Муцунски пред Самитот ЕУ-Западен Балкан: Билатералните блокади не смеат да бидат пречка за евроинтеграциите - Канал 5

Македонија

Муцунски пред Самитот ЕУ-Западен Балкан: Билатералните блокади не смеат да бидат пречка за евроинтеграциите

Местото на Македонија е во ЕУ, а билатералите блокади не смеат да ја кочат европската иднина – со ваква позиција македонската делегација предводена од премиерот Мицкоски доаѓа на самитот ЕУ – Западен Балкан во Брисел кој почнува попладнево. 

Муцунски пред Самитот ЕУ-Западен Балкан: Билатералните блокади не смеат да бидат пречка за евроинтеграциите

Местото на Македонија е во ЕУ, а билатералите блокади не смеат да ја кочат европската иднина – со ваква позиција македонската делегација предводена од премиерот Мицкоски доаѓа на самитот ЕУ – Западен Балкан во Брисел кој почнува попладнево.

Шефот на дипломатијата Тимчо Муцунски најави дека на самитот ќе се отвори прашањето за деблокада на македонскиот евроинтегративен пат и за изнаоѓање на решение со земјите-членки, без притоа да бидат загрозени националните позиции. Сепак, порача и дека од официјална Софија изминатиот период нема сигнали за решение и постои недостиг на добра волја.

-Нашето место е во Брисел, нашето место е како полноправна членка на ЕУ. Жално е тоа што и се прави на нашата држава повеќе од 30 години во делот на билатералните блокади и тоа е тема за која отворено ќе дискутираме, тема за која што сакаме да најдеме решение, но секако да не биде тоа решение каде нашите национални интереси ќе бидат загрозени. / Нема никаква дилема, ние имаме јасни позиции кои се претставени пред сите наши клучни партнери. Тука мислам и на институциите во Брисел, но и на земјите – членки кои имаат огромен импут во тој процес,- - Тимчо Муцунски – Министер за надворешни работи.

Пораката доаѓа ден по објавувањето на заклучоците за Македонија каде се поздравува посветеноста на земјава кон европската интеграција, но се повикува итно да ги засили реформите неопходни за членство. Дополнително, нагласено е и значењето на добрососедските односи, а се потсетува и дека Македонија се уште не ги спровела уставните измени на кои се обврзала.

-Советот забележува дека Македонија сè уште не ги завршила уставните измени, на кои се обврзала. Советот ја потврдува својата подготвеност да свика уште една меѓувладина конференција, без понатамошни одложувања или дополнителна политичка одлука, штом Македонија ќе ја спроведе оваа обврска, во согласност со своите внатрешни процедури,- - Заклучоци на Советот на ЕУ за Македонија.

Во текстот, дополнително се поздравува усогласеноста на земјава со надворешната политика на Унијата, како и тоа тоа дека Советот останува посветен на постепената интеграција на Македонија во внатрешниот пазар на Унијата. Во областа на владеење на правото пак, се нотира дека не е постигнат никаков напредок во текот на изминатата година.

Се повикува земјава да донесе нов кривичен законик во согласност со европското законодавство и меѓународните стандарди и да ја засили борбата против криминалот и корупцијата.

Заклучоците за проширувањето инаку беа објавени од Данското претседателство со ЕУ, наместо од Советот како што е вообичаено, поради блокадата од Унгарија, нешто што данската министерка Бјере го оцени како лош сигнал за земјите-кандидатки.

-Унгарија не блокира да ги донесеме заклучоците на Советот. Нашите обиди да најдеме решение беа одбиени. Многу жалам за ова, тоа како што кажаа неколку земји-членки, испраќа лош сигнал за земјите-кандидатки. Сакаме тие да ја одберат ЕУ, не да ја одберат Русија,- -Мари Бјере – Министерка за европски прашања на Данска.

Унгарија го блокираше носењето на заклучоците на Данското претседателство поради противењето да има позитивна препорака за Украина.

YouTube video

Тагови: ЕУ - Западен Балкан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

„Беше прекрасен татко, но падна во депресија по отказот“- мајка за сопругот кој ги уби нивните две деца

Мајката на две деца чиј татко ги убил фрлајќи ги од покривот на гаража, а потоа извршил самоубиство, проговори за околностите околу нивната трагична смрт!

„Беше прекрасен татко, но падна во депресија по отказот“- мајка за сопругот кој ги уби нивните две деца

Шестгодишната Каролин Линч и нејзиниот брат Џејмс Линч, на осум години, беа пронајдени во вторник, 3 ноември, пред општинска зграда во Маунт Либан, Пенсилванија, со повреди за кои се сомнева дека се предизвикани од падот, објави Пипл.

Нивниот татко, Патрик Линч, исто така е пронајден со слични повреди. Сите тројца починаа во инцидент што полицијата го истражува како убиство-самоубиство, соопшти шерифската служба на округот Алегени.

Според PennLive, Патрик ги фрлил децата од петкатна паркинг гаража. По убиствата, мајката на децата објави на Фејсбук дека Патрик бил депресивен откако неодамна ја изгубил работата.

На снимка од екранот од објавата, која ја споделија Daily Voice, WPXI TV и PennLive, Ана ДеМеј Линч напиша дека Патрик „донел неповратна одлука да ги убие нашите две деца и себеси“, додавајќи дека тој бил „прекрасен татко“.

„Тој беше отпуштен во август и набргу потоа, стана депресивен“, додаде таа во објавата.

На профилот на Патрик на LinkedIn е наведен како научник за податоци, кој работел на машинско учење и вештачка интелигенција, а неговата последна работа завршува во август.

Ана во својата објава на Фејсбук напиша дека успеала да го убеди Патрик да оди на терапија и дека тој имал закажан преглед за следниот ден.

„Еден ден предоцна“, напиша таа. „Никогаш не помислив дека нашата приказна ќе заврши вака“.

За Ана е отворена страница GoFundMe додека се бори со загубата на Каролин и Џејмс и се подготвува за нивните погреби.

Заедницата на Маунт Либан, исто така, се собира за да им оддаде почит на децата, за кои канцеларијата на медицинскиот испитувач соопшти дека починале од „повеќе повреди од тап предмет“.

„Таа беше само мало снопче радост. Ги сакаше луѓето“, изјави Вики Хефелфингер, која го познаваше семејството Линч преку нивното учество во училиштето за пливање.

„Секој пат кога ја гледавме, таа им мавташе на сите. Ги гледаше другите деца и беше едноставно толку храбро мало девојче“.

Тагови: деца татко

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Познато е колку заработува Ламар Одом за една недела на OnlyFans (ВИДЕО)

Поранешната НБА ѕвезда Ламар Одом би можела да заработи повеќе од 180.000 евра благодарение на својот нов профил на платформата OnlyFans. 

Познато е колку заработува Ламар Одом за една недела на OnlyFans (ВИДЕО)

Поранешниот кошаркар на Лос Анџелес Лејкерс заработил повеќе од 45.000 евра за само осум дена, изјавил извор за TMZ.

Месечната претплата за пристап до неговите ексклузивни фотографии и видеа е околу 13,45 евра.

Одом отвори профил на OnlyFans минатиот месец, што го прави првата поранешна НБА ѕвезда што се приклучила на платформата, според медиумските извештаи.

Тој ја објасни својата одлука велејќи дека смета дека времето е вистинско за тоа. Призна дека во текот на својот живот поминал низ многу бурни периоди, но исто така рече дека подготвува уште неколку изненадувања за своите фанови.

„Сите опции се отворени“

Поранешниот кошаркар на Лос Анџелес Клиперс објави дека на неговиот профил ќе има разновидна содржина, вклучувајќи изненадувања што неговите фанови можеби не ги очекуваат.

„Сè уште нема да откривам премногу. Ќе мора да се претплатите за да дознаете. Само знајте дека сум искрен и сите опции се отворени“, рече тој.

Одом рече дека во текот на целиот свој живот често донесувал непредвидливи одлуки и дека сè уште може да ја изненади јавноста. „Отсекогаш сум бил отворена книга, но има поглавја што луѓето сè уште не ги виделе“, изјави тој.

Неговата девојка Рејчел Бредли исто така отвори профил на OnlyFans. Извор близок до двојката откри за TMZ дека постои можност тие да објавуваат содржина заедно во иднина.

Беше во брак со Клое Кардашијан

Одом јавно ја потврди својата врска со Рејчел Бредли во април, кога објави видео на Инстаграм од нив како заедно влегуваат во Crypto.com Arena во Лос Анџелес. Неколку дена претходно, тие споделија и заедничка фотографија со актерот Тери Крус и неговата сопруга Ребека Кинг Крус.

Пред врската со Бредли, Одом беше во долгогодишна врска со Лиза Моралес, со која има две деца, ќерката Дестини (28) и синот ЛЈ (24).

Тој е особено познат на јавноста по бракот со ријалити ѕвездата Клое Кардашијан, со која се ожени во 2009 година. Нивниот брак западна во криза, а во 2013 година решија да се разделат. Разводот официјално беше финализиран во 2016 година.

Тагови: OnlyFans Ламар Одом

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Фицо тврди: Резултатите од референдумот за пристапување во ЕУ беа фалсификат

Словачкиот премиер Роберт Фицо денес тврдеше дека референдумот за пристапување на земјата во Европската Унија бил наместен и дека немало да има пристапување доколку не било така.

Фицо тврди: Резултатите од референдумот за пристапување во ЕУ беа фалсификат

„Одржавме референдум кој, доколку не беше наместен, немаше да биде успешен. Тоа мора да се каже. Разликата беше толку мала што, според мене, беа направени одредени корекции за да се обезбеди дека исходот е онаков каков што беше потребен за Словачка да го одобри пристапувањето кон оваа организација“, изјави Фицо за телевизијата TA3.

Зборувајќи за атмосферата во Словачка во 2004 година, кога земјата се приклучи кон ЕУ, Фицо оцени дека пристапувањето било проследено со голем ентузијазам од една страна, но дека од друга страна, резултатот од референдумот бил многу тесен.

Референдумот за пристапување кон Европската Унија во Словачка се одржа во мај 2003 година, со излезност од 52 проценти, а мнозинството гласаше позитивно за пристапувањето.

Словачка се приклучи кон Европската Унија во 2024 година.

Тагови: Роберт Фицо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер