Морските мозасауруси се стари 94 милиони години - Канал 5

Живот

Морските мозасауруси се стари 94 милиони години

Науката досега веруваше дека праисториските влекачи приспособени на живот во морето наречени мозасауруси живееле пред 82 и 66 милиони години, за време на последниот период од мезозојската ера. 

Морските мозасауруси се стари 94 милиони години

Но, новите сознанија говорат за фосили од мозасауруси коишто всушност се стари 94 милиони години.

Истражувањето е спроведено од Бирото за управување со земјиштата и предводено од д-р Бери Олбрајт од Универзитетот во Северна Флорида (УНФ). Научниците од САД, имено, дошле до еволутивни податоци по набљудувањето на остатоци од мозасаурус наречен „Сарабосаурус дали“. Според наодите идентификувани се значајни делови од черепот и аксијалниот посткранијален скелет што одговараат на праисторискиот примерок. Остатоците од праисториското суштество се откопани во национален парк во јужна Јута.

Идејата била поттикната кога истражувачот Скот Ричардсон кој верувал дека има мозасауруси на подрачјето на Северна Америка, и тоа од периодот на доцниот креда-период меѓу 84 и 95 милиони години во минатото.

Пред речиси 94 милиони години, мозасаурусите сè уште биле мали, примитивни копнени суштества и во рана еволутивна фаза на целосна адаптација на морето. Поради тоа, нивните фосили се исклучително ретки и тешко се наоѓаат. Тимот палеонтолози, сепак, овојпат откриле приближно 50 насто од примерокот.

Со текот на времето, мозасаурусите еволуирале во огромни морски грабливци налик гуштери и доминирале во океаните како ловци во вториот дел од ерата на диносаурусите. Слично на нивните предци што живееле на копно, морското животно развило рационализирано тело, со перки и опашки како „весла“ што им овозможило да преживеат во водата. Главната разлика меѓу раните видови мозасаурус и сарабосаурус е во тоа што првиов имал различна циркулација на крвта во мозокот, додека постарото животно било повеќе налик гуштер и се одликувало со релативно примитивна опашка и екстремитети.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп именуваше пратеник за затворениците: „Тој врати 65 Американци од Белорусија“

Американскиот претседател Доналд Трамп денеска објави дека адвокатот и актуелен пратеник за Белорусија, Џон Коул, ќе биде негов специјален претседателски пратеник за прашања поврзани со затвореници.

Трамп именуваше пратеник за затворениците: „Тој врати 65 Американци од Белорусија“

Белорускиот претседател Александар Лукашенко минатиот месец помилува 15 затвореници по разговорите со Коул, кој повеќе од една година преговара со Минск.

„Во текот на изминатата година, Џон веќе обезбеди враќање на повеќе од 65 Американци и државјани на сојузнички земји од Белорусија и договори ослободување на повеќе од 800 политички затвореници од неколку источноевропски земји“, објави Трамп на својата социјална мрежа „Truth Social“.

Коул ќе го замени Адам Болер, за кого Трамп рече дека вратил 196 заложници.

Болер, кој во август помогна да се обезбеди ослободување на поранешен американски маринец од Русија, ќе продолжи да помага околу други прашања како виш советник, додаде Трамп.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Серафимовски: Како министерство сериозно сме засегнати за решавање на проблемите

Министерството за земјоделство, шумарство и водостопанство сериозно е засегнато за решавање на проблемите во делот на пласманот, производството и цената на оризот, порачал ресорниот министер Борче Серафимовски.

Серафимовски: Како министерство сериозно сме засегнати за решавање на проблемите

Тој денеска во Горни Подлог присуствувал на традиционалното зажетнување со срп на 35. издание на манифестацијата „Денови на кочанскиот ориз“.

Тагови: Борче Серафимовски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Измамникoт од Tinder“ лансира апликација – се бара од „Apple“ и „Google“ да ја блокираат

Шимон Хајут, попознат како „Измамникот од Tinder“ – по документарниот филм за измамите што ги вршел – сака да лансира сопствена апликација за запознавање.

„Измамникoт од Tinder“ лансира апликација – се бара од „Apple“ и „Google“ да ја блокираат

Идејата на Хајут е да го искористи своето искуство со измами за да развие платформа наречена „Safe Love“, дизајнирана да ги штити корисниците од луѓе како него.

Хајут тврди дека неговото познавање на методите на лажење, манипулација и измама му овозможува да создаде систем што може подобро да ги спречи таквите активности. Сепак, неговата идеја веќе предизвика реакција во индустријата за онлајн запознавање.

Организацијата „Online Dating and Discovery Association (ODDA)“ испрати писмо до „Apple“ и „Google“, повикувајќи ги да не дозволат апликацијата поврзана со Хајут да се појави во нивните продавници за апликации. Организацијата наведува дека неговата вклученост во апликацијата би претставувала сериозен ризик за корисниците, особено за жените.

Деталите за тоа како „Safe Love“ всушност треба да ги штити корисниците остануваат непознати. Хајут спомна верификација на корисници, модерација и системи за заштита од измами, но не објасни како би функционирале овие системи или точно кога апликацијата би станала достапна.

Во исто време, ваквата апликација покренува дополнителни прашања во врска со довербата. Современите платформи за запознавање сè повеќе користат верификација на идентитетот и други безбедносни механизми, барајќи од корисниците да споделуваат лични податоци. Со апликација основана од некој што е озлогласен по романтични измами, довербата во начинот на кој се чуваат тие податоци ќе биде од особено значење.

Засега не е познато дали „Apple“ и „Google“ ќе го прифатат барањето на „ODDA“. „Safe Love“ сè уште не е објавена како широко достапна апликација, а нејзиното евентуално појавување во продавниците за апликации ќе зависи од усогласеноста со нивните политики и регулаторни барања.

Извор: Б92

Тагови: Tinder

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер