Свет

Московјаните добиваат бонови за пазарење за да се вакцинираат

Московските здравствени работници се обидуваат да ги убедат скептиците дека е корисно да се вакцинираат против коронавирус, па нудат ваучери за подароци за купување на старите лица кои доаѓаат на одредено место и ја примаат вакцината.

По првата доза на вакцина, граѓаните над 60 години ќе добијат подарок ваучер од 1.000 рубли (еквивалент на околу 13 американски долари) што можат да го потрошат во избрани продавници, аптеки и кафулиња, изјави градоначалникот на Москва Сергеј Собјанин.

Сите заинтересирани треба да се пријават преку веб-страницата каде ќе побараат ваучери финансирани од донациите на компании.

Русија започна со масовна вакцинација на населението во декември, но многу постари луѓе сè уште се доста скептични во врска со безбедноста на руската вакцина Спутник V.

Четири месеци по почетокот на кампањата за вакцинација, според последните податоци, нешто помалку од пет проценти од населението ги примило двете дози на вакцината.

Иако кружат информации за недостиг на вакцини во некои руски региони, тие им се нудат на жителите на Москва дури и во поголемите трговски центри.

Собјанин вели дека според податоците со кои располага, досега во главниот град со дванаесет милиони се вакцинирани околу 400.000 постари лица.

Целиот град е прекриен со постери во кои се повикуваат луѓето над 60 години да се вакцинираат. За време на неколкуте минатогодишни затворања поради тешката состојба со пандемијата, московјаните од оваа возрасна група беа принудени да поминат неколку месеци во своите домови.

Свет

Двајца загинати, 21 повреден во нападот со нож во кинеска болница

Две лица загинаа, а 21 се повредени во напад во болница во југозападна Кина, јави ДПА.

Полицијата во округот Женксионг, во југозападната провинција Јунан, денеска соопшти дека маж од локално село ги извршил нападите со нож непосредно пред пладне.

Нема дополнителни информации за можните мотиви за нападот, ниту за идентитетот на жртвите.

Кинеските државни медиуми претходно објавија за 10 жртви, без да го прецизираат бројот на загинати и ранети.

На кинеската платформа за социјални медиуми Веибо кружеа видеа на кои се гледа апсењето на осомничениот сторител.

На други слики од местото на настанот се гледаат повредени жртви на земја. Полицијата соопшти дека повредените се пренесени во болница.

Обвинителството отвори истрага за инцидентот, соопшти полицијата.

Регион

Си Џинпинг во 2-дневна посета на Белград, ќе биде пречекан од авиони МИГ-29

Со кинески знамиња и билборди со пораки за добредојде испишани на кинески јазик, Белград го пречекува кинескиот претседател Си Џинпинг, кој вечерва пристигнува во дводневна посета на Србија.

Безмалку три и пол илјади полицајци се ангажирани за безбедноста на џинпинг, кој според најавите, доаѓа со 400 члена делегација.

Кинескиот лидер ќе го пречекаат и српските борбени авиони МИГ-29, кои ќе го придружуваат неговиот авион од српската границата до Белград, а потоа на враќање ќе го испратат.

За време на посетата на Србија Си Џинпинг со неговиот домаќин претседателот на Србија Александар Вучиќ ќе разговараат за широк спектар на теми - од политички, економски и технолошки до соработка во областа на културата.

На состаноците се очекува да бидат потпишани над 30 договори од различни сфери..

Свет

Протест пред Берлинскиот слободен универзитет во знак на солидарност со Појасот Газа

 Пропалестинските активисти денеска протестираа пред Берлинскиот слободен универзитет, апелирајќи на студентски отпор низ Германија во знак на солидарност со луѓето во Појасот Газа.

Според процените на портпаролката на Универзитетот во протестите учествувале од 80 до 100 луѓе.

Активистите на групата Студентска коалиција Берлин повикаа на запоседнување на германските универзитети и побараа крај на „колонијалното угнетување“.

Околу 150 активисти на 3 мај протестираа пред Универзитетот Хумболт во Берлин.

Повеќе од две недели на голем број универзитети во САД, во Велика Британија и други земји има протести против израелската офанзива врз Појасот Газа./МИА

притисни ентер