МОН: Програма за суперучилишта на RYCO - ученици од 23 средни училишта во Македонија ќе се зближуваат со нивните врсници од регионот - Канал 5

Македонија

МОН: Програма за суперучилишта на RYCO - ученици од 23 средни училишта во Македонија ќе се зближуваат со нивните врсници од регионот

Мир, почит, пријателство и соработка се потребни за светот да оди напред. Ова се всушност вредностите на кои треба да ги учиме младите како во рамки на семејните заедници, така и во рамки на образовните установи. 

МОН: Програма за суперучилишта на RYCO - ученици од 23 средни училишта во Македонија ќе се зближуваат со нивните врсници од регионот

Идејата на RYCO е комплементарна со ова што го говорам, ги поддржува напорите за градење на генерации кои ќе сакаат да бидат обединети и со идентична цел - да го трансформираат регионот во подобро, посреќно и просперитетно место за живеење.

Ова го истакна државниот секретар во Министерството за образование и наука, Елена Ивановска на денешната промоција на нови 23 средни училишта од Македонија кои ќе градат партнерства со други во регионот преку регионалната програма за размена на средни училишта од Западен Балкан што ја имплементира RYCO - Регионална канцеларија за младинска соработка.

„Честитки до вас како организација и честитки до училиштата. Вие, училишните раководства и наставниот кадар треба да бидете горди што градите генерации кои во предизвиците и разликите гледаат можности за заедништво. А тие генерации еден ден ќе бидат авангарда на промените што сите сакаме да ги видиме, да видиме обединет и просперитетен Западен Балкан, регион ослободено од предрасуди и место полно со толеранција, разбирање и слога“, рече Ивановска.

Програмата за суперучилишта на RYCO се спроведува од 2021 година и промовира интеркултрно учење, дијалог и партнерства помеѓу средношколците од регионот. Поддржана е од Европската унија и повеќе амбасади, од Министерството за образование и наука и од Германскoто друштво за меѓународна соработка - ГИЗ. Досега преку оваа програма се воспоставени 100тина партнерства помеѓу училишта.

Министерство за образование и наука

Тагови: МОН RYCO

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Никарагва одлучи да го раскине договорот од 1987 година

Министерството за надворешни работи на Никарагва објави дека земјата се повлекува од Централноамериканскиот парламент.

Никарагва одлучи да го раскине договорот од 1987 година

Како што соопшти Министерството вчера, „остварувајќи го своето суверено право“, Никарагва одлучи да го раскине договорот од 1987 година со кој беше формиран парламентот за шест централноамерикански држави, одлуката стапува на сила веднаш, пренесува Ројтерс.

Владата на Никарагва не одговори на барањето за коментар.

Овој потег уследи еден ден откако Организацијата на американските држави (ОАД) усвои резолуција со која се повикуваат властите во Никарагва да ги ослободат политичките затвореници и да ги вратат граѓанските слободи.

Никарагва ја напушти ОАД во 2023 година, тврдејќи дека оваа дипломатска организација станала инструмент на интервенционизмот на САД.

Земјата, исто така, во 2025 година објави дека ќе се повлече од Советот за човекови права на ОН, по извештајот на Обединетите нации во кој меѓународната заедница се повикува да реагира на кршењето на човековите права во земјата.

Политичка криза во Никарагва

Никарагва се наоѓа во состојба на политичка криза од април 2018 година, кога полициските сили ги задушија масовните протести, притоа загинаа повеќе од 350 луѓе, околу 2.000 беа повредени, а илјадници беа уапсени или избегаа од земјата.

Владата на Никарагва, предводена од претседателот Даниел Ортега и неговата сопруга Росарио Муриљо, минатиот јули објави дека земјата повеќе нема да одржува избори. Ортега е на власт во континуитет од 2007 година, откако претходно ја извршуваше функцијата претседател во 80-тите години на минатиот век.

Извор: Б92

Тагови: Никарагва

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп именуваше пратеник за затворениците: „Тој врати 65 Американци од Белорусија“

Американскиот претседател Доналд Трамп денеска објави дека адвокатот и актуелен пратеник за Белорусија, Џон Коул, ќе биде негов специјален претседателски пратеник за прашања поврзани со затвореници.

Трамп именуваше пратеник за затворениците: „Тој врати 65 Американци од Белорусија“

Белорускиот претседател Александар Лукашенко минатиот месец помилува 15 затвореници по разговорите со Коул, кој повеќе од една година преговара со Минск.

„Во текот на изминатата година, Џон веќе обезбеди враќање на повеќе од 65 Американци и државјани на сојузнички земји од Белорусија и договори ослободување на повеќе од 800 политички затвореници од неколку источноевропски земји“, објави Трамп на својата социјална мрежа „Truth Social“.

Коул ќе го замени Адам Болер, за кого Трамп рече дека вратил 196 заложници.

Болер, кој во август помогна да се обезбеди ослободување на поранешен американски маринец од Русија, ќе продолжи да помага околу други прашања како виш советник, додаде Трамп.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Серафимовски: Како министерство сериозно сме засегнати за решавање на проблемите

Министерството за земјоделство, шумарство и водостопанство сериозно е засегнато за решавање на проблемите во делот на пласманот, производството и цената на оризот, порачал ресорниот министер Борче Серафимовски.

Серафимовски: Како министерство сериозно сме засегнати за решавање на проблемите

Тој денеска во Горни Подлог присуствувал на традиционалното зажетнување со срп на 35. издание на манифестацијата „Денови на кочанскиот ориз“.

Тагови: Борче Серафимовски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер