3Прес-конференција на директорите на БЈБ и АНБ: Разоткриена иранска прокси мрежа инволвирана во планирање на терористички напад
КултураМузичари од шест земји ја презентираат својата традиција во СтругаЗачувување и негување на културното наследство, е целта на проектот „Етно" што по повеќегодишна пауза повторно се одржува во државава, во организација на Музичка младина.Музичари од шест земји во светот од 3 до 9 август во Струга на работилици ја презентираат својата пред се музика, но неизоставен дел се и културата, храната, традицијата… Координаторот на проектот Верица Ајтовска во изјава за МИА посочи дека среќни се што после многу години повторно во државава оживеал проектот „Етно" и што имаат можност да биде презентирана македонската култура и традиција пред учесниците од Хрватска, Велика Британија, Германија, Унгарија, Белгија, но и да научат дел и од нивните културни вредности. – Изминатите денови имавме работилници, каде сите учесници ја презентираат својата култура, но ја учат и културата на останатите. Во меѓувреме го презентираме и македонскиот фолклор, традицијата, храната…На 8 август, ќе одржиме концерт со интернационална програма, каде ќе се претстават сите учесници, изјави Ајтовска. Марко Штурман, музичар од Хрватска, кој многу ја сака македонската музика, но воодушевен е од културата, храната, гостопримството, но и топлината и блискоста што ја почувствувал во Струга. – Во Македонија сакав да дојдам од подамна, токму заради музиката и ова ми е совршена можност да ги запознаам луѓето, културата и музиката. Многу ја сакам македонската музика и можам да кажам македонската песна ми е најдрага. Ритмовите во македонската музика се тешки, непарни, повеќето македонски трдиционални песни имаат такт од 7/8, 9/8, 11/8. Јас во тоа уживам, изјави Штурман, нагласувајќи дека Македонско девојче му е омилена. Воодушевен е од македонскиот ајвар, но му се допаѓа и макалото, а посебен впечаток му оставила љубезноста и топлината кај луѓето. – Ајварот е дефинитивно најубав. Луѓето се многу љубезни топли, имам впечаток како да ве знам, како да сме браќа. Тоа го нема во Хрватска, таму луѓето се европски поладни, додека јужно на Балканот се топли. Дефинитивно ќе дојдам повторно тука, вели младиот музичар. Иако доаѓа од Хрватска, тој ја презентира традиционалната боливиска песна, додека неговата колешка ја претставува традиционалната хрватска музика. Во својата земја ќе се врати со големи импресии, а државава на пријателите ќе им ја претстави преку музика, иако, вели дека има многу што да им каже. „Етно" е програма за народна, светска и традиционална музика, основана во 1990 година, наменета за млади музичари на возраст од 16 до 30 години. Програмата „Етно" е присутна во над 30 земји, има за цел да го оживее и да го одржи во живот глобалното културно наследство, ангажирајќи ги младите луѓе преку годишни меѓународни музички кампови, како и работилници, концерти и турнеи, за промоција на мир, толеранција и разбирање. /МИАКрадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
СветРубио повторно вети дека САД ќе ги заштитуваат сојузниците- иранските напади стигнаа до Бахреин Американскиот државен секретар Марко Рубио ги осуди нападите на Иран врз Бахреин за време на телефонскиот разговор со министерот за надворешни работи на Бахреин, Абдулатиф бин Рашид ал-Зајани, соопшти Стејт департментот во понеделник.„Државниот секретар ги осуди нападите на Иран врз Бахреин и ја потврди посветеноста на Соединетите Американски Држави на безбедноста на Бахреин и сите наши партнери во Заливот“, се вели во соопштението, според Ројтерс. Иран лансираше беспилотни летала врз американските бази во Бахреин во неделата, додека Бахреин соопшти дека пресретнал и уништил неколку ирански воздушни напади. Ова беше прв пат од септември воздушната одбрана на Бахреин да пресретне ирански напади. Корпусот на Исламската револуционерна гарда соопшти дека нападнала американска воена база во Бахреин со шест беспилотни летала, според иранската новинска агенција Фарс, како одговор на „непријателските американски акции“. Два дена претходно, гардата тврдеше дека нападнала американски радарски објект за рано предупредување во земјата. Американската војска го негираше ова, наведувајќи дека пресретнала два ирански беспилотни летала и дека не е предизвикана никаква штета. Бахреин има статус на главен сојузник на САД кој не е член на НАТО. Конфликтот со Иран започна на 28 февруари, кога САД и Израел ја нападнаа земјата, на што Техеран одговори со напади врз Израел и земјите од Персискиот Залив каде што се наоѓаат американски воени бази.Тагови: Бахреин Марко Рубио Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
