Според пресекот направен во 18 часот, и податоците пристигнати до Државната изборна комисија, статистиката за излезност на гласачите на Предвремените избори за градоначалник на општина Брвеница е следната:

Од пристигнати податоци од 24 избирачки места, вкупниот број на гласачи кои го оствариле правото на глас изнесува 7241 , или изразено во проценти 44.57%.

Во споредба со првиот круг на локалните избори во 2025 година, излезноста е зголемена за 0.76 %.

Во однос на заштитата на личното избирачко право, до 18.00 часот се пристигнати 10 приговори, од кои 4 приговори се усвоени, додека 6 се одбиени како неосновани.

Следната информација за јавноста ќе биде соопштување на првичните и неофицијални резултати веднаш по комплетирање на податоците од избирачките места.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Неофицијално дознаваме дека во текот на вчерашниот ден и доцна во ноќта, Одделот на криминалистичка полиција при МВР заедно со сите СВР и повеќе инспекциски служби, извршиле рација на повеќе од 60 локации, кафе барови, ноќни клубови, казина, кладилници и останати објекти.

Според сознанијата, Биле констатирани низа неправилности, непоседување апарати за противпожарна заштита, блокирани влезови и излези. Според сознанијата изречени се глоби и забрани за работа на објектите, а некои биле и затворени.

Во локалите биле пронајдени и малолетни лица на кои им бил послужен алкохол. Пронајден е нелегален објект за оnline кладење, извршени претреси и уапсени се повеќе лица.

Се очекуваат повеќе официјални информации од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Локалните болници се под огромен притисок поради големиот број жртви, а во тек е масовна операција за итно реагирање.

Според воени извори, експлозијата се случила околу 16:00 часот по локално време, кога за време на вежба со боева муниција бил погоден гасовод во внатрешноста на базата, пренесува „Глобал њуз“ .

Кралската канадска коњаничка полиција потврди дека биле повикани да интервенираат при пожар на воениот полигон. Сепак, властите сè уште официјално немаат потврдено дека инцидентот бил предизвикан од експлозија. Војската и полицијата спроведуваат истрага, а засега не е познато дали меѓу жртвите има исклучиво војници.

Извор од теренот опиша заслепувачки пламени јазици и хаотични сцени, додека војниците ги качувале своите ранети соборци во возила за да ги пренесат во базата. „Никаква обука не можеше да нè подготви за ваква глетка“, изјави изворот. Доцна синоќа, повеќе од десетина припадници на војската биле испратени во Вејнрајт со падобрани за да помогнат во згрижувањето на жртвите.

Footage from @bkbrey shows the aftermath of the large fire at CFB Wainwright in Alberta, following an incident where a live fire exercise triggered a massive explosion. So far 7 have been reported killed with others injured in the serious incident. Numerous unconfirmed reports also indicate that additional military medical and/or emergency personnel were parachuted in to help aid in the response. More to come.

— OSINTdefender (@sentdefender) October 18, 2026

Канадските вооружени сили соопштија дека нивен моментален приоритет е да им пружат поддршка на настраданите и да ги известат нивните семејства. Поради тоа, нема да објавуваат детали за жртвите сè додека овој процес не заврши. Канадскиот министер за одбрана, Дејвид Мекгинти, вчеравечер потврди дека има загинати и повредени.

„Не паметам ваков инцидент во поновата историја“, рече тој, опишувајќи ја ситуацијата во базата во централна Алберта како многу сериозна и чувствителна. „Ова е многу, многу сложена и деликатна ситуација“, додаде тој.

Неколку болници во Алберта прогласија „Портокалов код“ – протокол што се активира при катастрофи со голем број жртви. Поради преоптовареноста на капацитетите во Вејнрајт, голем број повредени се префрлени во болници во Едмонтон.

„Ова е катастрофа“

Д-р Ворен Тирск, лекар во одделот за итни случаи во болницата „Ројал Александра“ во Едмонтон, изјави за „CBC“ дека станува збор за вонредна ситуација каква што се случува еднаш на секои 15 до 25 години. „Во моментов има повеќе пациенти отколку што некој од нас би сакал да изброи. Ова е катастрофа“, изјави Тирск.

More than a dozen CAF personnel literally parachuting into Wainwright, arriving at the local health centre to respond to the explosion and fire at the nearby Canadian Forces Base. https://t.co/IbmtAiXWpN

— Jeff Semple (@JeffSempleGN) October 18, 2026

Организацијата „Акут Кеар Алберта“ апелираше до граѓаните да не го оптоваруваат здравствениот систем освен ако не е неопходно, со цел да се обезбеди доволно простор за настраданите од воената база. Возила за итна помош од цела Алберта беа пренасочени кон базата, а хеликоптерската служба „СТАРС“ испрати екипи од Едмонтон и Саскатун.

Експлозијата предизвика голем пожар кој, потпомогнат од налети на ветер со брзина до 100 км/ч, брзо се прошири надвор од границите на воениот полигон. Во гаснењето учествуваа пожарникари од неколку околни окрузи, а помош понуди и соседната провинција Саскачеван.

Затворено и избирачко место

Локалните власти околу полноќ соопштија дека ширењето на пожарот е запрено, иако надзорот продолжи во текот на целата ноќ. На жителите на блискиот град Вејнрајт – каде што живеат околу 6.600 луѓе – им беше препорачано да ја избегнуваат погодената област, иако во моментов не е издадена наредба за евакуација.

Поради ширењето на пожарот, вчера мораше да биде затворено и едно избирачко место во Вејнрајт. Тоа беше последниот ден од предвременото гласање за референдум во Алберта. Воената база „Вејнрајт“ лоцирана во рурален дел на источна Алберта, е една од најзначајните канадски бази за воена обука.

Во неа е сместен Канадскиот центар за обука за маневри, а според пописот од 2021 година, во базата биле стационирани 1.310 воени и цивилни лица. Генерал Џени Карињан, началник на Генералштабот на канадските вооружени сили, изјави дека благосостојбата на воениот персонал и нивните семејства останува главен приоритет.

„Голема трагедија“

„Моите мисли се со сите погодени“, рече таа. Премиерката на Алберта, Даниел Смит, го опиша настанот како голема трагедија, додека канадскиот функционер Марк Карни преку социјалните мрежи изрази сочувство до семејствата на жртвите. „Во воената база Вејнрајт во Алберта се случи сериозен инцидент, кој резултираше со голем пожар.

Нашите мисли се со сите храбри мажи и жени погодени од оваа несреќа“, напиша Карни. Други политичари, како што се пратеникот Дејн Лојд и лидерот на опозицијата Пјер Поливр, им се заблагодарија на службите за итни случаи и повикаа на молитви за жртвите и нивните семејства.

Извор: Индекс.хр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.