Морски биолог ќе биде првата Швеѓанка во вселената (ВИДЕО)

Џесика Мер ќе биде првата Шваѓанка во вселената.

Мер е 42- годишен морски биолог од американската држава Меин и има двојно државјанство , зашто мајка и е Швеѓанка , татко и Израелец , а родена е во САД.

Вселенското летало ,,Сојуз” денеска треба да полета од Казахстан кон Меѓународната вселенска станица (ISS). Покрај Меир, екипажот го сочинуваат Русинот Олег Скрипочка и Хаза Али Ал-Мансори од Обединетите Арапски Емирати, кој ќе биде првиот патник во вселената од ОАЕ.

Командант е Скрипочка, а заменик е Меир. Патувањето треба да трае околу шест часа.

„Јас сум неверојатно возбудена. Сонував за ова уште од пет годишна возраст“, рече Меир.

Меир работела како доцент на Медицинскиот факултет Харвард и во болницата во Масачусетс. Во 2013 година, НАСА ја избра во тимот на астронаутите од групата 21.

„Денес, јас ги носам соништата и амбициите на мојата земја во една сосема нова димензија. Алах да ми дозволи успех во оваа задача“, напиша Ал-Мансори на Твитер пред да полета.

Ал-Мансори се очекува да остане во орбитата осум дена, а Меир и Скрипочка до април.

Работата на Меѓународната вселенска станица се базира главно на соработка на американско-руските екипи и е дизајнирана за научни истражувања што не би биле можни на Земјата.

притисни ентер