МНТ со премиера на „Соларис“ на Жолдак во јуни на „Винер Фествохен“ во Виена - Канал 5

Култура

МНТ со премиера на „Соларис“ на Жолдак во јуни на „Винер Фествохен“ во Виена

Македонскиот народен театар (МНТ) ја подготвува претставата „Соларис“, копродукција на театарот и виенскиот Фестивал „Винер Фествохен“.

МНТ со премиера на „Соларис“ на Жолдак во јуни на „Винер Фествохен“ во Виена
Претставата е според текст на Станислав Лем, а во режија на Андриј Жолдак. Премиерата на оваа претстава ќе биде на 11, 12 и 13 јуни на Фестивалот „Винер Фествохен“ во Виена, еден од најпрестижните светски фестивали. Скопската премиера е предвидена за септември.

Министерката за култура Елизабета Канческа Милевска денеска присуствуваше на проба на претставата заедно со директорот на МНТ Дејан Пројкоски и селекторакта на фестивалот Марина Давидова.

- Имавме исклучителна можност да присуствуваме на мал дел од претставата „Соларис“ која се подготвува за светската премиера во режија на Жолдак, кој веќе работи втора претстава со МНТ. Сметам дека оваа светска премиера во Виена е од исклучително значење, пред се, за Македонскиот народен театар, рече министерката.

За септември, Канческа Милевска рече дека се надева оти ќе се исполнат плановите за нова, оваа година втора копродукција, со театарот од Полска.

Режисерот Жолдак го поставува „Соларис“ како еден вид на повратен лет - патување од далечна ѕвезда во најскриеното себе, во свет кој е помистериозен од пространата вселена, фасцинантна и опасна одисеја низ сеќавањата и искрените копнежи.

За режисерот Жолдак ова е втора соработка со МНТ. Претходно тој ја работеше на претставата „Електра“.

- Имам одлични искуства. Воспоставивме одлични искуства со актерите и со сите институции. Многу ми е мило што можеме да соработуваме со МНТ и со Македонија. Овој процес воопшто не е лесен. Имаме 40 дена за проби. Не би сакал да зборувам за претставата бидејќи сме на средина на работата, рече Жолдак.

Пренесувајќи ги своите чувства, тој додаде дека ова е добар избор и посочи дека директорот Пројкоски, со текот на времето создал можеби најдобар театар на Балканот.

- Мојата лична теорија е дека луѓето се тие што прават се, и секако важни се тимовите. Јас Македонија ја сметам за мој втор дом. „Соларис“ е планирано да биде сериозна претстава, но се е можно во оваа уметност така што ќе видиме што ќе излезе, рече режисерот Жолдак.

Селекторката на фестивалот Марина Давидова истакна дека ова е прва соработка со МНТ, на еден од најважните светски театарски фестивали во светот.

- Претставува голема одговорност за мене како и за режисерот. Се обидов да ја направам најдобрата можна програма. Имаме навистина големи имиња од европскиот и светскиот театар. Продуцијата на „Соларис“ на МНТ е дел од една многу силна и добра програма. Иако нема официјален натпревар се надевам дека ќе бидете најдобри и на некој начин ќе победите, рече Давидова, посочувајќи дека станува збор за еден голем меѓународен проект.

Директорот на МНТ Пројкоски му се заблагодари на Жолдак што ја одбрал Македонија и МНТ да биде местото каде што ќе ја работи „Соларис“, како и на Министерството за култура кое ја поддржало нивната идеја за промоција на своите претстави надвор од земјата.

- Ако се запрашаме сите што значи современиот тетатар денес, естетиката на современиот театар, кои се големите имиња на современиот театар, на режисери, одговорот е прост - ќе ги најдете на Фестивал „Винер Фествохен“, рече Пројкоски кој посочи оти е горд и многу среќен што премиерата на претставата и што МНТ ќе почен да се промовира во Европа. Виена, како што рече, е почетокот на играњето и презентирањето на МНТ во она што се нарекува прва лига на театарки и фестивали.

Актерската екипа на „Соларис“ ја сочинуваат Дејан Лилиќ, Дарја Ризова, Александар Ѓорѓиоски, Славиша Каевски, Драгана Левенска, Александар Михајловски, Борче Начев, Софиа Насевска - Трифуновска, Арна Шијак, а во претставата настапуваат и три деца.

Сценографијата е на Жолдак и Моника Пормале, костимограф Даниел Жолдак, асистент на режија Никола Кимовски, а музиката е на Владимир Кликов.








Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кузеска: Граѓаните гледаат кој медиумски ја спонзорира Платформата ЗНАМ 2.0 - покровителот е арамијата Мицкоски

Вчера објавивме кој му го плаќа лобирањето на Мицкоски во Америка.

Кузеска: Граѓаните гледаат кој медиумски ја спонзорира Платформата ЗНАМ 2.0 - покровителот е арамијата Мицкоски

Приватна фирма за муниција, оружје. FARA 6170. 1,56 милиони долари годишно. Човек уапсен за мито околу оружје. Казна платена од човек од кокаински канал.

Го објавивме и планот за рудниците - антимон, Иливица–Штука, Казан Дол. Распрoдажба на земјата.

За нив провизија. За народот отров.

Нема одговор од организираната криминална група. Има кампања против претседателот на СДСМ, проф. д-р Венко Филипче.

Ги открија сите карти. Орбановите и медиумите на Вучиќ во Македонија.

Таканаречени независни аналитичари како ВМРО-овецот Јове Кекеновски. Соработници на БИА. Геро, Ивона, Латас по социјални мрежи. Ботови на СНС. Трол-фарми преку израелска фирма.

Затоа и министрите од ЗНАМ 1.0 јавно им даваат поддршка. ЗНАМ 1.0 со јавна поддршка за на ЗНАМ 2.0.

Сите заедно против единствениот бастион на слободата - СДСМ. Сите заедно против Филипче, кој секој ден се бори против оваа банда, на терен, со граѓаните, со народот што едвај го врзува крајот со крајот.

Ете, граѓаните сега имаат црно на бело. Тендери за основачите на Платформата „за иднината на Мицкоски“. 1,6 милиони евра. Помалку од Гета. Повеќе од нивната чест.

Нема да помине. Готово е со дефокусот. Со лагите. Со црните кампањи. Со Дубаи и Харис Џиновиќ.

Доаѓа време на вистина и правда. Сите ќе одговараат.

Власта ќе ја вратиме во рацете на граѓаните.

Бандата ќе одговара, рече Богданка Кузеска – портпаролка и членка на Извршниот одбор на СДСМ.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Филипче треба да се свести и да си ги решава состојбите во партијата, а не да се жали дека други се криви што СДС се распаѓа

Талогот на СДС и Венко Филипче најдобро е да престанат да плачат во јавност. Ако продолжат да плачат очигледно им е јасно дека тонат во опозицискиот блок.

ВМРО-ДПМНЕ: Филипче треба да се свести и да си ги решава состојбите во партијата, а не да се жали дека други се криви што СДС се распаѓа

Венко Филипче и талогот од СДС треба да прекинат со жалби дека ВМРО-ДПМНЕ му ја раситнува партијата.

Филипче треба да се свести и да си ги решава состојбите во партијата, а не да се жали дека други се криви.

Тоа што лица излегуваат од СДС и самостојно настапуваат, очигледно е дека внатре во самата партија што би се рекло народски, смрди.

Затоа на Филипче и талогот да им е јасно, прво, на ВМРО-ДПМНЕ му одговара ваков СДС, второ ВМРО-ДПМНЕ не сака, ниту има намера да се меша во нивните работи, времето се троши продуктивно на спроведување проекти во интерес на граѓаните и државата, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Во Чешиново Облешево се работи на локална инфраструктура, чистење на диви депонии и подобри услови за млади

Во општина Чешиново Облешево изминатава година се работи на подобрување на условите за живот на граѓаните и создавање подобри можности за семејствата, младите и најмладите. 

ВМРО-ДПМНЕ: Во Чешиново Облешево се работи на локална инфраструктура, чистење на диви депонии и подобри услови за млади

Во делот на поддршката за семејствата, секое прваче доби финансиска поддршка од 3.000 денари, додека за секое првородено дете семејствата добија парична помош од 6.000 денари. Исто така, младите брачни парови се ослободуваат од комунални трошоци за изградба на дом.

Локалната власт предводена од ВМРО-ДПМНЕ, вложува и во подобрување на локалната инфраструктура. Реконструирани се улиците „Сремска“, „Јоаким Крчовски“, крак на улицата „Први мај“ и „Осоговска“, а во завршна фаза се улиците „Маршал Тито“ и „Прохор Пчински“.

Посебно внимание се посветува на најмладите и на создавањето подобри услови за нивниот развој. Во тек е проширувањето на детската градинка во с. Облешево, со цел зголемување на капацитетите. Изграден е и нов парк во Облешево со детски реквизити, а реконструиран е спортскиот терен во ООУ „Страшо Пинџур“ Соколарци.

Во насока на создавање почиста и поуредна животна средина, исчистени се диви депонии, а предвидена е и набавка на мулчер и нова компресорска цистерна.

Општината формираше и Земјоделски совет, кој ќе работи на изнаоѓање конкретни решенија за проблемите со кои се соочуваат земјоделците и ќе придонесе за подобра комуникација и поддршка на земјоделскиот сектор, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер