Монодрамата „Делириум тременс“ со Игор Трпчески вечерва на „Охридско лето“ - Канал 5

Култура

Монодрамата „Делириум тременс“ со Игор Трпчески вечерва на „Охридско лето“

Театарската монодрама „Делириум тременс“ работена според делото на Благоја Ристески Платнар, во поставка на режисерот и актер Игор Трпчески вечерва ќе биде изведена на сцената меѓу колонадите на предворјето на катедралната црква „Света Софија“, во рамки на фестивалот „Охридско лето“.

Монодрамата „Делириум тременс“ со Игор Трпчески вечерва на „Охридско лето“
Трпчески, авторот и протагонистот на ова необично театарско искуство, вели дека за него претставува особена чест и задоволство што може преку проектот „Младо театарско Охридско лето“ да биде дел од, како што рече, „оваа голема програма на македонскиот театар“.

Тој појасни дека за само два месеци од премиерата на монодрамата „Делириум тременс“, ова е нејзина петта фестивалска изведба.

- Во еден релативно краток период за една театарска претстава веќе имаме неколку интернационални фестивали, а еве сега и на „Охридско лето“. Премиерата беше на Интернационалниот фестивал на монодрама во Битола. Учествувавме на македонскиот театарски фестивал „ Војдaн Чернодрински“ во Прилеп, на „Дрим-он“ фестивалот во Струга, на Интернационален фестивал „Алба моно“ во Корча, Албанија, каде освоивме две престижни награди - за најдобра театарска претстава од новата европска театарска акција НЕТА и награда за најдобра машка улога, истакна Трпчески, додавајќи дека после „Охриdско лето“ следното гостување ќе биде на фестивалот „Ристо Шишков“ во Струмица, a потоа нејзина изведба ќе има и во Демир Хисар, како и на Бош-фестивалот во Гевгелија.

За самата поставка тој појасни дека текстот започнува како класична комедија која во својот развој преминува низ повеќе фази како апсурд, фарса, музички или кабаретски театар, драма, за да стигне до епски театар, психо-драма или анти-театар.

- Претставата е наменета за сите генерации и во голема мера ги дефинира односите помеѓу уметниците и работниците, нивните влијанија, соработки и антагонизам кој се развива од неразбирање на проблемите на другите и секако за љубовта и морално етичките дилеми, кој кај секој од нас се појавуваат во состојба на љубов, страст и страв, вели Трпчески.

Игор Трпчески е роден 1974 година во Прилеп, а од 1998 година работи како актер во Народниот театар „Војдан Чернодрински“. Дипломира актерска игра на Факултетот за драмска уметност во Скопје, во класата на професор Владимир Милчин во 1997, а специјализира режија во Националната академија за театарска и филмска уметност во Софија во 2005 година, во класата на професор Крикор Азарјан. Од 2003 година регистрира Здружение на граѓани „Театарска работилница – Прилеп“ и со неа работи на повеќе театарски претстави и проекти. Се јавува како организатор на концерти, самостојни изложби и како издавач на пет авторски и три збирки на поезија. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Идентични близначки се омажија за идентични близнаци, тајната ја чувале четири години (ФОТО)

Идентичните близначки Камил и Кенерли Кит, познати како музичкото дуо „The Harp Twins“, се венчаа со идентичните близнаци Дромил и Дромал Волфганг.

Идентични близначки се омажија за идентични близнаци, тајната ја чувале четири години (ФОТО)

Двојката се венча во 2022 година, но со години го криеја бракот од јавноста и го потврдија дури на почетокот на оваа година. Двата пара близнаци привлекуваат внимание на социјалните мрежи, каде што објавуваат содржини поврзани со музика.

Се запознаа по концерт

Нивната приказна започна во 2019 година, кога браќата Волфганг, кои се тапанари, чекаа во ред по концертот на сестрите Кит за да ги запознаат. Тие донесоа цртеж на кој беа прикажани двете сестри.

„Тоа е една од оние ситуации кога веднаш знаете дека ова е тоа“, изјави Камил за Today. По првата средба, четворицата музичари брзо се зближија. Браќата Волфганг наскоро им се придружија на сестрите на турнејата, поради што ги напуштија своите работни места во градежништвото и се посветија целосно на музиката и заедничкиот живот. Со текот на времето, Камил и Дромил се заљубија, како и Кенерли и Дромал, па двете сестри се омажија за двајцата браќа близнаци.

Тие ја криеја свадбата со години

Двата пара се венчаа на ист ден, 22 февруари 2022 година, и во исто време - во 14:22 часот. Церемонијата се одржа во друштво на најблиските роднини и пријатели.

Тие ја објаснија одлуката да го задржат бракот за себе со желбата да избегнат дополнително медиумско внимание и бројни прашања што веројатно ќе следат поради нивната необична семејна комбинација. „Некои луѓе велат: „Тоа е чудно““, рече Дромал, а потоа додаде: „Ние велиме: „Па, можеби си чуден“.“

„Сите сме најдобри пријатели“

Дромил, исто така, зборуваше за посебната врска што ја дели со својот брат. Тој вели дека луѓето кои не се близнаци честопати тешко разбираат колку може да биде блиска таквата врска. „Луѓето кои немаат близнак честопати не разбираат или не ги одобруваат толку блиските врски“, рече тој.

Четворицата беа силно поврзани од самиот почеток, а нивната свршувачка е дополнителна потврда за нивната компатибилност. Двата пара се свршија во исто време и со идентични прстени. „Сите сме најдобри пријатели“, рече Кенерли. „Ги имаме нашиот близнак, нашиот сопружник и неговиот близнак. Тоа е навистина најдоброто од сè.“

Тагови: близнаци близначки

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Доживотна затворска казна доби серискиот убиец Трајко Бојковски од Старо Нагоричане

Доживотна казна затвор за серискиот убиец Трајко Бојковски од Старо Нагоричане -кумановскиот суд го прогласи за виновен по сите точки од обвинението, односно за четири убиства и два обиди за убиство. 

Доживотна затворска казна доби серискиот убиец Трајко Бојковски од Старо Нагоричане

Според судот, таргет биле изнемоштени и стари жени, а мотивот бил некрофилија. Кумановскиот суд не успеал да најде ниту една олеснителна околност при изрекувањето на пресудата.

Обвинителството е задоволно од пресудата - за обвинителот Љубомир Лапе, судот немал друга опција освен да му изрече доживотна затворска казна на Бојковски.

Бојковски и неговиот адвокат смирено ја дочекаа пресудата во судница - но надвор од неа, осудениот на доживотна казна затвор за четири убиства, при влезот во возилото, демонстрираше нервозно однесување и неразбирливи гестикулации. Бојковски е осуден за убиствата на Станче Каровска, Јанка Антевска, Марија Маринковска и Мира Станковска, како и за обид за убиство на Слоботка Арсовска и Росанка Трајковска. Кривичните дела на свиреп и грозоморен начин биле извршени во периодот од јануари 2025 до февруари 2026 година, а жртви биле претежно повозрасни и немоќни жени кои живееле сами.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Акциски контроли на возачи на велосипеди, мопеди, мотоцикли и електрични тротинети

Констатирани 161 прекршок.

Акциски контроли на возачи на велосипеди, мопеди, мотоцикли и електрични тротинети

На 08.10.2026 година, во периодот од 11:00 до 17:00 часот, на територијата на целата држава, Секторот за сообраќајни работи при Министерството за внатрешни работи спроведе зајакнати акциски контроли насочени кон возачите на велосипеди, велосипеди со помошен мотор, мотоцикли, трицикли, четирицикли и лесни електрични возила (тротинети).

При контролите констатирани се вкупно 161 прекршок, за кои се преземени соодветни мерки согласно законските прописи.

Најголем број прекршоци се констатирани на подрачјето на Секторот за внатрешни работи Битола – 44, потоа од страна на Мобилната единица за безбедност на сообраќајот на патиштата – 28, како и на подрачјата на Секторот за внатрешни работи Велес и Секторот за внатрешни работи Струмица, со по 22 прекршоци.

Во рамки на контролите поднесени се и осум кривични пријави согласно член 297-а од Кривичниот законик.

Констатирани се и 493 прекршоци од друг вид.

Министерството за внатрешни работи продолжува со спроведување на зајакнати сообраќајни контроли на целата територија на државата, со цел зголемување на безбедноста во сообраќајот и доследно почитување на сообраќајните правила и прописи.

Тагови: Акциски контроли

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер