Монодрама „Драми на принцезите – Џеки“ - премиера на Драмски театар Скопје - Канал 5

Култура

Монодрама „Драми на принцезите – Џеки“ - премиера на Драмски театар Скопје

„Драми на принцезите - Џеки“ е насловот на монодрамата на Драмскиот театар Скопје (ДТС), која премиерно ќе биде изведена в петок.

Монодрама „Драми на принцезите – Џеки“ - премиера на Драмски театар Скопје

„Драми на принцезите - Џеки“ е насловот на монодрамата на Драмскиот театар Скопје (ДТС), која премиерно ќе биде изведена в петок. Улогата на Џеки Кенеди ќе ја игра актерката Трајанка Илиева-Вељиќ. Монодрамата е дел од претставата „Драми на принцезите“ по текст на Елфриде Јелинек, во режија на Жива Бизовичар, која ДТС премиерно ја изведе во 2024.

Директорот на Драмски, Роберт Вељановски, на прес-конференција денеска рече дека во консултација со словенечката режисерка решиле централниот дел од оваа претстава да го подготоват во форма на монодрама и наместо на големата сцена, ќе се игра на малата сцена на театарот.

-За жал, иако претставата „Драми на принцезите“ имаше високи естетски критериуми, не успеа да заживее во полн сјај на сцената на Драмскиот театар. Одиграна беше десетина пати и немаше интерес за неа. Централнот парче од таа претстава е приказната за Џеки Кенеди и го игра Трајанка Илиева-Вељиќ. Во консултација со режисерката Бизовичар решивме тој дел да го играме во форма на монодрама, рече Вељаноски.

Смета дека ДТС има потреба и од вакви театарски форми и со монодрами да се претставува на сцените на театрите партнери што членуваат во Регионалната унија на театри (РУТА). Посочи и дека оваа претстава е најевтината што ДТС ја продуцирал во изминатите години бидејќи веќе ги имаат потребните реквизити од претходната претстава.

Актерката Трајанка Илиева-Вељиќ, која ќе настапи во улогата на Џеки, рече дека и драматургот на претставата „Драми на принцезите“, Ник Жнидаршич, смета дека драматуршки е издржано да постои монодрама само за Џеки.

За самата приказна Илиева-Вељиќ кажа дека интересно ѝ е што авторката на текстот, Елфриде Јелинек, не раскажува за Џеки Кенеди документаристички и како за историска личност, туку повеќе за Џеки како мит, икона и слика и дека раскажува работи што биле потиснати.

-За сите работи за кои не смеела да говори Џеки Кенеди, за сите работи што биле скриени од неа и за сето тоа што била жената во тоа време. А Џеки е икона на поп-културата на 20 век, модна икона и инспирација на многу жени во светот, која успеала да направи многу работи за две години и десет месеци колку што била прва дама. Мене ми е фасцинантна нејзината слика на челична жена и покрај многуте духови со кои се борела. Авторката на текстот се навраќа фрагментарно, главно, на три болни теми – атентатот, Мерилин Монро и загубата на децата на Џеки. Во последните мигови пред да замине од овој свет чувствува дека не е само нејзина болка, нејзина тага, туку е тага и болка на можеби сите жени во светот и дека тоа треба да биде јавно проговорено за секој да може да се пронајде во таа нејзина слика, рече Илиева-Вељиќ на прес-конференцијата.

Сценограф и автор на музиката за претставата е Јан Крмељ, костимограф е Александар Ношпал.

Тагови: Драмски театар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Кетрин Зета-Џонс: Бракот со Даглас ќе пропаднеше ако престаневме да работиме

Кетрин Зета Џонс (56) откри дека нејзиниот брак со Мајкл Даглас (81) е успешен веќе 26 години. Клучот, тврди, е што времето го поминуваат одделно, посветено на кариерата. 

Кетрин Зета-Џонс: Бракот со Даглас ќе пропаднеше ако престаневме да работиме

Холивудската двојка се заљубила пред речиси три децении, а Даглас наводно и рекол на првата средба: „Јас ќе бидам татко на твоите деца“.

Двојката која има две деца Дилан (26) и Керис (23) исто така помина низ тешки времиња. Тие накратко се разделија во 2013 година, кога на Даглас му беше дијагностициран рак на грлото, а Зета-Џонс се справуваше со биполарно растројство. Набрзо се смириле, а актерката за „The Sunday Times Culture“ објаснила како опстанала нивната врска.

„Мајкл ми вели: „Прифати ја работата, супер е“. Потоа може да лета и да ме посети. Многу е подобро отколку да се разбудите со прашањето: „Што сакаш за појадок, душо?“ Мислам дека нашиот брак немаше да опстане ако изгледаше така“, рече таа.

Посветеност на работата и семејниот живот

Додека Даглас се повлече од актерството во 2022 година по речиси 60-годишна кариера и рече дека ќе се врати само за „специјална“ улога, Зета-Џонс продолжува да работи. По успехот на серијата на Нетфликс „ Wednesday“, нејзиниот следен проект е главната улога во серијата „Kill Jackie“. Кога не снимаат, парот живее во Њујорк, каде што се преселиле откако живееле на Бермуди десет години.

Нивните деца, Дилан и Керис, исто така градат актерска кариера по завршувањето на факултетот. „Тие се обидуваат. Мора да ја следите вашата страст“, ​​рече Зета-Џонс.

Театарско деби на ќерката Керис

Керис, која дипломираше на Универзитетот Браун минатата година, дебитираше во театарот во Њујорк во јули. Таа глумеше во претставата на Чехов „Галеб“, која беше одиграна на крајот на јуни во Бруклин, а видеото од нејзиниот настап стана вирално на социјалните мрежи.

Семејна пријателка потврди дека нејзините родители се „многу горди“ на нејзиниот успех. Самата Керис зборуваше за списанието „People“ за нејзината желба да продолжи да глуми. „Пораснав во театар. Не студирав глума, но среќна сум што сум во креативна средина и се надевам дека ќе продолжам по тој пат“, вели таа.

Во 2018 година, таа го опиша растењето со познати родители за „Town & Country“: „Ме држат приземјена и ме потсетуваат: „Погледни околу себе. Животот што го имаш е извонреден“.

Извор: Индекс.хр

Тагови: Кетрин Зета-Џонс

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Објавена е листа на 10-те најдобри европски дестинации за есен

Европа нуди долга и разновидна есен, со пејзажи кои се движат од планински долини и шуми до лозја, од кои сите добиваат препознатливи сезонски бои.

Објавена е листа на 10-те најдобри европски дестинации за есен

Европа може да биде навистина убава за време на есента, па затоа е објавена листа од десет европски дестинации во кои навистина може да се ужива по летото.

10 европски дестинации за посета за време на есента:

1. Езерото Блед, Словенија

2. Баварските Алпи, Германија

3. Езерскиот округ, Англија

4. Трансилванија, Романија

5. Пертшир, Шкотска

6. Доломити, Италија

7. Долина на Лоара, Франција

8. Лапонија, Финска

9. Долина Дуро, Португалија

10. Национален парк Плитвички Езера, Хрватска

Извор: Индекс.хр

Тагови: Европа есен

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Брод нападнат во близина на оманскиот брег, морнар исчезнат

Индија соопшти дека 13 членови на екипажот се спасени, додека едно лице сè уште се води како исчезнато по нападот врз брод во близина на оманскиот брег во Ормузскиот теснец.

Брод нападнат во близина на оманскиот брег, морнар исчезнат

Осудувајќи го нападот врз трговскиот брод МТ Ел Гаја, индиското министерство за надворешни работи соопшти дека 14 индиски членови на екипажот биле на бродот во времето на нападот, а еден сè уште се води како исчезнат.

„Нашата амбасада во Оман внимателно ја следи ситуацијата и проактивно се координира со оманските власти во тековната операција за пребарување и спасување. Им благодариме на оманските власти за нивната поддршка во спасувањето на нашите државјани“, соопшти министерството.

Повикувајќи на „итна деескалација и дијалог и дипломатија за да се донесе мир во регионот“, Њу Делхи рече дека „таргетирањето на трговските бродови, морнарите, цивилите и цивилната инфраструктура во регионот е неприфатливо“.

Ситуацијата во теснецот не се смирува

„Исто така, повикуваме на итно враќање на слободната и безбедна пловидба и протокот на трговија преку меѓународните водни патишта во регионот“, соопшти министерството.

Британскиот орган за поморски трговски операции (UKMTO) соопшти рано во неделата дека брод што минувал низ Ормускиот теснец бил погоден од неидентификувана муниција.

Во соопштението објавено на интернет се вели дека нема достапни информации за состојбата на екипажот, обемот на штетата или потенцијалното влијание на бродот врз околната средина.

Поморскиот орган соопшти дека е во тек истрага и им советува на бродовите да продолжат да пловат со претпазливост и да пријавуваат каква било сомнителна активност.

Сообраќајот низ критичниот Ормуски теснец останува далеку под нивоата забележани пред почетокот на војната меѓу САД и Иран во февруари оваа година, поради тековните безбедносни ризици и нападите врз трговски бродови што минуваат низ регионалните води.

Извор: Индекс.хр

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер