Живот

Мобилен телефон е насликан на слика стара 150 години?! (ФОТО)

Љубителите на уметноста се убедени дека забележале мобилен телефон на уметничко дело од 19 век на кое е прикажан познатиот шкотски поет Роберт Барнс како држи правоаголен предмет.

Сликата од 1882 година наречена „Свршувачката на Брнс и Хајленд Мери“ на уметникот Џејмс Арчер ги прикажува поетот и неговата девојка Мери Кембел како си изјавуваат љубов еден кон друг.

Поетот ја држи капата и капутот над раката, а со другата рака ѝ подава правоаголен предмет на девојката.

Со оглед на тоа што сликата му претходи на пронајдокот на мобилните телефони и поточно на iPhone за околу 125 години, а во тоа време во Лондон започна да работи првата јавна електрана на јаглен во светот, се разбира некој претпоставувал дека тоа мора да е патник низ времето.

И, се разбира, како што се случува, објаснувањето е многу поедноставно.

Не, поетот не сакал да добие број од својата љубов ниту пак правеле селфи во тој важен момент, туку го одбележале со размена на Библии, традиционален чин од тоа време.

Инаку, ова не е првпат луѓето да забележат iPhone или мобилен телефон на слика стара стотици години. Слично се случило и со сликата „Очекуваните“ на австрискиот автор Фердинанд Георг Валдмилер од 1860 година кога луѓето се увериле дека наместо молитвеник виделе мобилен.

Македонија

Земјотрес ноќеска регистриран во Скопје

Земјотрес со јачина од 1,9 степени по Рихтер е регистриран ноќеска во 01:39 часот во Скопје. Епицентарот на земјотресот потекнува од Скопското епицентрално подрачје. 

Сеизмолошката опсерваторија при Природно-математичкиот факултет во Скопје утринава информира дека земјотресот бил со интензитет од три степени според Европската макросеизмичка скала и дека е почуствуван од населението во Скопје и околината.

Македонија

Полицаец со уште двајца учествувал во киднапирање маж- го претепале и му барале 10.000 евра

Јавен обвинител од Основното јавно обвинителство Скопје донесе Наредба за спроведување истражна постапка против две лица кои како соизвршители се осомничени за кривични дела – Разбојништво од член 237 став 1 и Противправно лишување од слобода.

Двајцата се осомничени дека на 23 април противправно лишиле од слобода едно лице, така што го повикале да излезе со изговор дека им е потребна помош, а потоа присилно го внеле во автомобил и се упатиле кон мостот на улицата “Беласица”.

Со возилото управувало трето лице – полициски службеник против кого постапката е издвоена и ќе ја води Одделението за гонење кривични дела сторени од лица со полициски овластувања и припадници на затворската полиција при Основното јавно обвинителство за гонење на организиран криминал и корупција.

Додека полицискиот службеник возел, двајцата други осомничени му се заканувале на оштетениот и му нанеле убодни рани со нож во ногата и во рамото. Кога стигнале под мостот, насилно го извадиле од автомобилот и сите тројца физички го нападнале со удари со клоци и тупаници по целото тело, нанесувајќи му тешки повреди.

Му одзеле околу 8.000 денари колку што имал оштетениот со себе во моментот, а потоа го пуштиле да си оди со закана дека доколку до 1 мај не им исплати 10.000 евра ќе го убијат и него и неговиот татко.

Основното јавно обвинителство Скопје до Основниот кривичен суд Скопје достави предлог за определување мерка притвор за двајцата осомничени против кои постапува. Едниот од нив е во бегство и притворската мерка ќе започне да се применува од неговото пронаоѓање и лишување од слобода, соопштуваат од Обвинителството.

Свет

Израелскиот амбасадор во Шведска го осуди палењето на Куранот во Малме (ВИДЕО)

Амбасадорот на Израел во Шведска, Жив Нево Кулман, го осуди денеска палењето на Куранот во Малме.

Две лица денеска го запалија Куранот во Малме, а едното од нив беше завиткан во израелско знаме, објави „Тајмс оф Израел“.

„Палењето на светата книга Куранот додека се вее израелското знаме е грозен чин на непочитување, не само за 20 отсто од израелските граѓани кои се муслимани, туку и против вредностите како што се толеранцијата и меѓусебното почитување. Го осудувам овој кукавичкиот чин на најсилен можен начин. Малме треба да го обедини музиката наредната недела поради Евровизија“, објави Кулман на платформата Х (Твитер).

Како што претходно објави финскиот јавен сервис Yle, две лица вчера прво прочитаа делови од Библијата, го влечеа Куранот на кучешки поводник, запалија страници од муслиманската света книга и го згазија палестинското знаме.

притисни ентер