МНТ со „Аферата Елсинор“ пред публиката на „Охридско лето“ - Канал 5

Култура

МНТ со „Аферата Елсинор“ пред публиката на „Охридско лето“

Драмската програма на годинешното издание на „Охридско лето“ продолжува со вечерашната изведба на претставата „Аферата Елсинор“, работена според текст и режија на Љубиша Георгиевски, а во изведба на бројна екипа на Македонскиот народен театар.

МНТ со „Аферата Елсинор“ пред публиката на „Охридско лето“

- Претставата е работена како јубилеј - 77 години од раѓањето на Љубиша Георгиевски и 55 години од неговото творештво. Дејството во неа се случува во дворот на Елсинор, сите ликови од „Хамлет“ се ставени во мошне специфичен концепт. Претставата има многу духовитост, но и цинизам, интелектуелна претстава подготовена за пробирлива публика, но и гледачите кои првпат се среќаваат со театарот ќе можат да видат неверојатна приказна во прекрасни околности, изјави селекторот на драмската програма на „Охридско лето“, Ѓорѓи Јолевски.

Тој најави лепеза фанстастични актери кои играат во претставата, со уверување за незаборавно театарско искуство за гледачите.

Јордан Симонов, кој ја толкува главната улога на Хамлет во „Аферата Елсинор“, рече дека било мошне лесно да се работи со професорот Герогиевски, оттаму што целата работа била сведена на некаков сублимат ос де она што режисерот го видел, прочитал во „Хамлет“.

- Мене ми беше мошне лесно, само требаше да ги одбереме моментите со режисерот за тоа како ќе го водиме ликот. Ова ми е шеста соработка со Георгиевски, така што заклучокот е дека Георгиевски ми верува, па ми ја додели ето главната улога, изјави Симонов.

Претставата „Аферата Елсинор“ за Владо Јовановски кој ја игра улогата на Клавдиј, рече дека се работи за сериозна, ансамбл-претстава во која учествува поголемиот дел од актерската екипа на МНТ.

- Добар дел од текстот е на Љубиша Георгиевски, видоизменет е оригиналот на Шекспир...Настанува една крими-приказна, со заплет каков што нема кај Шекспир. Во приказната се работи за една декаденција во дворот, оттаму што се работи за политички текст кој никого не остава рамнодушен, ниту оние кои се занимаваат со уметност, ниту оние со политика, ниту публиката. Уверем сум дека гледачите ќе видат многу работи кои ќе заинтригираат, изјави Јовановски.

Текстот на претставата е еден вид дијалог со Шекспир во вид на пиеса. Претставата е еден обид за форензичка анализа, за тоа кој како и зошто загинал во дворецот Елсинор. Структурата во претставата е тројна, односно публиката ќе види три претстави во едно. Тоа е телеграфска претстава, а самата структура на претставата е рашомонијада направена според изјавите и сведочењата на Клаудиј - кралот на Данска, Гертруда - кралицата на Данска и сведочењата на Офелија.

- Публиката ја повикувам не да сеири, ами да ми ја доврши претставата. Како што впрочем, ме знаат постарите меѓу вас, дека јас ниту една претстава не сум успеал да завршам. Не дека не сум сакал и не сум можел, туку публиката ја довршувала, на овој или на оној начин, вели режисерот Георгиевски.

„Аферата Елсинор“ ќе се игра на големата сцена на Центарот за култура „Григор Прличев“ со полеток од 21 часот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Новата снимка од Мараја Кери предизвика загриженост, фановите коментираат

Снимка од Мараја Кери во Бразил предизвика загриженост кај нејзините обожаватели.

Новата снимка од Мараја Кери предизвика загриженост, фановите коментираат

На социјалните мрежи, луѓето почнаа да се прашуваат дали сè е во ред со 57-годишната пејачка, откако видео од нејзино јавно појавување покажа дека таа се движи малку нестабилно додека излегува од автомобил.

За време на престојот во Бразил, пејачката делеше автограми и се фотографираше со фановите кои се собраа да ја поздрават, држејќи транспаренти. Иако изгледаше добро расположена, некои гледачи забележаа дека ѝ треперат рацете и дека чекори несигурно. Снимката беше објавена на „TikTok“.

Фановите се прашуваат дали сè е во ред

„Дали треба да се грижиме?“ – праша еден корисник на „TikTok“. „Изгледа како да чувствува болка“, напиша друг, додека трет ѝ посака добро здравје на пејачката: „Се молам за неа и ѝ испраќам убави желби на нашата Божиќна кралица“.

Сепак, не сите ја протолкуваа оваа ситуација како причина за загриженост. Некои укажаа на конкретните услови во кои се движеше пејачката: врнеше дожд, теренот беше закосен, а Кери носеше високи потпетици.

„Како прво, врне дожд. Второ, теренот е закосен. Трето, таа носи високи потпетици. Четврто, не сака да падне“, напиша еден корисник. На снимката се гледа и како нејзиниот асистент ја држи околу половината додека таа поминува покрај фановите. Засега нема информации кои укажуваат на тоа дека Мараја Кери има некакви здравствени проблеми, а самата снимка не е доволна за да се донесе таков заклучок.

Тагови: Мараја Кери

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Microsoft“ и големиот прекин – што навистина се случи?

Услугите на „Microsoft“ конечно работат правилно по повеќе од 24 часа –што навистина тргна наопаку?

„Microsoft“ и големиот прекин – што навистина се случи?

„Microsoft“ го реши големиот проблем што предизвика повеќе од 24 часа застој на „Microsoft 365“, тоа предизвика сериозни прекини во работењето на бизнисите и владините агенции низ целиот свет.

Проблемите започнаа на 12 ноември околу 17:17 часот по средноевропско време, кога услугата „Exchange Online“ падна. Малку повеќе од два часа подоцна, проблемите се проширија на остатокот од платформата „Microsoft 365“.

Што го предизвика тоа?

„Microsoft“ првично се сомневаше дека невообичаено големиот сообраќај е причина за проблемите. Сепак, последователната истрага покажа дека неколку серверски системи неочекувано престанаа да работат, оставајќи ги преостанатите сервери неспособни да се справат со зголеменото оптоварување.

Обидите за рестартирање на серверите беа неуспешни, бидејќи тие повторно престанаа да реагираат откако се врати сообраќајот. Компанијата на крајот утврди дека проблемот е поврзан со претходно надградување на капацитетот на мрежата, предизвикано од последователна промена во мрежната инфраструктура.

Потоа инженерите применија поправка на компонента одговорна за автентикација и насочување на сообраќајот. Обновувањето беше спроведено постепено, со обработка на заостанати е-пораки.

„Microsoft“ нагласи дека нема докази за злонамерна активност и дека вештачката интелигенција не е причина за проблемот.

Кој беше засегнат?

Покрај „Outlook“ и „Exchange Online“, прекините влијаеја на календарите на „Teams“, закажувањето состаноци, „Copilot“, „SharePoint“ и „Intune“. Некои функции продолжија да работат за време на прекинот.

Влијанието се почувствува надвор од технолошкиот сектор. Националната здравствена служба на Велика Британија (NHS) мораше да се потпре на алтернативни системи, додека индиските авиокомпании „Air India“, „IndiGo“ и „Akasa Air“ пријавија проблеми со поддршката за е-пошта.

Проблемите влијаеја и на финансиските институции. Една тајванска компанија дури мораше да користи факс за да ги потврди трансакциите со акции.

Според „Downdetector“, имало повеќе од 7,4 милиони пријави за проблеми низ целиот свет. Сепак, овој број не го претставува вкупниот број на индивидуални корисници погодени од прекинот.

Извор: Б92

Тагови: Microsoft

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Франција на нозе: 200.000 луѓе на улиците

Француската полиција уапси 121 лице за време на протестите одржани низ целата земја, објави француското Министерство за внатрешни работи.

Франција на нозе: 200.000 луѓе на улиците

Според Министерството, околу 106.000 луѓе учествувале во демонстрациите, додека синдикатите проценуваат дека околу 200.000 граѓани се собрале на улиците.

22 лица се приведени во Париз, вклучувајќи тројца малолетници. Апсењата се главно за носење оружје од категорија Д, навреди и кршење на забраните за посетување одредени места или учество во демонстрации, објавува „BFMTV“.

Според полициските податоци, околу 24.000 луѓе протестираа во француската престолнина, додека младинските синдикати проценуваат дека на улиците имало близу 100.000 демонстранти.

Низ цела Франција се одржаа повеќе од 60 протестни собири. Во Париз истовремено се одржаа три одделни демонстрации - против предлог-закон за претпоставка за легална употреба на оружје од страна на безбедносните сили, меѓународен марш против насилството врз децата и протест на движењето „Жолти елеци“ против зголемувањето на трошоците за живот.

Тензии беа пријавени во Париз, Бордо, Нант, Лион и Руан. На Плоштадот на нацијата во Париз, полицијата употреби солзавец за да ја растера толпата, што предизвика први знаци на паника кај демонстрантите.

Во Нант, полицијата употреби водени топови, додека во Бордо беа пријавени судири за време на кои некои демонстранти фрлаа предмети кон полицијата.

Во Тулуз, според организаторите, протестираа 6.000 луѓе, додека полицијата соопшти дека имало 1.800. Собирот помина без инциденти.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер