Забава

Му пришол на полицаец на коњ, сите му се смеат на потегот (ВИДЕО)

На социјалните мрежи кружи урнебесно видео од Хјустон, а најверојатно е снимено пред или после натпревар од НФЛ.

Во главните улоги се појавува полицаец на коњ и момче во професионален дрес на Хјустон Тексас.

Дечкото на почетокот срамежливо му приоѓа на полицаецот и го прашува: „Може ли да го погалам миленичето?“.

Штом добил потврден одговор, наместо коњот го погалил полицаецот по бутот - и предизвикал урнебесна реакција!

И двајцата почнале да се смеат, а „насилникот“ на шега добил удар по раката.

Развојот на необичната ситуација воодушеви многу корисници на социјалните мрежи.

@reganrodriguez3 #can #i #pet #it lmfao. my boy is wild! #WeGoingToJail #HappyBirthdayBro ♬ original sound - Regan Rodriguez

„Ја сакам смислата за хумор на овој полицаец“, „Момчето си го ризикуваше животот, интегритетот и слободата“, „Го гледам видеото цел ден и не престанувам да се смеам“, гласат дел од коментарите.

Свет

Русија со дронови ноќеска ја нападна Украина

Русија во текот на ноќта лансираше 12 дронови и крстосувачка ракета врз Украина, а украинскиот противвоздушен систем уништи 10 од дроновите пред да ја погодат целта, соопштија украинските воздухопловни сили.

Крстосувачката ракета не била уништена, но не ја погодила целта, соопштија претставници на воздухопловните сили без да дадат дополнителни детали. Не беше кажано што се случило со другите два дрона кои не беа уништени.

Агенциите наведуваат дека извештајот не може независно да се потврди.

Дроновите Шахид од иранско производство беа насочени кон северозападниот дел на Украина, соопштија воздухопловните сили. Повеќето од нив се урнати во областа Миколаев на југот на Украина. Нема извештаи за штета од паѓање на остатоци или дронови кои не биле уништени.

Свет

Четворица верници загинаа во напад на католичка миса на Филипините

Четири лица загинаа утрово во експлозија на католичка миса на југот на Филипините. 

Вкупно 42 луѓе претрпеа претежно полесни повреди, соопштија властите, додавајќи дека ситуацијата е под контрола.

Инцидентот се случил во гимназијата на државниот универзитет Минданао во Марави, најголемиот муслимански град во земјата.

Во 2017 година, во Марави се водеше петмесечна битка меѓу владините сили и милитантите поврзани со Исламската држава. Милитантите обединети во групата Даулах Исламијах-Мауте би можеле да стојат зад бомбашкиот напад, изјави бригадниот генерал Алан Ноблеза, полициски командант во регионот.

Генералот Ноблеза рече дека 11 милитанти биле убиени од филипинската војска минатиот петок во соседниот град Дату Хофер Ампатуан, што укажува на тоа дека денешната експлозија би можела да биде форма на одмазда.

Филипинскиот претседател Фердинанд Маркос Јуниор ја осуди експлозијата како „бесмислен и најгнасен“ чин, „извршен од странски терористи“. Тој ја повика јавноста на смиреност.

- Бидете уверени дека извршителите на овој безмилосен чин ќе ги изведеме пред лицето на правдата, нагласи тој.

Свет

Еден загинат во терористички напад во Париз, напаѓачот извикувал „Алах Акбар“ (ВИДЕО)

Еден маж е убиен, а двајца се повредени во напад со нож и чекан на улица во центарот на Париз.

Францускиот министер за внатрешни работи Жералд Дарманин изјави дека напаѓачот ги нападнал туристите околу Кеј де Гренел, недалеку од Ајфеловата кула. Тој додаде дека уапсениот 26-годишен француски државјанин од претходно им бил познат на безбедносните служби.

Осомничениот се приближил до двајца туристи и избодел германски државјанин до смрт, рече тој. Тој потоа со чекан нападнал уште две лица пред да биде запрен со електрошок и уапсен. На повредените им била укажана брза помош.

Дарманин рече дека наводниот напаѓач извикал „Алах Акбар“, што значи „Господ е голем“ на арапски, а подоцна на полицијата и рекол дека е вознемирен бидејќи „толку многу муслимани умираат во Авганистан и Палестина“.

Тој рече дека осомничениот бил осуден на четири години затвор во 2016 година за планирање напад и бил баран од француските безбедносни служби. Исто така, познато е дека човекот страдал од психијатриски нарушувања, рече Дарманин.

Обвинителството за борба против тероризмот соопшти дека ја презело истрагата. Францускиот претседател Емануел Макрон на Х изрази сочувство до сите погодени од „терористичкиот напад“ и им се заблагодари на службите за итни случаи за нивниот одговор.

- Националното обвинителство за борба против тероризмот ќе биде одговорно за расветлување на овој случај за да може правдата да биде спроведена во име на францускиот народ, нагласи тој.

притисни ентер