Момче заплови кон цунами во Пацификот, неговата снимка ги преплаши сите (ВИДЕО) - Канал 5

Живот

Момче заплови кон цунами во Пацификот, неговата снимка ги преплаши сите (ВИДЕО)

Земјата сè уште не се смирува во Камчатка, по вчерашниот земјотрес со јачина од 8,8 степени, а едно видео ги шокираше луѓето ширум светот.

Момче заплови кон цунами во Пацификот, неговата снимка ги преплаши сите (ВИДЕО)

За потсетување, по земјотресот во Русија, беа издадени предупредувања за цунами во Калифорнија, Хаваи и Јапонија на Пацификот, што предизвика милиони луѓе да се евакуираат. Повеќето од предупредувањата подоцна беа ублажени, а еден рибар од Хаваи реши да направи нешто неверојатно.

„Ова е нешто ново за мене“

Наместо да се оддалечи од потенцијалната опасност, откако беа активирани сирените за аларм, еден млад човек по име Тајлер се упати во негов правец!

Тој објави неколку видеа од својата, како што ја нарече, „луда“ авантура, додавајќи дека неговото семејство го смета за малку луд.

„Искрено, знам дека сум луд, а моето семејство го знае тоа“, започна Тајлер. „Сепак, ова е ново за мене. Моментално сум на брод, бидејќи добивме предупредување за цунами. Бранот треба да пристигне за два часа, а јас моментално пловам директно кон него. Планирам да сурфам.“

@go_bigorgo_hometylerr Headed out to see now! two hours until it hits us##bigislnad##tsunami##oceanlife##fyp##news##viral##hawaii ♬ original sound - Go_BigorGo_HomeTyler

Безбедно враќање дома

Неговите придружници го замолија да ги известува за ситуацијата за да знаат дека е безбеден, додека некои веруваат дека е побезбеден на отворено море отколку на копно.

„Не мислам дека ќе има проблеми со брановите. Тие ќе станат опасни само кога ќе се приближат до брегот“, напиша едно лице.

Всушност, Тајлер подоцна го објави видеото по враќањето дома, објаснувајќи дека сè поминало непречено и дека уловил неколку риби, објавува „Мирор“.

@go_bigorgo_hometylerr We survived!#tsunami #fyp #hawaii #bigisland #viral #ocean #stormchase ♬ original sound - Go_BigorGo_HomeTyler

Еден од најсилните земјотреси

Земјотресот во Камчатка е еден од најсилните досега регистрирани, но досега не предизвикал катастрофално цунами од кое многумина се плашеа.

Тагови: цунами Пацификот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ТИРЗ: ВДЛ Бус Македонија ќе започне со трета фаза на инвестицијата - производство на нов модел на автобус

Директорот на ТИРЗ Гоце Димовски денес имаше средба со Аврам Стојчевски, генерален директор на компанијата ВДЛ Бус Македонија. 

ТИРЗ: ВДЛ Бус Македонија ќе започне со трета фаза на инвестицијата - производство на нов модел на автобус

На средбата се разговараше за тековните активности на компанијата, реализирањето на третата фаза од инвестицијата која ќе изнесува повеќе од 5 милиони евра, со нови 150 висококвалификувани работни места во рамките на ТИРЗ Скопје 2.

Димовски нагласи дека Дирекцијата за ТИРЗ останува посветен партнер на компаниите кои веќе инвестираат во земјата, преку навремена институционална поддршка и активно следење на нивните потреби. Тој истакна дека токму постојните инвеститори претставуваат најсилен показател за квалитетот на деловното окружување, а нивното проширување е важен сигнал за довербата во домашната економија.

На средбата беше разгледан планот за реализација на третата фаза од инвестицијата, која предвидува производство на нов модел на автобус. Дополнително, беше потврдена заложбата за продолжување на конструктивна соработка, со цел создавање услови за успешна реализација на овој инвестициски циклус, натамошен развој и зајакнување на конкурентноста на домашната економија.

Инаку, компанијата во април годинава од ВДЛ Ван Хоол Македонија се преименува во ВДЛ Бус Македонија, со што истата започна нова развојна фаза во своето работење. Промената е дел од поширокиот процес на трансформација и развој на компанијата, со фокус на понатамошно унапредување на производствените активности и зајакнување на нејзината позиција во автомобилската индустрија.

Тагови: ТИРЗ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДЗС: Неексплодирана граната со калибар 75mm извлечена од под вода во Црна Река кај с. Радобор

Станува збор за граната што била истрелана, но не експлодирала. 

ДЗС: Неексплодирана граната со калибар 75mm извлечена од под вода во Црна Река кај с. Радобор

Пиротехничарот на Дирекцијата за заштита и спасување (ДЗС), Ѓорѓи Стефанов, безбедно отстрани неексплодирана артилериска граната со калибар 75mm, што потекнува од Првата светска војна и беше пронајдена под вода во Црна Река, кај мостот во село Радобор, Општина Могила.

Станува збор за граната што била истрелана, но не експлодирала. За пронајденото убојно средство, ДЗС Битола ја прими дојавата преку единствениот повикувачки број за итни случаи 112.

Тагови: ДЗС

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода црногорец, со „БМВ“ возел со брзина од 205 километри на час

Лишен од слобода црногорец, на автопатот во гевгелиско со „БМВ“ возел со брзина од 205 километри на час, поднесена пријава.

Лишен од слобода црногорец, со „БМВ“ возел со брзина од 205 километри на час

На 13.07.2026 во 11:09 часот на автопатот А1, кај село Милетково, гевгелиско, полициски службеници од СВР Струмица- ОВР Гевгелија го лишија од слобода црногорскиот државјанин Д.Б.(36). При контрола на патниот сообраќај со радар, полициските службеници констатирале дека Д.Б. управувал патничко возило „бмв“ со црногорски регистарски ознаки, со брзина од 205 километри на час, на место каде со сообраќаен знак брзината на движење е ограничена на 120 километри на час. За настанот е запознаен јавен обвинител од Основното јавно обвинителство Гевгелија, а против лицето е поднесена соодветна пријава.

Тагови: бмв

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер