Една наставничка (61) им подлегнала на повредите, додека другите две повредени лица биле пренесени во болница.

Полицијата и службите за итна помош биле испратени во основното училиште во Сташков утринава, по пријавите за напад со остар предмет.

Според извештаите на словачките медиуми, напаѓачот е ученик од осмо одделение кој употребил нож за да нападне две наставнички и една ученичка.

На местото на настанот биле испратени две возила на брза помош и два хеликоптери за спасување. Биле спроведени итни интервенции, а повредените добиле медицинска помош.

Петра Климешова, портпарол на Оперативниот центар на Службата за итна медицинска помош, потврди дека дете во критична состојба било пренесено со хеликоптер во болницата во Мартин.

Второто повредено лице, 44-годишен пациент со убодна рана во градите, било пренесено со хеликоптер во болницата во Жилина откако му била укажана прва помош.

За жал, 61-годишна жена се здобила со тешки повреди и починала.

Полицијата потврди дека го истражува насилниот инцидент, додека надлежните апелираа до јавноста да не шири непроверени информации. На местото на настанот се упатија и министерот за внатрешни работи Матуш Шутај Ешток, министерот за образование Томаш Друкер и министерот за здравство Камил Шашко.

Словачкиот јавен обвинител Марош Жилинка исто така издаде соопштение, истакнувајќи дека трагедијата претставува повик општеството во целина посериозно да се соочи со појавите на насилство, омраза и растечка агресија.

Во меѓувреме, училишниот совет изрази солидарност со учениците, наставниците и семејствата погодени од трагедијата. Тие нагласија дека училиштата мора да бидат безбедни места за учениците и персоналот и повикаа на системски пристап кон решавање на прашањата за безбедност во образовните институции.

Полицијата ја продолжува истрагата, а дополнителни детали за околностите на нападот се очекуваат откако надлежните ќе ја завршат увидната постапка на лице место и ќе објават официјални информации.

Извор: Б92

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

За време на посетата, покрај состанок со менаџментот, беше остварена и обиколка низ производствениот погон.

Во рамки на средбата се разговараше за тековните активности на компанијата, идните планови и можности за понатамошен развој. Посебен акцент беше ставен на отворената комуникација и соработката со Дирекцијата за ТИРЗ, со цел навремено согледување на потребите на компанијата и обезбедување соодветна поддршка во рамки на надлежностите на Дирекцијата.

Димовски истакна дека непосредната комуникација со компаниите е важна за подобро разбирање на потребите, но и за навремено наоѓање решенија за предизвиците со кои се соочуваат. Тој посочи дека Дирекцијата за ТИРЗ останува посветена на отворена и редовна комуникација со компаниите, како и на создавање услови во кои тие ќе можат непречено да работат и да ги реализираат своите развојни планови.

Од страна на менаџментот на компанијата, беа презентирани тековните активности, како и плановите за во иднина, а се разговараше и за дополнително унапредување на работните процеси. Беше изразена благодарност за континуираната поддршка и конструктивниот дијалог со Дирекцијата за ТИРЗ, истакнувајќи ја важноста на заемната соработка за одржлив економски раст.

​Оваа посета е дел од редовните активности на Дирекцијата за ТИРЗ за одржување директен контакт со инвеститорите во технолошките индустриски развојни зони ширум земјата, со цел да се обезбеди стабилна деловна клима и да се поттикнат нови вложувања.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Надлежен јавен обвинител од ОЈО ГОКК донесе Наредба за спроведување истражна постапка против три лица поради постоење основано сомнение дека првоосомничениот сторил кривично дело „Тероризам“, а заедно со останатите двајца осомничени и кривично дело „Неовластено изработување, држење, посредување и тргување со оружје и експлозивни материи“.

Наредбата за спроведување истражна постапка се темели на докази обезбедени во текот на претходно спроведена предистражна постапка, на документација и докази од предмет што е во фаза на судење, како и докази обезбедени преку меѓународна правна помош.

Ценејќи дека се исполнети законските услови за определување мерка притвор, јавниот обвинител до судија на претходна постапка при Основниот кривичен суд – Скопје достави предлог на тројцата осомничени да им биде определена мерка притвор во траење од 30 дена,стои во соопштението на Јавното обвинителство.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.