Лидерот на партијата Филипче најави дека предлогот ќе го достават до партиите, експертите и стратешките партнери на земјава до крајот на неделава, иако засега не сака да открива што ќе содржи документот, вели дека во делот на историската комисија, Македонија би можела да побара и помош од европската унија.

„Не калкулираме, нема итроштини, не правиме никакви трикови. Сметам дека доколку ВМРО–ДПМНЕ и премиерот имаат ваков сериозн пристап кон темата, а не гледам причина да немаат тогаш сметам дека ќе најдеме решение. Се што е направено во контекст на евроинтеграциите е направено во контекст на државните интереси… Ја разбирам грижата на граѓаните, а тоа меѓу другото тие на некој начин и го изразија за време на минатогодишните избори, кога во тој контекст така гласаа, кога станува збор за СДСМ наспроти ВМРО-ДПМНЕ и сметам дека таа грижа на граѓаните не треба да ја ставиме по страна.“ - Венко Филипче – претседател на СДСМ

Според аналитичарот Марко Трошановски добро е партиите да градат национален консензус, иако не верува дека лесно ќе успеат да најдат компромис за откочување на сегашанта позиција на земјава во однос на обврските од францускиот предлог и уставните измени. Но, според него, во ниеден случај решението не треба да се бара во евентулано напуштање на преговори доколку има нови блокади..

„Предлогот за истапување на земјата од преговорите е нуклерано сценарио кое Македоија ќе ја дотера во сериозен ќор сокак и во една траекторија на самоуништување која што секако е катастрофална особено што нашите геополитички позиции во моемнтот не се стабилизирани, надворешно политичките, да се забранат двојни државјанства.- Марко Трошановски - Институт за демократија „Социетас цивилис“

Македонското Собрание во 2021 по предлог на тогаш опозициската ВМРО-ДПМНЕ усвои Резолуција за црвените линии со Бугарија со која се зацврстуваат ставовите на Скопје во преговорите со Софија околу посебноста на македонскиот народ и неговиот историски, јазичен, културен и религиски континуитет, но по францускиот предлог што го прифати Владата на Ковачевски следната 2022 година ВМРО – ДПМНЕ обвини дека се нарушени националните интереси.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.