МакедонијаБлагодарница за министерот Ристовски за поддршката и придонесот во одржувањето на Скопскиот маратонМинистерството за спорт е покровител и еден од најголемите поддржувачи на Скопскиот маратон, препознавајќи го неговото значење не само како врвен спортски настан, туку и како значаен промотор на Скопје и Македонија на меѓународната спортска сцена.Во име на организаторите на Скопскиот маратон, генералниот секретар на Сојузот на спортови на Скопје, Гордана Кузмановска Николовска денеска му врачи благодарница на министерот за спорт, Борко Ристовски, како признание за неговата посветеност, поддршка и заложба за континуирано одржување на оваа традиционална спортска манифестација. Министерството за спорт е покровител и еден од најголемите поддржувачи на Скопскиот маратон, препознавајќи го неговото значење не само како врвен спортски настан, туку и како значаен промотор на Скопје и Македонија на меѓународната спортска сцена. Министерот Ристовски изрази благодарност за доделеното признание, нагласувајќи дека поддршката за Скопскиот маратон претставува дел од определбата на Министерството за спорт да ги поддржува спортските манифестации кои придонесуваат за развојот и афирмацијата на спортот, поттикнуваат здрави животни навики и ја промовираат државата. „Скопскиот маратон е многу повеќе од спортски настан. Тој е симбол на истрајноста, спортскиот дух и заедништвото, но и значаен начин за промоција на Скопје и Македонија. Ова признание го прифаќам како признание за заедничката посветеност и поддршка на сите кои придонесуваат за неговото успешно одржување. Министерството за спорт и во иднина ќе продолжи да дава силна поддршка на овој настан и на сите иницијативи кои го приближуваат спортот до граѓаните и значат промоција на државата“ - истакна министерот Борко Ристовски. Министерството за спорт останува посветено на поддршката на спортските настани кои имаат долгорочно значење за развојот на спортската култура, масовноста и меѓународната афирмација на македонскиот спорт. Министерство за спортТагови: Борко Ристовски Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиКристијан Корабоски доби 30 дена притвор за нападот врз Сара во Охрид11:20Повторно е приведен Кристијан Корабоски, кој крвнички ја претепа неговата девојка, Сара 17:05Осомничениот насилник од Охрид нема да оди во притвор, доби само мерки за забрана за приближување и одземен пасош15:00Мајката на повредената девојка: Ќерка ми сè уште е во болница, а осомничениот е пуштен на слобода, поднесена кривична пријава против насилникот08:32Михаилова ја разбранува и Бугарија – на снимка тврди дека тајните служби ѝ се заканувале дека ќе остане без помош15:00
Осомничениот насилник од Охрид нема да оди во притвор, доби само мерки за забрана за приближување и одземен пасош15:00
Мајката на повредената девојка: Ќерка ми сè уште е во болница, а осомничениот е пуштен на слобода, поднесена кривична пријава против насилникот08:32
Михаилова ја разбранува и Бугарија – на снимка тврди дека тајните служби ѝ се заканувале дека ќе остане без помош15:00
МакедонијаПрес-конференција на директорите на БЈБ и АНБ: Разоткриена иранска прокси мрежа инволвирана во планирање на терористички нападПрес конференција на директорот на БЈБ Александар Јанев и директорот на АНБ Бојан Христовски.Агенцијата за национална безбедност континуирано ги следи состојбите поврзани со глобалните безбедносни закани и предизвици со кои се соочува Европа и регионот во изминатиот период. Од почетокот на 2026 година Агенцијата во соработка со грчката национална разузнавачка агенција и други партнерски служби, но и во координација со МВР-БЈБ на национално ниво преземаше активности за разоткривање на намери и планови на лица надоврзани на странски/ирански фактори, за извршување на терористички акти. Во таа насока Агенцијата презеде сет од оперативно-технички и аналитички активности со цел разоткривање на прокси мрежа од земјава, надоврзана на иранскиот државјанин Edris Jahangiri Mavaneh, издиференциран како лице поврзано со други прокси актери на иранските безбедносно-разузнавачки служби, вклучително и негова поврзаност со нарко босот Naji Sharifi Zindashti. Во однос на македонската мрежа, станува збор за лица етаблирани во криминални структури во земјава, кои по директни насоки на иранскиот државјанин преземаа подготвителни логистички активности за извршување на терористички акт/атентат врз лице во Грција. Во координација и размена со странски партнерски служби беше разоткриен нивниот modus operandi, за одржување на конспиративни средби на територија на трети земји, вклучително и Иран, при што беа потврдени конекциите со иранскиот државјанин, кој е главен носител на планираната терористичка акција. Информациите укажуваат дека станува збор за лице кое има широка мрежа на прокси актери и контакти со лице од висок интерес за безбедносните служби, односно истиот е соработник на иранските безбедносно-разузнавачки служби. Ваквите конекции, како и фактот дека изминатиот период повеќе земји се соочија со терористички закани и напади од страна на ирански прокси актери, е во корелација со обидите на иранските разузнавачки служби за нивно затскривање преку криминални прокси мрежи во трети земји, вклучително и Македонија. Агенцијата во рамките на своите надлежности останува фокусирана кон зачувување на националната безбедност, за што ќе продолжи со активности за детектирање и спречување на евентуални терористички закани преку прокси елементи од Иран, како и разоткривање на други лица инволвирани во ирански прокси мрежи. Тагови: АНБ БЈБ Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter