Мувлата и кондензацијата знаат да бидат голем проблем во текот на зимата - Канал 5

Живот

Мувлата и кондензацијата знаат да бидат голем проблем во текот на зимата

Еве како да ги исчистите и отстраните засекогаш!

Мувлата и кондензацијата знаат да бидат голем проблем во текот на зимата

Совети од професионалци.

Во текот на зимските месеци, кондензацијата и мувлата на прозорците може да делуваат како постојан нерешлив проблем. На Интернет постојат многу совети и трикови за отстранување на мувлата и спречување таа да се повтори. Издвојуваме пет чекори што треба да ги преземете за правилно да го решите овој проблеми и да спречите нејзино враќање.

Отстранување на мувла од прозорците

Матан Корин, потпретседател за продажба во една компанија за прозорци, за отстранување на мувлата и спречување на нејзина повторна појава околу прозорците, препорачува да направите мешавина од течен детергент и вода, притоа да користите четка и крпа за да ја отстраните мувлата од прозорецот. Тој, исто така, советува носење заштитна опрема како ракавици и маска за да се избегне вдишување на спорите од мувлата додека чистите.

Уништување на мувла

Мешавина од еднакви делови на алкохолен оцет и вода е совршено решение за уништување на мувлата. Се препорачува оваа мешавина да ја оставите најмалку еден час на површината на која треба да делува, пред да почнете со чистење. Така оцетот продира длабоко и ги уништува спорите мувла. Важно е веднаш да ја третирате секоја мувла што ќе ја забележите во вашиот дом бидејќи тоа може да претставува опасност по здравјето.

Спречување на враќање на мувлата

Матан посочува дека освен чистењето на мувлата важно е да одржувате правилна вентилација за да го заштитите здравјето на вашето семејство. Тој исто така препорачува да се користи самолеплива пена за пополнување на процепите околу прозорците со цел да се спречи пропуштање на воздухот. Тој, советува да се користи термо фолија за прозорците за да се задржи топлината и да се спречи кондензацијата.

Употреба на соодветни материјали

Ако имате прозорци со едно стакло, можеби е време да ги надградите. Матан ги препорачува „UPVC“ прозорците бидејќи се дизајнирани да ја спречат загубата на топлина, а материјалите од кои се направени штитат од појавата на мувла.

Ако ги следите овие совети, можете ефикасно да го решите проблемот со кондензација и мувла на прозорците, со што ќе се подобри квалитетот на воздухот во вашиот дом, а со тоа ќе го заштитите и здравјето на вашето семејство.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Демократски сојуз: Честит 11 октомври – ден на востанието на македонскиот народ

11 Октомври е еден од најзначајните датуми во македонската историја – симбол на слободата, храброста, националното достоинство и непокорот.

Демократски сојуз: Честит 11 октомври – ден на востанието на македонскиот народ

На овој голем празник, со длабока почит им оддаваме признание на сите борци кои се кренаа против фашизмот, жртвувајќи се за слободата, мирот и иднината на македонскиот народ.

Востанието од 11 октомври 1941 година останува траен симбол на стремежот за слобода и право на сопствена државност. Неговото историско наследство е наша заедничка одговорност и аманет за идните генерации.

11 Октомври е празник на сите граѓани и ден што треба да нè обединува. Тој нè потсетува дека слободата, правдата, солидарноста и љубовта кон татковината се вредности што нè поврзуваат и нè обврзуваат заеднички да ја градиме иднината.

Демократскиот сојуз останува посветен на демократска, просперитетна и европска Македонија, во која ќе се почитуваат слободата, достоинството и правата на секомј граѓанин.

Со гордост кон историското наследство, со единство во сегашноста и со одговорност кон иднината!

Нека ни е честит 11 Октомври – Денот на востанието на македонскиот народ!

Вечна слава на борците за слобода!

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Несреќа во БиХ, автобус со фудбалери излета од патот, натпреварот веднаш бил откажан!

Натпревар од деветтото коло на Втората лига на Федерацијата Босна и Херцеговина – Центар, меѓу Горажде и Фамос од Храсница, кој требало да се одигра денес, е одложен по сообраќајна несреќа што ја доживеле гостите на пат кон стадионот! 

Несреќа во БиХ, автобус со фудбалери излета од патот, натпреварот веднаш бил откажан!

Во еден момент, автобусот со фудбалерите и стручниот штаб на Фамос излетал од патот, а инцидентот предизвикал голема загриженост.

За среќа, од Храсница пристигнале охрабрувачки вести – ниту еден фудбалер не е повреден, додека возачот се здобил само со полесни повреди.

Иако сите фудбалери поминаа без повреди, стресот и шокот по несреќата оставија последици. Во такви околности, тимот не беше во состојба да настапи на натпреварот, па членовите на клубот се упатија назад кон дома по инцидентот. По повод овој настан се огласи и ФК Горажде, од каде официјално потврдија дека натпреварот нема да се одигра во предвидениот термин.

- Ја известуваме јавноста, навивачите и спортската јавност дека натпреварот меѓу Горажде и Фамос е одложен. До одложувањето дојде поради сообраќајна несреќа во која учествуваше екипата на Фамос на пат кон Горажде. Поради сите околности и состојбата во која се наоѓа тимот, натпреварот нема да се одигра во предвидениот термин. Новиот термин за натпреварот ќе биде дополнително одреден и објавен штом ќе се исполнат сите услови – соопштија од Горажде, упатувајќи благодарност за разбирањето.

Најважно е што играчите на Фамос поминале без повреди, а новиот термин за натпреварот ќе биде дополнително објавен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео: Меси и Суарез како во своите најдобри денови

Суарез го отвори резултатот во третата минута, а потоа, во 39-тата, го зголеми водството на домашниот тим. 

Видео: Меси и Суарез како во своите најдобри денови

Двата гола на Уругваецот беа постигнати по додавања на Херман Бертераме, па Интер замина на полувреме со сигурна предност од 2:0.

Во продолжението, главната улога ја презеде волшебникот Лео Меси. Аргентинецот погоди во 47-мата минута по асистенција на Суарез, а во 60-тата минута, по додавање на Родриго де Пол, беше поставен конечниот резултат.

Светските фудбалски ведети на овој меч потсетија на времето од Барселона кога беа неверојатен тандем и вистински машини за постигнување на голови.

Тагови: Лионел Меси

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер