Министерството за надворешни работи го поздравува успешно спроведениот попис на населението, кој Државниот завод за статистика како овластен носител на статистички истражувања го спроведе со употреба на најмодерни алатки и технологии, согласно меѓународните стандарди и критериуми на Евростат.
-Во тој процес, Министерството за надворешни работи го даде својот придонес во делот на попишувањето на нерезидентното население на Македонија во дијаспората, за што изразуваме посебно задоволство. Успешно завршениот попис е од големо значење за многу сегменти на функционирањето на државата и општеството, како и за обезбедување понатамошен развој, и дотолку по значаен имајќи предвид дека последниот попис во државата беше направен во 2002 година, се вели во соопштението од МНР.
Во интерес на сите страни, нагласуваат од Министерството, е резултатите на овој значаен реализиран државен проект да бидат поздравени и поддржани во нивната понатамошна практична употреба, а нивното политизирање подложи на тврдења кои не се засновани на оправдани и издржани аргументи и стандарди.