Муцунски пред Комисијата за надворешни работи: Резултати, реформи и европска перспектива во фокус на надворешната политика - Канал 5

Македонија

Муцунски пред Комисијата за надворешни работи: Резултати, реформи и европска перспектива во фокус на надворешната политика

Министерот за надворешни работи и надворешна трговија, Тимчо Муцунски, денес се обрати пред собраниската Комисија за надворешни работи.

Муцунски пред Комисијата за надворешни работи: Резултати, реформи и европска перспектива во фокус на надворешната политика

Министерот за надворешни работи и надворешна трговија, Тимчо Муцунски, денес се обрати пред собраниската Комисија за надворешни работи, истакнувајќи дека надворешната политика не смее да биде предмет на дневнополитички пресметки, туку мора да претставува јасна државна линија заснована на најширок можен политички консензус.

Во своето обраќање, министерот нагласи дека во периодот 2024–2026 е направена суштинска трансформација на македонската дипломатија – од реактивен и фрагментиран пристап кон координиран, интегриран и резултатски ориентиран систем. Со преземањето на надлежностите за надворешна трговија, Министерството прераснува во централен столб на меѓународниот настап на државата, кој ги обединува политичките и економските интереси.

Посебен акцент беше ставен на економската дипломатија, како клучна алатка за привлекување инвестиции, отворање нови пазари и зајакнување на економската стабилност, со цел надворешната политика да носи конкретни резултати за граѓаните.

Во делот на европската интеграција, Муцунски ја потврди стратешката определба за членство во Европската Унија, нагласувајќи дека процесот мора да се темели на заслуги, јасни критериуми и предвидливост, како и да носи реални придобивки за граѓаните.

Тој посочи дека државата останува целосно усогласена со Заедничката надворешна и безбедносна политика на ЕУ, како и дека членството во НАТО останува клучен столб на националната безбедност.

Министерот се осврна и на продлабочувањето на стратешките партнерства, вклучително со Обединетото Кралство, Унгарија и Соединетите Американски Држави, при што беа потенцирани конкретни резултати во енергетиката, инвестициите и безбедноста.

Во регионален и мултилатерален контекст, беше истакната посветеноста на Северна Македонија на дијалог, соработка и активна улога во меѓународните организации, како и на зајакнување на економската дипломатија, инвестициите и трговската размена.

Во заклучокот од обраќањето, министерот ја сумираше надворешната политика во изминатиот период преку три клучни принципи – достоинство, резултати и визија.

Како што истакна, достоинството значи заштита на националниот интерес преку јасни позиции, силни аргументи и институционална сериозност, наместо преку реторика. Резултатите се мерат преку конкретни придобивки за граѓаните – инвестиции, безбедност, работни места и поголем меѓународен углед. Визијата, пак, подразбира јасна насока за развој на државата во наредните години, со сопствена стратегија и проактивен пристап во меѓународните односи.

Тагови: Тимчо Муцински

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Цената на бензините се зголемува за 2 денари по литар, дизелот поскап за 1 денар

Малопродажната цена на Екстра лесното масло за домаќинство (ЕЛ-1) не се менува.

Цената на бензините се зголемува за 2 денари по литар, дизелот поскап за 1 денар

Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе Одлука со која се врши зголемување на малопродажните цени на нафтените деривати во просек за 1,55% во однос на одлуката од 26.10.2026 година.

Референтните цени на нафтените деривати на светскиот пазар во споредба со претходната пресметка бележат намалување и тоа во просек кај бензините за 0,793%, кај дизелот има зголемување за 0,409%, кај екстра лесното масло има намалување за 0,695% и кај мазутот има зголемување од 2,546%.

Курсот на денарот во однос на доларот во изминатиот период по кој беа формирани цените со претходната пресметка е повисок за 0,4400%.

Во Одлуката на РКЕ е применета владината одлука за намалениот износ на ДДВ за нафтениот дериват ЕУРОДИЗЕЛ (Д-Е V) во износ од 10% и е применет намален износ на акцизата од 2,00 ден/лит кај бензините ЕУРОСУПЕР БС-95 и ЕУРОСУПЕР БС-98 и намален износ на акцизата од 4,00 ден/лит кај ЕУРОДИЗЕЛ (Д-Е V).

Од 3.11.2026 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС - 95 93,00 (денари/литар)

Моторен бензин ЕУРОСУПЕР БС - 98 95,00 (денари/литар)

Дизел гориво ЕУРОДИЗЕЛ БС (Д-Е V) 100,00 (денари/литар)

Масло за горење Екстра лесно 1 (ЕЛ-1) 110,00 (денари/литар)

Мазут М-1 НС 55,573 (денари/килограм)

Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 2,00 ден/лит.

Малопродажната цена на ЕУРОДИЗЕЛ (Д-Е V) се зголемува за 1,00 ден/лит.

Малопродажната цена на Екстра лесното масло за домаќинство (ЕЛ-1) не се менува.

Малопродажната цена на Мазутот М-1 НС се зголемува за 1,300 ден/кг и сега ќе изнесува 55,573 ден/кг.

Напоменуваме дека ова се максималните цени на нафтените деривати од 00:01 часот на 3.11.2026 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Тагови: Бензин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Двајца загинати во пожар во магацин во Трст (ВИДЕО)

Маж и жена загинаа во пожар што избувна во напуштен магацин во sтарото пристаниште во Трст. Противпожарните екипи ги пронајдоа телата на првиот кат од трикатниот објект.

Двајца загинати во пожар во магацин во Трст (ВИДЕО)

Првичните сознанија укажуваат на тоа дека пожарот настанал откако група мигранти запалиле оган внатре во објектот. Додека пламените јазици се ширеле, поголемиот дел од групата успеал да побегне, но две лица останале заробени внатре.

Пожарникарите влегле во зградата опремени со апарати за дишење за да го изгаснат пожарот и да ги пребараат просториите. За време на интервенцијата, се урнала дрвена подна конструкција, но ниту еден пожарникар не бил повреден.

Надлежните сè уште не го соопштиле идентитетот на жртвите, ниту пак ги потврдиле точните околности под кои тие настрадале.

Тагови: Трст

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ побара Надзорна расправа за скандалот со Алта банка во Собранието

Пратеничката група на СДСМ и коалицијата го стави барањето и побара Надзорна расправа во Собранието за скандалот со Алта банка! 

СДСМ побара Надзорна расправа за скандалот со Алта банка во Собранието

За улогата на Народна банка, за институционална одговорност за измамата на граѓаните!

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер