Муцунски: Планот А е полноправно членство во ЕУ - Канал 5

Муцунски: Планот А е полноправно членство во ЕУ

Од Брисел очекуваме предвидливост, а не решение по секоја цена, вели министерот.

Муцунски: Планот А е полноправно членство во ЕУ

Планот А е полноправно членство во ЕУ и од тој план државата нема да скршне и нема никаква дилема околу нашата посветеност кон европскиот пат. Меѓутоа, она што го очекуваме од Унијата е предвидливост, односно билатералните прашања да останат билатерални и не прифаќаме решение по секоја цена, порача шефот на дипломатијата Тимчо Муцунски на заедничката прес-конференција со неговата австриска колешка Беате Мајнл-Рајсингер.

Муцунски на новинарско прашање за пораките од претседателот на Советот на ЕУ Антонио Кошта државава да се фокусира на планот А и оти на средба со претседателката Гордана Сиљановска Давкова кажал дека предлогот уставни измени со одложено дејство е неприфатлив за бугарската страна, повтори дека нашата стратешка цел за полноправно членство во ЕУ, државава постојано ја докажува со конкретни чекори.

- Ние сме прва земја во регионот којашто потпиша Партнерство за безбедност и одбрана со ЕУ, нешто што сега во актуелниот контекст се покажува како многу значајно. Земја лидер согласно став на високи претставници на ЕУ во делот на имплементација на Реформската агенда која е интегрален дел од Планот за раст. Значи, ние на дело покажуваме дека план А е полноправно членство во ЕУ, рече Муцунски.

Повтори дека како држава од Брисел очекуваме предвидливост и билатералните прашања да останат настрана од процесот на пристапување и оти се во постојана комуникација и со претставници на ЕУ, на змеји-членки, како и со претставници од Бугарија, при што некои средби се формални, а некои се неформални.

- Бараме решение коешто ќе ни обезбеди предвидливост напред кон членството, почит за нашето достоинство и идентитет, очекување дека и земјите членки на ЕУ ќе ги почитуваат оние принципи поврзани со малцински права, коишто очекуваат ние да ги почитуваме. И во тој контекст, доколку сите сме посветени кон европскиот пат, верувам дека секогаш ќе може да се најде рационално решение коешто ќе биде прифатливо не само за нас како Влада, туку и за сите граѓани кои живеат во државава, посочи Муцунски.

Министерот нагласи дека како Влада не се подготвени да прифатат концесии кои државата ќе ја стават повторно во оваа состојба како што е сега.

- Нашата позиција во однос на тоа прашање е кристално јасна, и тука не треба ниту граѓаните да имаат дилема, ниту вие како медиуми. Секогаш ќе има дијалог и секогаш ќе работиме, но ќе повторам нешто што постојано го кажувам - не решение по секоја цена и решенија коишто дополнително ќе биде ризик и камен на сопнување како ова решение од 2022 година што сега на дело се докажува дека е решение кое создава дополнителни проблеми меѓу државите, наместо да биде чекор напред, потенцира Муцунски.

Претседателот на Европскиот совет Кошта вчера за време на посетата на Скопје порача дека процесот на евроинтергација на земјава се одвива многу долго и оти сега е време да се испорачаат резултати. На новинарско прашање дали има план Б за тоа да се надминат барањата од страна на Бугарија, Кошта истакна дека не треба да се потценува планот А и дека треба да се фокусираме на негова испорака. Премиерот Мицкоски, пак, на заедничката прес-конференција со Кошта, изрази надеж дека во периодот што следи заеднички ќе го одблокираме овој процес. Премиерот потсети дека Кошта го пренел она што е став на ЕУ, додека Владата го пренела веќе познатиот став, односно дека не може да менуваме Устав, без да видиме јасна испорака од другата страна.

Ковачки: Целта на Бугарија е бришење на јазикот и удирање на идентитетот, СДС знаеше за ова и го дозволуваше истото

Вчера на површина излегоа сите лаги на СДС и на Бугарија. Сите тези дека само да влезат Бугари во Устав и влегуваме во ЕУ се покажаа како целосна невистина.

Ковачки: Целта на Бугарија е бришење на јазикот и удирање на идентитетот, СДС знаеше за ова и го дозволуваше истото

Гласањето во ЕП за бришење на термините македонски јазик и идентитет од Извештајот за напредокот на Македонија, покажа дека Бугарија нема намера да застане кај внесувањето на Бугарите во Уставот. Всушност, тоа е само изговор за се друго.

Целта не била Бугари во Устав туку бришење на јазикот и удирање по идентитетот. Бугарија е разоткриена.

Вчера пропаднаа и сите лаги на СДС, чии политики не донесоа до ова дереџе, и кои кога подававме рака за соработка и заедничка национална стратегија не прифатија, туку тераа по свое, продавајќи се што може.

И сега, кога го избришаа Македонскиот јазик и идентитет од Извештајот на ЕП, СДС не чекаа ниту минута, и тргнаа да се ситат.

Се е на виделина, веќе нема ништо сокриено. Политиките на Заев и Филипче на ,, еден народ, две држави" и ,,Делчев е Бугарин" сега го земаа својот данок.

Жално е што тоа што ние го говоревме, а за жал се случи вчера, го знаеја и во СДС и свесно првин потпишаа штетен договор, а потоа и со сите сили сакаа да ја обезличат нацијата ставајќи ја во процес кој требаше да заврши со целосна негација на Македонскиот јазик и идентитет.

ВМРО-ДПМНЕ во таа игра не влезе, и нема да влезе. Само противењето на ВМРО-ДПМНЕ од сам почеток уште кога СДС го потпишуваше договорот ја спаси државата од целосен срам и бришење на идентитетот.

Воедно ќе остане запишано и за векови запаметено дека европскиот извештај со македонски идентитет и македонски јазик помина на АФЕТ, на Комитетот за надворешна политика при Европскиот парламент и пред да се донесе срамниот амандман, се најде на масата на сите европратеници коишто гласаа во рамките на Европскиот парламент.

Почитувана македонска јавност,

Вистинските цели на Бугарија од вчера се на чисто, тие сакаат бришење на Македонскиот јазик и идентитет, бришење на историјата и бришење на вистината.

Трагично е што за своите шовинистички политики се обидуваат да ја користат ЕУ.

Пораката од ВМРО-ДПМНЕ е јасна, ние нема да дозволиме ново предавство и нема да отстапиме од заветот на ВМРО.

YouTube video

Прес-конференција на Драган Ковачки, пратеник на ВМРО-ДПМНЕ

Европратениците ја отфрлија иницијативата за недоверба на Европската комисија

 Европскиот парламент на денешното продолжение на овонеделната сесија во Стразбур со големо мнозинство го одби предлогот на романскиот европратеник Георге Пипереа за изгласување недоверба на Европската комисија на Урсула фон дер Лајен. 

Европратениците ја отфрлија иницијативата за недоверба на Европската комисија

„За“ прифаќање на иницијативата гласаа 175 европратеници, 360 беа „против“, а 18 се воздржаа од гласање.

За да биде прифатена иницијативата требаше да биде поддржана од најмалку две третини од европратениците што учествуваа во гласањето, при што нивниот број требаше да биде поголем од половина од вкупниот број членови на Европскиот парламент.

Дебатата по иницијативата се одржа во понеделникот, при која Пипереа ја обвини Европската комисија за недостиг на транспарентност, непочитување на правдата, избегнување на дебати и за заобиколување на одлуките на Европскиот парламент.

- Во последните шест години Комисијата на злоупотребувачки начин им ги одзеде овластувањата на земјите членки и го игнорираше Европскиот парламент во неговите главни одлуки. Недемократската концентрација на моќ во рацете на претседателката на Европската комисија е спротивна на принципите на контрола и рамнотежа. Процесот на донесување одлуки стана нетранспарентен и дискреционен, што предизвикува страв од злоупотреби и корупција, изјави Пипера.

Според него, политиките на Евромисијата резултирале со пропаѓање на мали компании, ризици по суверенитетот на државите и со фрагментацијата на заедничкиот пазар, зголемувајќи ги разликите меѓу земјите членки на ЕУ, а сиромаштијата и регресот во образованието станале нормалност.

Во обраќањето на дебатата во понеделникот Фон дер Лајен ги отфрли обвинувањата на Пипереа, оценувајќи дека иницијативата претставува груб обид за внесување раздор меѓу институциите на ЕУ и меѓу проевропските и продемократските сили во Европскиот парламент. Фон дер Лајен нагласи дека Европската комисија секогаш ќе биде подготвена да соработува со европратениците од проевропските и продемократски сили во Европарламентот за изнаоѓање заеднички решенија, бидејќи, како што рече, духот на компромис е суштина на демократијата.

- Но, не треба да имаме илузии за заканите со кои се соочува нашата демократија. Влеговме во ера на борба помеѓу демократијата и нелиберализмот. Ја гледаме алармантната закана од екстремистичките партии кои сакаат да ги поларизираат нашите општества со дезинформации. Нема докази дека тие имаат какви било одговори, но има доволно докази дека многумина се поддржани од нашите непријатели и од нивните марионети во Русија или на друго место. Ова се движења поттикнати од заговори, од антиваксери, па до апологети на Путин, рече Фон дер Лајен.

Инаку, Фон дер Лајен не присуствуваше на денешното гласање, бидејќи учествува на Конференција за поддршка на Украина во Рим.

Фон дер Лајен отпатува за Рим синоќа, откако постигна договор со лидерите на Прогресивната алијанса на социјалистите и демократите (СД) за одвојување на вреди околу 150 милијарди евра во следната Повеќегодишна буџетска рамка на ЕУ, наменети за стручно усовршување на работниците и за мерки за социјална инклузија.

Постигнувањето договор беше значајно за Фон дер Лајен, затоа што СД се закани дека ако не бидат прифатени овие барања, нејзините пратеници ќе се воздржат од гласање при изјаснувањето по иницијативата на Пипереа.

Иако, воздржувањето на социјалдемократите од гласање немаше да доведе до прифаќање на иницијативата, сепак тоа ќе манифестираше слаба поддршка за Еврокомисијата од партиите на центарот и пад на влијанието на Фон дер Лајен во Европарламентот.

Французинот Одифред нов ракометар на Еурофарм Пелистер 2

Повратникот во македонската ракометна Суперлига, Еурофарм Пелистер 2 ги засили своите редови за новата прволигашка сезона со францускиот десен бек Баптист Одифред.

Французинот Одифред нов ракометар на Еурофарм Пелистер 2

„Дваесетишестгодишниот Одифред, висок 199 сантиметри, е одличен и ракометар со важна улога и во играта во одбрана“, соопшти битолскиот клуб.

Одифред доаѓа во Еурофарм Пелистер 2 со драгоцено меѓународно искуство од настапите Диферданж од Луксембург и јапонски Даидо Стил, откако претходно во Франција настапуваше за Дижон и Безансон.

Одифред потпиша двегодишен договор со Еурофарм Пелистер 2 и ќе му се приклучи на тимот на крајот на овој месец на почетокот на подготовките за новата сезона.

притисни ентер