Дамките крв пред куќата на 31 годишната Росица Коцева и нејзиниот 74 годишен татко Киро Коцев од Велес раскажуваат за хоророт што се случувал вечра во семeјната куќа каде нејзиното поранешно момче 39 годишниот Илија Стефановски од Скопје вечра ги убил во нивниот дом со остар предмет и потоа се самоубил.

Росица уште во февруари и март го пријавила поранешниот партнер за физичко насилство, закани и малтретирање, а судскиот случај завршил само 5 дена пред свирепото убиство на 10 сепптември, само со условна казна.

-Во рамките на оваа постапка, ОЈО Велес нареди и психијатриско вештачење на обвинетиот, а вештото лице се произнесе дека тој не боледува од душевна болест, бил пресметлив во моментот на сторување на делото, бил способен да го сфати значењето на своите постапки и кај него не е регистрирана патолошка опсесивност или патолошка фиксација кон оштетената.

Росица три години била во вонбрачна заедница со Стефановски, а врската ја прекинале лани во октомври. Но, тој не сакал да го прифати ова и барал да ја обноват врската.

Во март Росица го пријавила убиецот и дека во декемрви лани ја држел заклучена во стан во Скопје и и нанел повреди, но за овој случај била повикана да даде изјава во скопското обвинителство дури пред една недела, на 9 септември. Според записникот, тој и се заканил и со зборовите „Или ќе бидеш моја, или ќе бидеш мртва“.

Во меѓувреме, Стафановски во мај го запалил и автомобилот од татко и се обидувал да продолжи комуниакција со неа, но и оваа постапка заглавила..

-Во меѓувреме, на 21.05.2025 година оштетената го пријавува обвинетиот во ОЈО Велес и за неизвршување на судска одлука, бидејќи и покрај дополнителните мерки за заштита од семејно насилство изречени и во граѓанска постапка, тој не ги почитува и продолжува да и испраќа пораки и фотографии со обид да оствари комуникација со неа, а на 18.05 се приближил до нејзиниот дом и го одзел и го запалил автомобилот во сопственост на нејзиниот татко. По оваа пријава, ОЈО Велес ја испита оштетената и на 26.06.2025 година издаде наредба до МВР за обезбедување докази од телефонската комуникација, како и 4 наредби за обезбедување снимки од видео надзор од различни локации во градот. По овие наредби МВР постапува.

Жителите на Велес вознемирени од целиот случај тие во тој период поминувале од улицата кога во еден момент дел од соседите почнале да реагираат откако Росица ја виделе пред портата на куќата.

Росица на својот фејсбук профил во јануари напишала статус по смртта на Фросина што беше прегазена на Партизанска.

„Овде не може ништо да се смени. Корупцијата секогаш ќе биде погласна од сите нас, затоа што оваа држава е резултат на „секој има цена“, а не на морал. Секој ден, потажна слика.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.