Монструмот кој уби шест лица во Турција, си пресудил кога бил опколен од полицијата- мотивот е непознат (ВИДЕО) - Канал 5

Балкан

Монструмот кој уби шест лица во Турција, си пресудил кога бил опколен од полицијата- мотивот е непознат (ВИДЕО)

Метин Озтурк (37), кој е осомничен за убиство на шест лица, извршил самоубиство откако бил опкружен од полиција додека се криел во колиба во пошумена област.

Монструмот кој уби шест лица во Турција, си пресудил кога бил опколен од полицијата- мотивот е непознат (ВИДЕО)

Метин Озтурк (37), кој е осомничен за убиство на шест лица, вклучувајќи ја и неговата поранешна сопруга Арза Озден во Турција, а потоа ранил уште осум други, извршил самоубиство откако бил опкружен од полиција додека се криел во колиба во пошумена област.

Тој го извршил грозоморното злосторство на 18 мај во округот Тарсус во покраината Мерсин.

Озтурк прво ја убил својата поранешна сопруга на сред улица, потоа влегол во автомобил и отишол во ресторанот каде што работел Сабри Пан (30), со кого бил во лоши односи, и почнал да пука во луѓе по случаен избор.

„Мислев дека го вади телефонот“

Еден од вработените во ресторанот на Сабри, Мехмет Хан Топал, кој бил ранет во пукањето, ги раскажал грозоморните детали од нападот.

„Пристигна нарачка за храна за носење и ја подготвував. Кога Метин влезе во ресторанот, реков „Добредојдовте“. Тој не реагираше. Мислев дека ќе го извади телефонот, но тој извади пиштол и пукаше. Се наведнав и куршумите ми прелетаа покрај увото. Потоа го застрела Сабри. После тоа, ме застрела преку шанкот, погодувајќи ме во колкот. Потоа го застрела Ахмет надвор. Со тешкотии успеав да излезам и да им кажам на моите пријатели дека веќе си заминал“, рече Топал.

Откако ги уби Сабри и неговиот работник Ахмет Ерсан Кан (18) и рани неколку други клиенти, тој се врати во својот автомобил и пукаше низ луѓето што минуваа. Ги застрела Абдула Коџа (50), кој возел мотоцикл, и Јусуф Октај (16), момче кое чувало добиток на ливада.

За време на бегството, тој застана на бензинска пумпа, каде што го застрела возачот на камион Гукај Сефилоглу (50), а потоа случајно рани луѓе покрај кои помина додека бегаше од полицијата.

Полициските и екипите на брзата помош се упатија кон градот откако добија пријави за пукање. По пристигнувањето на неколку места на злосторството, полицајците ги пронашле Арзу Озден, Сабри Пан и Ѓокај Сефилоглу мртви на местото на настанот. Повредените Ахмет Ерсан Кан, Абдула Коџа, Јусуф Октај, Мириџи Вели Шимшек, Мехмет Хан Топал, Мухамет Серин, Рамазан Кара, Мустафа Генч, Исмаил Јуксек, Ахмет Булбул и Мустафа Азваоглу биле однесени во болници. И покрај напорите на лекарите, Ахмет Ерсан Кан, Абдула Коџа и Јусуф Октај им подлегнале на повредите. Бројот на жртви во вооружените напади извршени од Озтурк сега достигна шест, додека осум повредени лица сè уште се на лекување.

Специјалните сили ја поминаа целата ноќ пребарувајќи го патот за бегство на убиецот, користејќи и хеликоптери.

Озтурк бил пронајден вчера во шума во близина на градот. Кога го опколија, го повикале да се предаде, што Озтурк одбил да го стори и се скрил во колиба што ја нашол во шумата.

Околу 8 часот наутро, полицијата ја опколила колибата со намера да провалат и да го уапсат Озтурк. Сепак, кога сфатил дека нема каде да оди, осомничениот се самоубил. Специјалните сили веднаш влегле во колибата, но Озтурк брзо починал.

Мотивот за ова грозоморно злосторство, кое ја потресе Турција, сè уште е непознат.

Тагови: турција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Поповиќ: Граѓаните на Гостивар бараат чиста вода и одговорност, Савески не сака да реагира

Повеќе од еден месец луѓето во Гостивар се трујат со загадена вода. Повеќе од 4.700 лица завршија во болница.

Поповиќ: Граѓаните на Гостивар бараат чиста вода и одговорност, Савески не сака да реагира

А одговорност од власта досега нема од никого.

Граѓаните на Гостивар бараат чиста вода и одговорност за труењето. Досега го нема ниту едното, ниту другото.

Не може цел град да биде отруен, владата да им кажува дека дека водата може да се користи па потоа дека има бактерии, а никој да не сноси одговорност.

Не може институциите да потфрлат и да не го заштитат здравјето на луѓето и никој да не одговара.

Со последната изјава Клековски призна дека во водата во Гостивар имало „многу различни бактерии и вируси“.

А премиерот Мицкоски ги уверуваше граѓаните дека водата е технички исправна.

Ако водата билна полна со бактерии како тврдеа дека е исправна и може да се користи како „техничка“?

Никогаш не беше објавена анализа, извештај за водата, кој дозволил и дал одобрение.

Само затоа што „експертот“ што соопшти беше Мицкоски.

Нема поголем скандал, ниту поголема неодговорност од вакво поигрување со животот на граѓаните.

Ова ова е здравствена катастрофа, тотален хаос и распад на институциите.

И одговорност мора да има!

Доста молчи Јавното обвинителство. Савески наместо на еккурзија мора да реагира веднаш. Мицкоски, Клековски, Тошковски и сите инволвирани мора да одговараат!

YouTube video

Прес конференција на СДСМ, Наташа Поповиќ, членка на Извршниот одбор

Тагови: Наташа Поповиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Манасиевски: Тепачи, трговци со дрога и роднини на Заев, тоа се децата на Филипче кои ги промoвира како иднина на Македонија ако дојде на власт

​Тепачи, трговци со дрога и роднини на Заев, тоа се децата на Филипче кои ги промивира како иднина на Македонија ако тој дојде на власт.

Манасиевски: Тепачи, трговци со дрога и роднини на Заев, тоа се децата на Филипче кои ги промoвира како иднина на Македонија ако дојде на власт

Талогот од СДС си го покажа вистинското лице.

Христијан Ефтимов, Илија Стојанов, Зоран Трифуновски, Филип Андов Сокол и други лица од СДС, ќе бидат иднината на Македонија ако Венко Менгеле дојде на власт.

Каков претседател такви кадри. Заев аболициран криминалец, Ковачевски со неколку кривични пријави и судски процеси за кои се сомничи, Филипче човекот на кого му се запали модуларна болница и над 10.000 граѓани во КОВИД кризата го загубија животот, ете тоа е талогот на општеството, талогот од СДС.

И никој не одговара или пак е само условно осуден, затоа што обвинителско-судскиот систем го држат Заеви и Филипче.

Ваквите луѓе не можат и не смеат да бидат иднината на Македонија.

Македонија не смее да дозволи нов Заев на политичката сцена.

YouTube video

Валентин Манасиевски, портпарол на ВМРО-ДПМНЕ

Тагови: Валентин Манасиевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Потрага по 71-годишен скопјанец во Преспанското Езеро, скокнал по веслата кои паднале во водата

Голема потрага е во тек на Преспанското Езеро откако 71-годишен маж од Скопје исчезна во водите во близина на ресенското село Сливница.

Потрага по 71-годишен скопјанец во Преспанското Езеро, скокнал по веслата кои паднале во водата

Случајот бил пријавен во СВР Битола вчера околу 12:30 часот, кога на брегот излегле двајца рибари и известиле дека нивните двајца сопатници останале на езерото. Според пријавата, 71-годишниот М.М. скокнал во езерото за да ги фати веслата што паднале од чамецот, но повеќе не излегол на површината. Во меѓувреме, силниот ветер го однел чамецот со другиот рибар на околу 1.000 метри од брегот, во правец кон Крани.

Во акцијата за пронаоѓање и спасување вклучена е и специјализирана нуркачка екипа од специјалната антитерористичка единица „Тигар“.

Тагови: Преспанското Езеро

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер