Музејската поставка „Ковчегот на љубовта“ дојде од Штип во Тетово - Канал 5

Култура

Музејската поставка „Ковчегот на љубовта“ дојде од Штип во Тетово

Сведоштво на хрватската народна традиција.

Музејската поставка „Ковчегот на љубовта“ дојде од Штип во Тетово

Македонско-хрватското друштво Тетово беше домаќин на Заедницата на Хрвати „Либертас“ од Штип, кои во градот ја донесоа музејска поставка „Ковчегот на љубовта“ на која ќе се прикажа традиционалното минато на хрватската заедница. Штипската заедница на Хрвати уште во 2021 година ја поставиле оваа изложба како сведок за едно поинакво изминато време, а во чии предмети вткаен е сериозен труд, вистинска автохтоност и искрена желба за заштита на традиционалното и народното творештво.

-Вечерашната музејска поставка, прва од ваков тип по реотворањето на овој објект замислен како мултумедијален простор, е збир на различни предмети и реликти од 50-тите години на минатиот век, кои жените – мажени или дојдени во Македонија – од Хрватска, ги донеле со себе во Штип. Затоа и насловот на оваа поставка е токму „Ковчегот на љубовта“, или во изворниот запис на хрватски јазик „Шкриња љубави“, затоа што вечер прикажаното – во минатиот век кон македонската територија е носено преку различни ковчези и куфери, а еден од нив е и вечерва претставен, илустрирајќи ја неспорната женска умешност и грижа за домот и најблиските. А домот е секаде каде што ни е убаво, за овие жени некогаш тоа било Хрватска, а денес тоа е Македонија, порача синоќа Марко Видачек од МХД Тетово.

Тетовската јавност вчера имаше можност да посведочи за уметноста и дарбата со кои во средината на минатиот век се изработувани чипката, ракотворбите, народните носии, а паралелно со тоа се чувани и се сочувани секојдневни предмети кои денес имаат неспорна вредност на архивска и музејска граѓа.

-Ова се ракотворби од само четири наши членки. Едната од нив, највозрасна која сега е почината, е дојдена во Штип во далечната 1959 година. Ова е само еден дел од нив што сме донеле, ако соберевме ќе има уште многу-многу што да се види од она што Хрватите одејќи од Хрватска во Македонија покрај семејствата, кога доаѓале донеле нешто од дома. Ние како втора генерација потомци се потрудивме тоа да го зачуваме. Затоа со голема чест и задоволство после Штип изложбата ја поставуваме и во Тетово, изјави Долорес Кашуба Петрова од Заедницата на Хрватите во Штип.

Пред тетовската публика настапи и градскиот хор „Штип 2019“, со изведба на македонски и хрватски песни.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Сергеј Трифуновиќ и неговата сопруга приведени по инцидент во продавница?

Актерот Сергеј Трифуновиќ и неговата сопруга Исидора Мијановиќ наводно се нашле во центарот на инцидент во познат белградски трговски центар, што ја принудило полицијата да интервенира. 

Сергеј Трифуновиќ и неговата сопруга приведени по инцидент во продавница?

Драмата се одвивала во популарна продавница кога во Исидора се посомневало обезбедувањето, кое потоа сакало да ја претресе, пишува Телеграф.

Нејзиниот сопруг Сергеј, јавуваат српските медиуми, реагирал бурно на ова и не им дозволил да ги претресат нејзините работи, што ескалирало во вербален конфликт. Обезбедувањето потоа повикало полициска патрола која го однела парот во полициската станица.

Таа се огласи откако ја напуштила полициската станица

Исидора подоцна сама ја напуштила полициската станица, додека Сергеј, како што се испоставило, си заминал порано. Таа накратко им се обратила на собраните новинари пред станицата.

„Само дојдов да ги земам документите“, рекла кратко, одбивајќи да биде снимена, пренесува Телеграф.

Фото: ВИ

Тагови: инцидент Сергеј Трифуновиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Кина отвора мегацентар за вештачка интелигенција. Ќе троши два гигавати (ВИДЕО)

Кина отвори индустриски парк за вештачка интелигенција во северниот регион Внатрешна Монголија, за кој инвеститорот тврди дека е најголем во светот.

Кина отвора мегацентар за вештачка интелигенција. Ќе троши два гигавати (ВИДЕО)

Комплексот „Envision Galaxy Campus“, сместен во градот Уланкаб, започна со работа во четврток. Компанијата за зелена технологија „Envision Group“ вели дека е најголемиот поединечен центар за податоци со вештачка интелигенција во светот во однос на капацитетот за обработка на токени, објави „Global Times“.

Капацитет и технички спецификации

Новиот комплекс е исто така најголемиот индустриски парк за вештачка интелигенција во Кина, со планиран капацитет од два гигавати. Зафаќа површина од 120.000 квадратни метри и е дизајниран да ја поддржи компјутерската моќ до еден милион единици за графичка обработка (GPU) кои можат да работат истовремено.

Зелена енергија и глобална иницијатива

Компанијата вели дека повеќе од 80 проценти од електричната енергија потребна за работа на центарот доаѓа директно од обновливи извори. Проектот е водечки развоен напор како дел од иницијативата „Mission Gobi“. Со оваа иницијатива, „Envision“ планира да изгради пет гигавати капацитет за зелено пресметување со вештачка интелигенција во пустински и сушни региони низ целиот свет до 2030 година. Планот комбинира големи центри за податоци со обновливи извори на енергија и системи за складирање.

Извор: Индекс.хр

Тагови: Кина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Само 99 примероци и 1.015 КС: Новото „Lamborghini“ оддава почит на „Miura“ (ФОТО)

„Lamborghini“ ги комбинира минатото и иднината: V12 хибрид инспириран од една од најголемите икони.

Само 99 примероци и 1.015 КС: Новото „Lamborghini“ оддава почит на „Miura“ (ФОТО)

„Lamborghini“ ја претстави специјалната серија „Revuelto Miura 60° Homage“, која ја одбележува 60-годишнината од лансирањето на легендарниот модел „Miura“.

Премиерата ќе се одржи за време на настанот „Monterey Car Week“, а производството ќе биде ограничено на само 99 примероци.

Специјалното издание е развиено од одделот „Ad Personam“, одговорен за персонализација на возилата.

На клиентите ќе им бидат понудени девет бои на каросеријата инспирирани од оригиналната „Miura“, со контрастни детали во златна или сива боја, ексклузивни тркала и значки „Miura 60“ на праговите.

Внатрешноста има седишта со мотиви инспирирани од оригиналната „Miura“, дополнителен кожен тапацир, вез „Miura 60“ и плочка што потврдува дека е еден од само 99 произведени автомобили.

Нема промени под хаубата. „Revuelto Miura 60° Homage“ е напојуван од познатиот „plug-in“ хибриден систем кој комбинира атмосферски 6,5-литарски V12, три електрични мотори и осумстепен менувач со двојна спојка.

Вкупната моќност е 1.015 КС (747 kW), што му овозможува на овој хипер автомобил да забрза од 0 до 100 км/ч за само 2,5 секунди, додека максималната брзина надминува 350 км/ч.

Компанијата вели дека специјалната серија претставува комбинација од богатата историја на брендот и модерните опции за персонализација по кои е познат „Lamborghini“ денес.

Извор: Б92

Тагови: Lamborghini

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер