, инспирација за нов Ламборџини (ВИДЕО) - Канал 5

Музички спот од 90-тите, инспирација за нов Ламборџини (ВИДЕО)

Jamiroquai и видеото „Cosmic Girl“ беа инспирација за оваа интересна конверзија.

Музички спот од 90-тите, инспирација за нов Ламборџини (ВИДЕО)

Тјунинг куќата Novitec претстави нов пакет модификации за Lamborghini Revuelto, а инспирацијата ја пронајдоа на малку необично и делумно заборавено место. Инспирацијата за првата копија дојде од малку неочекуван извор, од музичкото видео за песната „Cosmic Girl“ од 1996 година.

Автомобилот е обоен во виолетова нијанса што потсетува на легендарниот Lamborghini Diablo SE30. Овој конкретен модел стана особено познат откако се појави во видеото за песната „Cosmic Girl“ од британскиот бенд Jamiroquai.

Аеродинамични додатоци од карбонски влакна

За разлика од некои други тјунинзи што го нагласуваат агресивниот дизајн, Novitec во овој случај избра релативно воздржан пристап. Аеродинамичните елементи го следат оригиналниот дизајн на автомобилот, вешто избегнувајќи го впечатокот за додатоци од пазарот.

Компонентите се направени од карбон со високосјајна завршница, а клиентите можат да нарачаат и верзија обоена во бојата на каросеријата.

Предниот дел доби редизајниран браник што дополнително ги нагласува отворите за воздух. Додадени се и нови декоративни елементи околу фаровите и преобликувана хауба со изразен централен гребен.

На страните има поостри прагови на вратите и капаци на ретровизорите изработени од јаглеродни влакна. Особено се забележуваат новите бандажи развиени во соработка со Vossen. Бандажите се достапни во три различни дизајни. Предните имаат дијаметар од 21 инч, додека задните се малку поголеми. Купувачите можат да изберат од дури 72 различни бои, заедно со три вида завршна обработка: мазна, четкана или полирана.

YouTube video

Novitec нуди и спортски пружини кои го спуштаат автомобилот за 25 милиметри, што дополнително го подобрува изгледот и возните карактеристики.

Промените се видливи и на задниот дел од автомобилот. Активното задно крило сега е поголемо и има интегриран мал спојлер кој го зголемува притисокот. Нов влез за воздух е инсталиран и на капакот на моторот, што помага за подобро ладење на погонскиот склоп.

YouTube video

Нов издувен систем со четири краја

Најлесен начин да ја препознаете верзијата на Novitec на овој супер автомобил е издувниот систем. Наместо стандардното решение, ова Ламборџини има четири издувни цевки. Централните цевки се малку поголеми од надворешните и се наоѓаат во специјално обликувано куќиште помеѓу задните светла.

Издушниот систем е достапен од не'рѓосувачки челик или лесен Inconel. Исто така, постои и опција позлатена со 999-каратно злато, што помага подобро да се распрсне топлината. Купувачите можат да изберат и активен систем за управување со звукот на издувните гасови со вентили што овозможуваат прилагодување на јачината и карактерот на звукот.

Нов издувен систем и спортски катализатори ја зголемуваат моќноста на 6,5-литарскиот V12 мотор. Трите електрични мотори во plug-in хибридниот систем остануваат непроменети, но помоќниот бензински мотор ја зголемува вкупната моќност на 1048 КС.

YouTube video

Цената не е објавена

Novitec не објави колку ќе чини надградбата. Сепак, пакетите за подесување за Revuelto се познати по многу високите цени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Таткото со години го малтретирал семејството, ќерката се обидела да си го одземе животот- изречени му се мерки

Основното јавно обвинителство Скопје поведе постапка против едно лице за кривично дело – Загрозување на сигурноста од член 144 став 3 во врска со став 2 и став 1 од Кривичниот законик.

Таткото со години го малтретирал семејството, ќерката се обидела да си го одземе животот- изречени му се мерки

Осомничениот 56-годишник подолг временски период психички и физички ја малтретирал сопругата и нивните две деца на возраст од 18 и 15 години. Иако постојано манифестирал агресивно однесување, домашните од страв не го пријавувале, се додека 15-годишната ќерка, не можејќи да ги издржи заканите, навредите и притисокот од таткото, се обидела да си го одземе животот.

Постапка е поведена и против 33-годишен скопјанец, кој при вршење семејно насилство телесно ја повредил сопругата. На 20 јуни, во возило ја влечел и се заканувал на жената, а во еден момент сакал да ја удри со стаклено шише. Оштетената во возење ја отворила вратата и скокнала од возилото, а осомничениот застанал и се обидел на сила пак да ја внесе внатре. На жената и нанел телесна повреда, што е казниво според член 130 став 2 во врска со став 1 од Кривичниот законик.

Во двата одвоени настани, јавниот обвинител до судијата на претходна постапка достави предлог за определување повеќе мерки на претпазливост кои вклучуваат: забрана на осомничените да го напуштаат живеалиштето, обврска да се јавуваат во судот, привремено одземање на патните исправи, забрана за приближување или воспоставување, односно одржување контакти или врски со оштетените и забрана за посетување на локациите каде тие се движат, соопшти Обвинителството.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Обвинителството бара притвор за педофил од Штип- нападнал девојче на патеката покрај Брегалница

Основното јавно обвинителство Штип донесе Наредба за спроведување истражна постапка против едно лице за кое постои основано сомнение дека извршило други полови дејствија врз 16-годишно девојче.

Обвинителството бара притвор за педофил од Штип- нападнал девојче на патеката покрај Брегалница

Основното јавно обвинителство Штип донесе Наредба за спроведување истражна постапка против едно лице за кое постои основано сомнение дека извршило други полови дејствија врз 16-годишно девојче, казниво според член 186 став 7 во врска со став 5 и став 1 од Кривичниот законик.

На 18 јуни, додека жртвата се движела по пешачката патека покрај реката Брегалница во Штип, осомничениот започнал да ја следи. Девојчето, чувствувајќи се непријатно, седнало на клупа, очекувајќи дека тој ќе продолжи да се движи. Но осомничениот седнал до неа и започнал да ја вознемирува и принудува на други полови дејствија. Оштетената исплашена го оттурнала од себе и избегала.

Поради опасност од бегство, оправдан страв дека осомничениот ќе ги сокрие или уништи трагите на кривичното дело и дека ќе ја попречува кривичната постапка со влијание врз оштетената или дека ќе го повтори кривичното дело, јавниот обвинител до судијата на претходна постапка достави предлог за определување мерка притвор, соопштуваат од ОЈО.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Трагедија во Шпанија: Три момчиња загинаа додека скокале во морето од карпа- прогласена тридневна жалост (ВИДЕО)

Три момчиња загинаа на плажа во близина на Тарагона во шпанската Каталонија каде што беше подигнато жолто знаме поради високи бранови, објавија денеска властите.

Трагедија во Шпанија: Три момчиња загинаа додека скокале во морето од карпа- прогласена тридневна жалост (ВИДЕО)

Несреќата се случила во петок кога група од 6 момчиња скокнале во морето од карпите. Тројца од нив успеале сами да стигнат до брегот, додека тројца други биле извлечени од спасувачите.

Дванаесетгодишно момче починало на местото на настанот и покрај напорите за реанимација. Две 13-годишници биле однесени во болница каде што починале, соопштија регионалните служби за итни случаи. Претседателот на Каталонија, Салвадор Иља, изјавил дека е „длабоко тажен“. „Во овој момент нема зборови за толку голема болка“, рекол тој на X.

YouTube video

Градската администрација на Тарагона прогласи тридневна жалост. „Не треба да преземате непотребни ризици. Не треба да скокате од карпите под никакви околности“, изјавил градоначалникот на Тарагона, Рубен Винуалес.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер