Мостот Беласица го мина и последниот тест пред да се пушти во функција

Последни мерења пред целосно да се пушти во функција мостот Беласица. 

На оваа многу значајна сообраќајна артерија денеска се вршеа мереа под максимално оптоварвање за да се утврди дали може да се даде целосно зелено светло за повторното пуштање на сообраќајот на сите 4 ленти. Мерните екипи ги следеа сите параметри додека на мосто беа паркирани 6 натоварени камиони кои вкупно тежеа 208 тони нешти што во пракса и не се очекува дека може да се случи.

Досегашните мерења се оптимистички и во финалниот извештај кој ќе се испрати до градот Скопје кој треба да ја има конечната одлука најверојатно ќе стои дека мостот е целосно безбеден и нема никакви пречки да биде пуштен во функција

Инаку мостот беласица пред речиси цела година во мај лани првиќно беше целосно затворен за сообраќај по пожарот кој изби на тополоводните цевки кои спроведуваат топлинска енергија од Тето кон делови на населбата Аеродром. По првичните анализи и санации мосто после неколку месеци беше делумно пуштен во употреба со по една коловозна лента а со најновите мерења се очекува да биде наскоро и целосно во функција

Mercedes, BMW и VW се откажаа од амбициозен план- последиците ќе бидат големи

Целта беше амбициозна: Mercedes-Benz планираше да произведува само е-автомобили од 2030 година.

Целта беше амбициозна: Mercedes-Benz планираше да произведува само е-автомобили од 2030 година, а веќе во следната година германскиот производител планираше да продаде ист број чисти е-автомобили и plug-in хибриди како оние возила со мотор со внатрешно согорување.

Но, Мерцедес е многу далеку од постигнување на таа цел. Стратегијата „Само електрични“ ја „погреба“ лично шефот на Мерцедес, Ола Калениус, веќе во февруари оваа година, а компанијата од Штутгарт го суспендираше воспоставувањето на нова платформа само за електрични возила.

„Во наредните години ќе ги има и двете: електрични автомобили и ултрамодерни електрифицирани модели со внатрешно согорување. И ако побарувачката е доволно висока, ќе биде длабоко во 2030-тите“, рече Келениус пред две недели на Генералното собрание на компанијата – и со тоа всушност уште еднаш јавно ја призна можеби најголемата погрешна пресметка во поновата историја на Мерцедес, пишува Дојче веле.

Имено, бројките на продадени електрични возила стагнираат. Уделот на целосно електричните автомобили во вкупниот број регистрирани нови возила во првиот квартал од годинава во Мерцедес изнесува околу десет проценти - исто како и лани. Со хибридите, е-автомобилите во Mercedes имаат удел од околу 10% во глобалниот биланс, што е многу далеку од прокламираната цел (50%) до 2025 година.

И ова има последици: компанијата го запре развојот на нова платформа за електрични возила. Во автомобилската индустрија, платформите се нешто како градежни комплети, врз кои се создаваат нови автомобили. Досега платформите за електрични возила и класичните модели со внатрешно согорување беа исти - без разлика дали беа бензински, дизел, електрични модели или хибриди, се работеше на иста подвижна лента, основната конструкција беше иста за сите модели , а во зависност од типот на возилото, во нив е вграден соодветен погон.

Платформата „MB.EA-Large“ требаше да го промени тоа: за прв пат требаше да овозможи дури и големи луксузни модели да се склопуваат од темел во верзија со е-мотор и тоа со зголемување на ефикасноста, на пример во доменот на подобра, посилна батерија. Тоа беше амбициозен проект, инвестиција во иднината на компанијата - но и скап проект. Премногу скап за сегашните податоци за (слабата) продажба на електрични модели.

За јавниот медиумски сервис SWR од Mercedes беше потврдено дека компанијата во секој случај сака да инвестира во е-мобилност во иднина. Во моментов, како што е официјално соопштено, под прашалник е само споменатата платформа, но не и е-автомобилите како такви. Mercedes, како што е потврдено, ќе продолжи со понатамошен развој на батерии, мотори или софтвер.

Mercedes всушност само го следи трендот во автомобилската индустрија. Дури и BMW, по сопствено признание, не се откажува од моторите со внатрешно согорување, слична е ситуацијата и со VW. И тоа и покрај фактот што бројките на Volkswagen (продадени возила) се значително подобри од оние на Mercedes. Дали е загрозен крајот на планираната зелена транзиција во секторот за е-мобилност?

Производителите на автомобили реагираат само на желби на клиентите, вели автомобилскиот експерт Фердинанд Дуденхофер во интервју за tagesschau.de. А клиентите во моментов се несигурни, и тоа многу - поради политичките дејствија, вели тој. „Има многу негативни пораки кои доаѓаат од политичкиот домен, поради овие пораки клиентите станаа повнимателни“, вели Дуденхофер.

Како пример, тој го наведува наглото суспендирање на субвенциите за е-автомобили од федералната влада непосредно пред Божиќ минатата година. Односно, медиумската помпа што уследи по најавата на шефицата на Европската комисија, Урсула фон дер Лајен, дека треба да се преиспита веќе донесената забрана за продажба на бензински и дизел мотори од 2035 година во Европската унија. Сето тоа негативно се одразува на продажбата на е-возила, додава германскиот експерт.

А дополнително, во автомобилската индустрија владее неизвесност поради заканувачкиот трговски конфликт со Кина. САД веќе воведоа казнени тарифи од 100% за е-возилата од Кина, поради можно нарушување на пазарната конкуренција. Во ЕУ има се погласни барања да се следи примерот на Американците. Експертите, од друга страна, предупредуваат на можноста за таканаречена „спирала на казнени тарифи“: доколку Кина воведе и специјални царини, тоа би можело да има значителни последици за германските производители на автомобили. Имено, Кина е можеби најважниот единствен пазар во моментов - особено во секторот за електромобилност.

Министрите на ЕУ не се договорија Украина да користи западно оружје против цели во Русија

Министрите за одбрана на Европска Унија денеска не постигнаа консензус за да ѝ се дозволи на Украина да користи западно оружје за напади врз руска територија. 

Тие исто така не се договорија дали на воените инструктори од ЕУ да им се дозволи да вршат обука на украинска територија, поради стравувањето дека тоа ќе го зголеми учеството во војната и ризикот од директна конфронтација помеѓу Русија и Западот.

Земјите-членките на ЕУ веќе се согласија колективно да обезбедат воена помош за Украина. И додека некои земји обезбедуваат оружје со минимални барања, други го прават тоа под услов оружјето да се користи само на украинска територија.

Високиот претставник на ЕУ, Жозеп Борел по средбата на министрите изјави дека нападите во самоодбрана врз воени цели на руска територија „се легитимен чин според меѓународното право кога се користи на пропорционален начин“.

- Но, исто така е јасно дека тоа е одлука за секоја земја-членка. Никој не може да спречи една земја-членка да ја снабдува Украина со оружје и да и дозволи да го користи за воени цели на руска територија. Исто така, не можеме да ги обврземе да се согласат на тоа, посочи Борел.

Претседателот на Русија, Владимир Путин денеска ги предупреди членките на НАТО дека си играат со оган кога предлагаат да ѝ се дозволи на Украина да го користи нивното оружје за напади на руска територија.

- Постојаната ескалација може да доведе до сериозни последици. Ако овие сериозни последици се реализираат во Европа, како ќе се однесуваат САД, со оглед на нашиот паритет во нуклеарното оружје? Тешко е да се каже – дали сакаат глобален конфликт?, наведе Путин во Ташкент каде е во повеќедневна посета.

Тој додаде за украински напади со оружје со долг дострел е потребна западна разузнавачка и воена помош и сателити, што значи дека Западот мора директно да биде вклучен.

Македонските иселеници од Италија благодарни за честа од претседателката Сиљановска Давкова

Претседателот на италијанско-македонската стопанска комора „АПИ НОРДЕСТ“ Мунир Шемши, преку објава искажува голема  благодарност  за покажаната чест и почит.

Претседателот на италијанско-македонската стопанска комора „АПИ НОРДЕСТ“ Мунир Шемши, кој ја предводеше делегацијата на македонските иселеници во Италија на средбата со претседателката Гордана Сиљановска Давкова во Рим, преку објава искажува голема благодарност за покажаната чест и почит.

- Уште еднаш голема благодарност до нашата претседателка Гордана Сиљановска-Давкова за срдечната средба. Во име на нашинците во Италија можам да кажам само едно дека таа е „Голем човек со огромно срце“, напиша тој меѓу другото во објава на социјалните мрежи.

Додава дека високо ја ценат благодарноста што таа ја изнела на средбата за нивниот, како што рекла, силен придонес кон унапредувањето и продлабочувањето на соработката меѓу двете земји.

Според Шемши, кој е родум од село Коџаџик, општина Центар Жупа и веќе три децении со семејството живее во Венеција, Италија, во оваа земја живее многубројна македонска заедница. Само од поширокиот дебарски регион Дебар, Центар Жупа и подрачјето на Река, општина Маврово и Ростуше има над 10 илјади иселеници.

Дел од нив, меѓу нив и Шемши, успешно се интегрирале во италијанското општество и се успешни стопанственици, кои се подготвени да инвестираат во родниот крај.

По негова иницијатива во 2022 година беше формирана македонско-италијанската асоцијација „АПИ НОРДЕСТ“, по што со поддршка на генералниот конзул во Венеција, Стојан Витанов на 9 и 10 јуни истата година беа одржани два бизнис форуми, во Тревизо и Венеција.

притисни ентер