Македонија

МНР апелира до македонските државјани кои се во Мексико да ја напуштат државата поради тамошните немири

Мексико во пламен – Халиско картелот по ликвидацијата на нивниот лидер, наркобосот „Ел Менчо“ ги претвори улиците во воено поле. Одекнуваат експлозиви и пукотници од огнено оружје во судирот со безбедносните сили.

Немесио Осегера Сервантес – познат како „Ел Менчо“ на прострелните рани од акцијата која безбедносните сили ја спровеле в зори им подлегнал во хеликоптер, барајќи спас во Мексико Сити - Исход кој го ослободи бесот и препознатливата бруталност на картелот што ги доведе и државата и нејзините граѓани во неизвесност.. се палат бензиски пумпи, автомобили и камиони, се вршат напади на аеродромите, се блокираат патишта, а се пука и на цивили.

-Само што свртевме, неколку возила не затворија, лица со оружје во рацете ни рекоа да излеземе во спротивно ќе бидеме во неволја. Потоа дојде уште едно возило и го запалија нашиот автомобил со бензин./ Ми кажаа дека патиштата до мојот дом се затворени и дека тие палат возила.

Други пак се нашле во центарот на случувањата - Она што требало да биде обичен ден за следење на интернационален маратон, се претворило во пекол и борба за преживување.. Мексикански новинар сподели видео од тоа што го доживеал и просведочил на Халиско откако тргнал кон аеродромот по препораките на надлежните, кои подоцна зажалалил што ги следел.

-Тоа го правевме кога бесот на Халиско Картелот се ослободи по падот на Ел Менчо. Со оружје во раката, ни сигнализираа дека треба да свртиме десно и за време на тоа видовме дека извлекоа возач од неговото возило и потоа го застрелаа. Потоа пукаа и на нас. Еден од тие куршумите помина низ левото задно стакло, го помина цел џип и излезе на другата страна, пробушувајќи ја каросеријата,- - Жител на Халиско.

Без особен смирувачки тон и мексиканската влада која прогласи Црвен Код - највисокото ниво на алармантност. Гувернерот на Халиско вели дека состојбата е критична и клучно е граѓаните да ги следат препораките и да не преземаат непотребни ризици..

-Главната задача во текот на денот беше да се зачува безбедноста на граѓаните. Со таа причина, од утринава, од оваа маса за безбедност, на која има постојана седница, активиравме Црвен Код кој и во овој момент трае. Она што го живееме денеска е исклучок и сакам да испратам порака до сите во Галиција, бидејќи, соочувајќи се со неизвесноста во овие првични часови, постојано однесувајте се одговорно, следете ги препораките без да преземате непотребен ризик,- Пабло Лемус Наваро – Гувернер на Халиско.

Ел Менчо – полицаецот кој го искористи вакуум просторот кој го оставија старите картели го создаде еден од најмноќните и најагресивните во светот – Картелот „Нова Генерација“.

Оваа криминална група најчесто тргува со синтетичка дрога како фентанил и метамфетамин, функционира како паралелна држава во одредени региони, со сопствена вооружена структура, логистика и финансиска мрежа, која се шири во Европа и Азија. логистика и финансика мрежа. Мексико демонстрира сила еднаква на државата.

Наркобосот, кој го замени Ел Чапо, важеше за еден од најбараните криминалци во светот, за чија „глава“ САД нудеа 15 милиони долари.

Тагови: МНР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ѓорѓиевски: Конечно решение за булевар „Борис Трајковски“

Фејсбук објава на градоначалникот на Град Скоје, Орце Ѓорѓиевски.

„30 години голгота - конечно решение за булевар „Борис Трајковски“

Зборот е збор.

Со силна динамика продолжуваат работите на довршување на булеварот „Борис Трајковски“, проект што со децении беше симбол на лажни ветувања, застој и секојдневен сообраќаен хаос.

Денес, со задоволство можам да кажам дека работите напредуваат според предвидената динамика и дека наскоро повеќе од 100.000 жители ќе добијат нов, модерен и безбеден булевар со четири сообраќајни ленти, како и уредена пешачка и велосипедска патека.

Трасата е речиси целосно пробиена, а паралелно се гради и нова атмосферска канализација, со што трајно се решаваат проблемите што со години го отежнуваа животот на граѓаните од овој дел на Скопје.

Свесен сум низ што поминуваше мојот народ сите овие години.

Свесен сум за изгубеното време, нервозите и долгото чекање.

Но, деценискиот сообраќаен хаос конечно заминува во историјата.

Ова е враќање на достоинството на граѓаните и доказ дека кога има волја, работа и одговорност - нема невозможни работи!

Продолжуваме да го менуваме ликот на Скопје!“- напиша Ѓорѓиевски.

Тагови: Орце Ѓорѓиевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ТИРЗ: ВДЛ Бус Македонија ќе започне со трета фаза на инвестицијата - производство на нов модел на автобус

Директорот на ТИРЗ Гоце Димовски денес имаше средба со Аврам Стојчевски, генерален директор на компанијата ВДЛ Бус Македонија.

На средбата се разговараше за тековните активности на компанијата, реализирањето на третата фаза од инвестицијата која ќе изнесува повеќе од 5 милиони евра, со нови 150 висококвалификувани работни места во рамките на ТИРЗ Скопје 2.

Димовски нагласи дека Дирекцијата за ТИРЗ останува посветен партнер на компаниите кои веќе инвестираат во земјата, преку навремена институционална поддршка и активно следење на нивните потреби. Тој истакна дека токму постојните инвеститори претставуваат најсилен показател за квалитетот на деловното окружување, а нивното проширување е важен сигнал за довербата во домашната економија.

На средбата беше разгледан планот за реализација на третата фаза од инвестицијата, која предвидува производство на нов модел на автобус. Дополнително, беше потврдена заложбата за продолжување на конструктивна соработка, со цел создавање услови за успешна реализација на овој инвестициски циклус, натамошен развој и зајакнување на конкурентноста на домашната економија.

Инаку, компанијата во април годинава од ВДЛ Ван Хоол Македонија се преименува во ВДЛ Бус Македонија, со што истата започна нова развојна фаза во своето работење. Промената е дел од поширокиот процес на трансформација и развој на компанијата, со фокус на понатамошно унапредување на производствените активности и зајакнување на нејзината позиција во автомобилската индустрија.

Тагови: ТИРЗ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДЗС: Неексплодирана граната со калибар 75mm извлечена од под вода во Црна Река кај с. Радобор

Станува збор за граната што била истрелана, но не експлодирала.

Пиротехничарот на Дирекцијата за заштита и спасување (ДЗС), Ѓорѓи Стефанов, безбедно отстрани неексплодирана артилериска граната со калибар 75mm, што потекнува од Првата светска војна и беше пронајдена под вода во Црна Река, кај мостот во село Радобор, Општина Могила.

Станува збор за граната што била истрелана, но не експлодирала. За пронајденото убојно средство, ДЗС Битола ја прими дојавата преку единствениот повикувачки број за итни случаи 112.

Тагови: ДЗС

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.