Свет

Москва ќе биде домаќин на следната рунда руско-американски преговори

Преговорите меѓу САД и Русија за надминување на проблемите во билатералните односи ќе се преместат од Истанбул во Москва, соопшти новиот руски амбасадор во Вашингтон, Александар Дарчиев.

- Враќањето на руско-американските односи на позитивна патека сè уште е далеку, изјави Дарчиев, додавајќи дека приближувањето кон Москва е попречено од таканаречената „длабока држава“ во САД и антируските „јастреби“ во Конгресот. Тој потврди дека следната рунда преговори меѓу делегациите ќе се одржи во Москва во блиска иднина.

Според амбасадорот, Русија е отворена за заедничка работа за решавање на ситуацијата во Украина, вклучително и за отстранување на основните причини за кризата, како и за другите аспекти од широката агенда на руско-американските односи, кои постепено почнуваат да се „одмрзнуваат“.

- Изборот меѓу конфронтација и прагматична соработка зависи од американската страна, нагласи Дарчиев.

Тој истакна дека Русија секогаш ја потенцирала својата подготвеност за отворен и искрен меѓудржавен диалог заснован на еднаквост, реципроцитет и почитување на националните интереси на другата страна. Според него, по „уништувањето“ на билатералните односи од страна на претходната американска администрација, која отворено се залагаше за „стратешки пораз“ на Русија, новата администрација во Белата куќа покажува намера да ги обнови врските и да внесе рационалност во нив, што дава одредена надеж за подобрување.

„За разлика од претходниот период, нашите соговорници во Белата куќа и Стејт департментот не нè избегнуваат и не ги заменуваат суштинските дискусии со монолози и осуди, туку избираат прагматични преговори наместо празни зборови“, рече Дарчиев. Тој додаде дека, иако различните ставови по многу прашања и тешкотиите за наоѓање заеднички јазик не гарантираат брзи резултати, воспоставената преговарачка динамика дава позитивен импулс, поттикнат од четирите телефонски разговори меѓу рускиот и американскиот претседател по смената на администрацијата во Вашингтон.

Дарчиев најави дека Русија очекува наскоро да започнат преговори со САД за обновување на директните авионски линии меѓу двете земји.

Војната во Украина предизвика најголема конфронтација меѓу Москва и Западот од Студената војна. Во 2024 година, високи дипломати од двете страни изјавија дека билатералните односи никогаш не биле полоши. Американскиот претседател Доналд Трамп го опишува конфликтот во Украина како посредна војна меѓу САД и Русија, изразувајќи загриженост за можноста од негово прераснување во светски конфликт.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре променливо облачно со сончеви периоди

Времето утре ќе биде променливо облачно со сончеви периоди.

По одделни котлини ќе има услови за појава на утринска магла. Ќе дува слаб до умерен ветер од јужен правец. Минималната температура ќе биде во интервал од 2 до 9, а максималната ќе достигне од 11 до 15 степени.

Во Скопје, променливо облачно со сончеви периоди. Ќе дува слаб ветер од променлив правец. Минималната температура ќе се спушти до 7, а максималната ќе достигне до 14 степени.

До сабота времето ќе биде релативно топло со повремени локални врнежи од дожд. По одделни котлини ќе има услови за појава на утринска магла. Во недела поради продор на постудена воздушна маса од север ќе има заладување и стабилизирање на времето. Ќе дува слаб до умерен, а во петок повремено засилен до силен ветер од јужен правец.

Тагови: облачно

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

За шест часа контролирани 870 возила – утврдени 73 неправилности кај возилата и 186 прекршоци кај возачите

За сите констатирани неправилности и прекршоци преземени се соодветни мерки согласно законските прописи.

На 06.11.2026 година, во периодот од 14:00 до 20:00 часот, на територијата на целата држава, Секторот за сообраќајни работи при Министерството за внатрешни работи спроведе општа акциска контрола на возачи и возила, насочена кон зголемување на безбедноста во сообраќајот и откривање на неправилности и прекршоци.

Во рамки на контролата биле контролирани вкупно 870 возила, при што констатирани се 73 неправилности во однос на возилата. Од нив, 48 возила биле упатени на технички преглед, при што кај 37 е утврдена техничка неисправност.

Во однос на возачите, констатирани се 186 прекршоци, од кои најголем дел се однесуваат на користење мобилен телефон при управување со возило, некористење сигурносен појас, непрописно паркирање и други прекршоци.

Дополнително, евидентирани се и три случаи на кривичното дело „безобѕирно управување со моторно возило“, согласно член 297-а од Кривичниот законик, како и 137 прекршоци од друг вид.

За сите констатирани неправилности и прекршоци преземени се соодветни мерки согласно законските прописи.

Министерството за внатрешни работи продолжува со спроведување на сообраќајни контроли и апелира до возачите редовно да ја проверуваат техничката исправност на возилата, да ги почитуваат сообраќајните правила и прописи и да придонесат за побезбеден сообраќај.

Тагови: прекршоци

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Учество на претседателката Сиљановска-Давкова на 9. Париски мировен форум

Претседателката Гордана Сиљановска-Давкова престојува во работна посета на Француската Република, по повод учеството на деветтото издание на Парискиот мировен форум.

Сиљановска-Давкова утре, 10 ноември 2026 година, вторник, ќе присуствува на отворањето на форумот којшто годинава се одржува под наслов „Здружување на силите за она што е најважно“.

Таа ќе се обрати на панел-дискусијата „Одбрана на линијата: Суверенитет во ера на хибридни закани“, а ќе биде дел и од свечената вечера, којашто во чест на шефовите на држави и влади – учесници на Парискиот мировен форум, ќе ја приреди претседателот на Француската Република, Емануел Макрон.

Парискиот мировен форум, основан во 2018 година, e меѓународна платформа за унапредување на глобалното управување, мирот и мултилатералната соработка.

Тагови: Гордана Сиљановска-Давкова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.