На интернет адресата supportkocani.com сеобјавенитрансакцискисметкина 78 лица потпишани со име и презиме и секој донатор може да избере кому и колку пари ќе префрли преку својата банкарска сметка. Еден од иницијаторите на оваа алатка, Ненад Вржалски, за Канал 5 појаснува дека се направени детални проверки за податоците на семејствата, се работи за анонимни донации, а тој и неговите соработници од сајтот немаат увид во уплатите.
„ Вебсајт кадешто се централизирани сите сметки проверени по неколку пати, одобрени од страна на родители, брат, сестра и нивни најблиски кадешто луѓето ќе може директно физичко лице на физичко лице да донираат кој на кого сака. Значи ние немаме никаков пристап во финансиските средства, тие одат од човек на човек. Кој колку милува, кој колку сака – секоја помош е добредојдена. “-Ненад Вржалски – иницијатор на сајтот „supportkocani.com“
Следниот чекор на креаторите е да помогнат и на семејствата на загинатите кои имаат потреба од финансиска поддршка, а најавува дека наскоро сајтот ќе биде достапен и за донаторите од странство.
Во меѓувреме од Владата уверуваат дека членовите на семејствата на повредените кои се лекуваат надвор од земјава се финансиски целосно покриени за пат и сместување, а веќе има план и за линеарна исплата на сите погодени од трагедијата.
„ Досега се сместени околу 180 лица, некаде околу 5 милиони е моменталниот трошок, велам моменталниот бидјеќи не знаеме колку ќе биде потребно за лекување, а потоа имаме и повратни карти за истите лица. Во координација сме со МНР, тие преку нашите амбасади ни е логистиката во секој град кадешто се наоѓаат лицата. “-Ивица Томовски – директор на СОЗР
„ Бевме информирани од страна на Црвениот крст дека се прави формално правно усогласување и проценка преку која на сите семејствата кои се погодени од ужасната трагедија за почеток ќе им биде дадена финансиска поддршка во висина од 150.000 денари на секое семејство и истите средства ќе им бидат на располагање за покривање на тековни, дневни, најитни трошоци. “ - Марија Митева – портпарол на Влада
Од Црвениот крст информираат дека во нивниот фонд, кој е отворен за телефонски, електронски и банкарски донации, се собрани над 48 милиони денари, или речиси 800.000 евра. Институциите апелираат- граѓаните да бидат особено внимателни да не вршат уплати на непроверени сметки бидејќи деновиве се појавија неколкумина измамници. Освен преку социјалните мрежи, забележани се и лица низ Скопје кои на врата бараат пари, лажно претставувајќи се како родинини на децата од Кочани.